Lumabas ang isang ulat mula sa NBC News, isang American Broadcast Network na kinukunsidera umano ng pentagon na payagan ang U.S. military na magsagawa ng airstrikes sa Marawi City sa pamamagitan ng drones.
Ito ay bilang tulong sa Pilipinas na sugpuin ang ISIS-inspired Maute terrorist group. Gayunman, itinanggi ng Malakanyang na nagkaroon na ng pagtalakay ang Philippine at U.S. government hinggil sa isyu.
Dagdag pa ni Presidential Spokesperson Ernesto Abella, ni hindi ito nabanggit ng militar nang dumalaw si Pangulong Rodrigo Duterte sa Marawi City kamakailan.
Kapwa rin itinanggi ng Department of National Defense at Armed Forces of the Philippines na may pag-uusap na sa kanilang lebel o humiling sila ng ganitong uri ng ayuda sa Amerika.
Tags: duterte, Estados Unidos, Marawi City
Walang bayad ang dugong ibinibigay ng Philippine Red Cross. Ito ang pahayag ng humanitarian organization matapos kwestyunin ni Pangulong Rodrigo Duterte kung bakit may sinisingil ang PRC pag mag-aavail ng dugo gayong kinukuha ito sa pamamagitan ng blood donation drive mula sa mga volunteer.
“Mahilig kayong magpa-bloodletting. Isang batalyon na pulis, isang batalyon na army. Tapos ang mga tao dyan kung kailangan, bumili. Ang mahirap dyan o mayaman, gusto ng dugo sa Red Cross, nagbabayad! Eh saan naman yung mga dugo na kinuha mo dyan sa mga sundalo pati pulis pati sibilyan? I’m just trying to reconcile. Magbayad ka maski mahirap ka,” pahayag ni Pang. Rodrigo Duterte.
Sa isang pahayag, sinabi ng PRC na naayon sa polisiya ng DOH ang pangongolekta ng blood processing fee para ilaan sa mga serbisyo, at operasyon tulad ng donor recruitment, education, collection, blood testing, preparasyon ng blood products at iba pang proseso upang masiguro ang kaligtasan ng dugong isasalin.
Maaari ring mai-avail ito ng libre sa blood facilities ng Red Cross kung makapagpapakita ng certificate of indigency mula sa ospital kung saan naka-admit ang pasyente o mula sa PRC welfare services.
Dagdag pa nito, naglunsad din anila ang samahan ng blood samaritan program upang makalikom ng pondo para sa mga pasyenteng walang kakayahang bayaran ang blood processing fee.
Ang PRC ay pinamumunan ni Senator Richard Gordon, na chairman ng Senate Blue Ribbon Committee na dumidinig sa procurement ng medical supplies ng administrasyong Duterte noong nakalipas na taon.
Inaakusahan ni Pangulong Duterte ang senador na ginagamit ang PRC upang makakalap ng pondo para sa kaniyang political plans. Inatasan din nito si Solicitor General Jose Calida na sulatan ang Commission on Audit (COA) upang pormal na hilingin na busisiin ang financial records ng PRC.
Rosalie Coz | UNTV News and Rescue
Tags: DOH, duterte, Pangulong Duterte, Philippine Red Cross, Sen. Richard Gordon
METRO MANILA – Sa harap ni Pangulong Rodrigo Duterte kaninang umaga, sinisi ni Department of Health Secretary Francisco Duque III ang kanyang mga subordinates ang kapalpakan kung bakit nagkaroon ng delay ang pag- release ng karampatang ayuda sa mga healthcare worker na tinamaan ng COVID-19.
Ayon kay Secretary Duque, hindi katanggap-tanggap ang nangyaring pagkaantala ng benepisyo.
“Nakakahiya talaga, Sir, namatayan na nga, nagpawardy-wardy yung mga tao ko na parang walang sense of urgency. Ang sama-sama po ng loob ko Mr. President,” ani Sec. Francisco Duque III, DOH.
