METRO MANILA, Philippines – Nagbabala ang Department of Health (DOH) sa publiko na mag-ingat sa mga posibleng sakit na dulot ng sugat mula sa mga paputok.
Kabilang na rito ang tetanus infection na isa anilang delikado at nakamamatay na sakit. Kaya naman payo ng DOH sa mga napuputukan, kaagad na magtungo sa ospital at magpagamot upang makaiwas sa tetanus infection.
“Basta tayo ay naputukan kahit minor lang siya, nasunog tayo, kailangan talagang pumunta sa hospital kasi bibigyan ka ng anti-tetanus na injection kasama iyong toxoid at anti-tetanus serum,” ani DOH Undersecretary Eric Domingo.
Binigyang-diin ng Kagawaran ng Kalusugan na delikado ang sakit na tetanus at bihira ang nakaliligtas lalo na kung hindi nabakunahan ng anti-tetanus. Huwag na rin hintayin na makaramdam pa ng sintomas ng tetanus infection bago pa pumunta sa ospital. Kabilang dito ang pamumulikat o muscle spasms sa mukha at sa leeg, lagnat at hirap sa paghinga.
“Talagang nakakamatay po ang tetano. Maninigas iyong kanilang panga at hindi gumagalaw, nagku- kumbulsyon at sa katagalan ay namamatay within a week siguro or a few days. So, gusto natin i-prevent ‘yan.”
Para makaiwas sa impeksyon, hugasan ng malinis na tubig ang sugat o bahaging nasabugan ng paputok. Balutin ito ng malinis na gasa o tela. Huwag rin lalagyan ng toothpaste o kahit anoman at dalhin agad sa ospital ang biktima.
Samantala, 24 na ang naitalang fireworks-related injuries ng DOH simula Biyernes hanggang kahapon ng umaga. Karamihan sa mga nabiktima ay mga lalaking nasa edad dalawa hanggang 49 na taong gulang. Ngunit ayon sa kagawaran, mas mababa pa rin ito ng 54% o 28 kaso kumpara noong nakaraang taon.
(Aiko Miguel | UNTV News)
Tags: Department of Health, infection, naputukan, new year, tetanus
Nasa 106,000 na mga nurses ang kinakailangan para sa mga pampubliko at pribadong medical facilities sa Pilipinas ayon sa Department of Health.
Bukod sa mga nurses kulang rin ang bansa ng mga doktor, pharmacist, medical technologist, radiologic technologist, dentist, occupational therapist, physical therapist at midwives.
Ayon kay DOH Officer-In-Charge Maria Rosario Vergeire, isa sa mga dahilan kung bakit may kakulangan sa healthcare workers sa bansa, ay dahil marami sa mga ito ang pinipiling mag-trabaho abroad.
Kaya naman nais aniya ng DOH, na manatili sa 7,500 ang yearly deployment cap sa mga nagtatrabaho sa sektor ng kalusugan. Panawagan ni Vergeire sa mga healthcare workers sa bansa, may mga plantilla positions na maari silang pasukan. Kinakailangan lamang aniya na makipag-ugnayan sa Human Resources Bureau upang maproseso ang kanilang aplikasyon.
Tags: Department of Health, Nurses
Na-discharged na ang ika-apat na kaso ng monkeypox sa bansa ayon sa Department of Health. Ito ay yaong 25 years old na walang travel history sa anomang bansa na may kaso ng monkeypox.
Ayon sa DOH, na-discharged ang pasyente sa ospital noong September 15, at kasalukuyang sumasailalim sa home quarantine habang hinintay na matanggal ang lahat ng mga scabs dulot ng impeksyon.
August 19 nang nag-positibo ito sa monkeypox matapos sumailalim sa RT-PCR test.
Lahat naman ng dalawampung (20) close contact nito ay asymptomatic.
Labing walo (18) ang tapos nang mag-quarantine, isa tapos na sa self-monitoring period, at isa ang sumasailalim pa sa quarantine.
Tags: Department of Health, Monkeypox
METRO MANILA – May naitala nanamang panibagong kaso ng polio ang Department Of Health (DOH) mula sa isang 9 na taong gulang na batang babae sa Mindanao matapos magpositibo sa pagsusuri ng Research Institute for Tropical Medicine and the National Institute of Infectious Diseases .
Ayon sa DOH hindi pa kailanman nakatanggap ng polio virus vaccine ang bata. Sa ngayon nakikipagugnyan na ang DOH sa Bangsamoro autonomus region in Muslim Mindanao-Ministry of Health para sa mas ibayo pang kampanya para sa pagpapabakuna sa Basilan.
Tiniyak ni Health Secretary Francisco Duque III na mayroong sapat na supply bakuna para sa polio virus ang bansa.
Nanawagan rin si Sec. Duque sa mga magulang sa National Capital Region (NCR) at sa buong Mindnao na samantalahin ang isa na namang malawakang pagbabakuna na nagsimula Kahapon (November 25) at tatagal hanggang sa December 7.
“I urge all parents and caregivers of children under five years old to take part in the sabayang patak kontra polio campaign and have their children vaccinated by our health workers”ani DOH Sec. Francisco Duque III.
Sinabi pa ng kalihim na ang vaccination team ay maglilibot sa mga bahay bahay sa bawat baranggay upang matiyak na mabakunahan ang mga bata.
“We are thankful for the participation and continued support of our local government units and communities in this campaign. I am confident that we will be successful in halting this outbreak if we continue to work together and make sure that no child is left unvaccinated,”ani DOH Sec. Francisco Duque III.
(Bernard Dadis | UNTV NEWS)
Tags: Department of Health, polio
