METRO MANILA – Nananatiling front runner sa 2028 Presidential Preference survey sina Vice President Sara Duterte at Senator Raffy Tulfo.
Sa online survey ng Tangere app na isinagawa nitong May 23 hanggang 26, statistically tied sina VP Sara at Senador Tulfo na nakakuha ng 27.67% at 27.07% ng mga sumagot sa survey.
Humakot ng suporta mula sa Visayas at Mindanao si VP Sara para sa naturang survey habang pabor kay Tulfo ang malaking bilang ng mga botante mula sa Southern Luzon at Bicol region.
Pumangatlo naman sa presidential preference survey si Former Vice President Leni Robredo na nakakuha ng 14.33%, karamihan ng pumili sa kanya ay mula naman sa Bicol at upper income class.
Sa 2028 vice presidential survey, top choice din si Senator Tulfo na sinundan ni Senator Grace Poe at Former President Rodrigo Duterte.
Tags: 2028 Election, presidential survey
METRO MANILA – Nanguna sa survey ng Pulse Asia si Davao City Mayor Sara Duterte-Carpio sa 1st choice Presidential Survey, sinundan siya ni Manila Mayor Isko Moreno at pumangatlo naman si Dating Senator Bongbong Marcos.
Nasa pang-apat na pwesto si Senator Grace Poe habang panlima naman si Senator Manny Pacquiao
Ayon kay Political Science Professor Dennis Coronacion, posibleng sina Mayor Sara Duterte at MAYOR ISKO MORENO ang maging magkalaban sa halalan sa susunod na taon
“Kung sakaling sila mang sila talaga yung magiging magkatunggali , kung ang posisyon ng presidente, pareho sila Isko and Inday, based on the survey result, marami pa silang dapat gawin” ani UST Political Science Professor, Prof. Dennis Coronacion.
Pero ayon kay Coronacion, may posibilidad din naman na ang 2 alkalde ay mag-tandem sa halalan.
“Hindi pa natin masabi, baka magulat pa tayo, magkampihan pa yan” ani UST Political Science Professor, Prof. Dennis Coronacion.
Naiulat na rin ang pakikipag-alyansa ng partido ni Moreno na National Unity Party sa regional party na Hugpong ng Pagbabago ni Mayor Duterte.
Dagdag pa ni Coronacion, maaaring hindi na lalagpas sa tag-5 kandidato ang maaaring pumasok sa presidential at vice presidential race sa 2022 national elections. Batay na rin sa lumabas na survey.
“Baka hindi lalagapas sa top 5 both sa position ng president and vice president. Malaki kasing bagay ang resulta na yan, kasi yung mga kulelat atsaka yung mga nangunguna it gives them an idea whether to pursue their ambition or not” ani UST Political Science Professor, Prof. Dennis Coronacion
Sa ngayon ay wala pang mga pinal na desisyon ang lumulutang na mga pangalan na tatakbo sa pagkapangulo at bise presidente.
Inaasahan na magkakaroon na ng linaw kung sino ang mga kakandidato sa paparating na 2022 elections bago ang filing ng certificate of candidacy sa Oktubre.
(Nel Maribojoc | UNTV News)
Tags: 2022 Election, presidential survey
Limang araw bago ang araw ng eleksyon, napanatili ni Davao City Mayor Duterte ang kaniyang unang pwesto sa bagong pre-election survey ng Pulse Asia na kinomisyon ng Abs-Cbn.
Nakakuha si Duterte ng 33 percent at sa kauna-unahang pagkakataon ay tie sa ikalawang pwesto sina Mar Roxas at Grace Poe na may 22 at 21 percent ratings, pangatlo si Vice President Jejomar Binay na may 17 percent at pangapat si Senator Miriam Santiago na may 2 percent.
Sa nakalipas na isang buwan, bagama’t nangunguna, halos hindi gumalaw ang rating ni Duterte, si Roxas ay umangat ng 4 percent , samantalang si Poe naman ay nabawasan ng 4 percent mula noong 1st week ng April habang si Binay ay bumaba ng 3 percent.
Samantala, sa kauna-unahan ring pagkakataon statistically tie na sa unang pwesto sa vice presidential survey sina Camarines Sur Representative Leni Robredo at Senator Bongbong Marcos na may 30 at 28 percent, tabla rin sa ikalawang pwesto sina Senator Chiz Escudero at Alan Cayetano na may 18 at 15 percent at parehong nasa ikatlong pwesto naman sina Senator Gringo Honasan at Antonito Trillanes na may 3 at 2 percent ratings.
Samantala, nangunguna pa rin sa senatorial post sina Drilon, Sotto at Pangilinan.
Pasok rin sa winning circle sina Zubiri, Lacson, Pacquiao,Hontiveros, Villanueva, Osmena, Gordon, De Lima, Recto at Gatchalian.
Isinagawa ang survey noong April 26 hanggang 29 sa 4000 registered voters na may plus minus 1.5 percent margin of error.
Labis namang ikinagalak ng Malacañang ang pagangat sa puwesto ng tambalang Roxas at Robredo.
Ayon kay Presidential Spokesperson Edwin Lacierda, ang nalalabing araw bago ang halalan sa Lunes ay magbibigay ng pagkakataon sa Mar-Leni tandem na mailatag pa sa mga botante ang mga programang makakatulong sa ibayong pagunlad ng bansa.
(Jerico Albano / UNTV Correspondent)
Nanguna si Senator Grace Poe sa Presidential Survey ng Pulse Asia.
Sa poll survey na isinagawa nitong Enero 24 hanggang 28 sa 1,800 na respondents, nakakuha si Poe ng 33% habang statistically tied naman sina Vice President Jejomar Binay, Liberal Party Standard bearer Mar Roxas na mayroong 23% habang nakakuha naman ng 20% si Davao City Mayor Rodrigo Duterte.
Sa Vice Presidential race, nasa unang puwesto si Sen. Francis “Chiz” Escudero na mayroong 33% at na sinundan ni Senator Ferdinand “Bongbong” Marcos, Jr. sa 23%.
Nasa ikatlong puwesto si Camarines Sur Rep. Maria Leonor “Leni” Robredo na mayroong 18% at si Senator Alan Peter Cayetano na nakakuha ng 14%.
Si Sen. Gregorio Honasan ay mayroong 5 % habang 4 % kay Sen. Antonio Trillanes IV.
(UNTV Radio)
Tags: presidential survey, Pulse Asia