Ipinahayag nito kay Pangulong Duterte na inatasan niya ang ang kanyang tauhan na huwag umuwi hangga’t hindi natatanggap ng mga benepisyaryo ang kompensasyon.
Iyan ang tweet ni Duque ngayong tanghali, June 5, 2020, inako ng kalihim ang responsibilidad sa kapalpakan ng kagawaran.
Binigyang diin ni Pangulong Duterte na matagal aniya ang dalawang buwan para matengga ang ayuda para sa mga beneficiaries, isang bagay na dapat inaksyunan agad ng DOH.
Sa ngayon ay nailabas na ang joint administrative order para ipatupad ang probisyon ng bayanihan law kung saan bibigyan ng P100,000.00 benefit ang mga health workers na mayroong severe case ng COVID-19 habang isang milyon naman ang ibibigay sa mga nasawi na mula sa sakit.
“The joint administrative order to guide the distribution of 1 million to each of the 32 families na namatayan, 32 po sila na namatayan Noong June 2,” ayon pa kay Sec. Francisco Duque III, DOH.
Una ng binigyan ni Pangulong Duterte ng hanggang Martes, June 9, 2020, ang DOH para ipamahagi ang pinansyal na ayuda para sa mga health workers na tinamaan ng COVID-19 o namatay dahil sa nasabing sakit.
(Aiko Miguel)
Tags: Covid-19, DOH Sec. Francisco Duque III, duterte, Nurses
Sa bisa ng proclamation number 922, isinailalim na ng Duterte administration ang Pilipinas sa state of public health emergency. Kasunod ito ng pagtaas ng bilang ng positibong kaso ng coronavirus disease 2019 o COVID-19 sa bansa.
Sa pinakahuling tala ng Department of Health, dalawampu na ang kaso ng coronavirus disease sa bansa.
Sa pamamagitan ng public health emergency proclamation, magkakaroon ang gobyerno ng kapangyarihang ipatupad ang mandatory reporting kaugnay ng COVID-19, paigtingin ang pagresponde ng pamahalaan para mapigil ang pagkalat ng covid-19 at paggamit ng pondo.
“The declaration of a state of public health emergency would capacitate government agencies and lgus to immediately act to prevent loss of life, utilize appropriate resources to implement urgent and critical measures to contain or prevent the spread of covid-19, mitigate its effects and impacts to the community, and enforce quarantine and disease control prevention measures,” ani Sec. Salvador Panelo, Presidential Spokesperson and Chief Presidential Legal Counsel.
Hinihinkayat naman ang lahat ng ahensya at lokal na pamahalaan na makipagtulungan kaugnay nito gayundin ang publiko, kabilang na ang mga turista at mga negosyante ay ini-encourage na sumunod sa mga direktiba ng pamahalaan para maiwasan ang transmission ng COVID-19.
Samantala, nanawagan naman ang palasyo sa lahat ng media outlets na iparating sa publiko ang lahat ng anunsyo na inilalabas ng Department of Health kaugnay ng COVID-19.
“May we request, urge all media outlets to kindly publish all the statements made by sec. duque and all bulletins issued by it so our countrymen will know how to react on the present crisis,” dagdag pa ni ani Sec. Salvador Panelo, Presidential Spokesperson and Chief Presidential Legal Counsel.
Upang matiyak naman ang seguridad sa kalusugan ni Pangulong Duterte, no touch policy ang ipatutupad ng Presidential Security Group sa mga public event nito.
Lahat din ng personalidad na inaasahang lalapit sa Pangulo lalo na tuwing may meeting at events ito ay dadaan sa masinsinang screening kabilang na ang mga PSG personnel, mga pulitiko at iba pang dignitaries.
Posible ring kanselahin ang large crowd gatherings na nakatakdang daluhan ng Presidente kung hindi papasa sa assessment ng PSG.
(Rosalie Coz)
Tags: Coronavirus Disease, covid19, duterte
