Bagaman humingi na ng paumanhin si Quezon City traffic Chief Attorney Ariel Inton sa ginawang pagbasag sa salamin ng isang sasakyan na sinasabing matagal nang nakaparada sa bangketa, maghahain pa rin ng reklamo sa korte ang may-ari ng kotse na Nissan Maxima 1990 ang modelo.
Paliwanag ni Inton, nagkamali siya sa kanyang desisyon na wasakin ang bintana ng sasakyan upang mahatak ng kanilang towing truck. Pero giit ng opisyal, ibinatay lamang niya ang kanyang naging hakbang sa 2004 Quezon City ordinance.
“We might have an error in judgement but definitely ginawa po natin yan because meron po tayong basehan. ‘Yun pong nga bangketa yung mga kalye po natin hindi nyo pwedeng gamiting personal o private gain. Pinapangalagaan lang po natin ang property ng siyudad para ma-enjoy ng mas maraming tao,” ani Atty. Ariel IntoN, QC Traffic Head.
Dagdag pa ni Inton, matagal ng inirereklamo sa kanila ng may may-ari ng mga establisyimento ang naturang sasakyan na matagal nang nakaharang sa bangketa. Pero sa pananaw ng isang legal expert na si Attorney George Erwin Garcia, labag sa batas ang ginawa ni Inton.
Ayon kay Attorney Garcia, paglabag sa right to privacy at property ang paninira ng isang pribadong pagmamayari, kahit pa ginawa ito ng isang opisyal dahil sa pagpapatupad ng batas.
Aniya importante na laging magkaroon ng due process ang mapakinggan muna ang panig ng isang indibidwal kung bakit nito nagawa ang paglabag.
“Kahit pa anong kadahilanan ng ating mga nasa pamahalaan kahit ano pang kagandahan nung kanilang kadahilanan at rason laging sinasabi ng Korte Suprema na sa pagpapatupad ng kapangyarihan ng pamahalaan yung tinatawag na police power kinakailangan there must always be corresponding respect. Pagrespeto doon sa kaparapatan na nakalagay sa saligang batas. Maaring sampahan ng kasong kriminal at administratibo ang sinomang opisyal na lalabag dito,” ayon kay Atty.George Erwin Garcia, legal expert.
Handa naman si attorney inton na harapin ang kasong posibleng isampa laban sa kanya.
(Joan Nano | UNTV News)
Tags: Atty. George Erwin Garcia, Atty. Inton, Quezon City traffic Chief
Tuloy-tuloy ang paghahanda ng Commission on Elections (COMELEC) para sa 2022 Barangay at Sangguniang Kabataan Elections (BSKE), ito’y ay sa kabila ng ilang inihaing panukalang batas sa kongreso na naglalayong ito’y ipagpapaliban.
Ayon kay COMELEC Chairman George Erwin Garcia, hindi sila maaaring makipagsapalaran.
“Alam ko madami na ring panukalang batas na nai-file sa House of Representatives ay hanggang sa kasalukuyan hindi pa sila nagkakaroon ng pagdinig. Kaya po nakapahirap naman sa kalagayan ng COMELEC na maghihintay kami doon sa magiging outcome tapos hindi kami maghahanda,” ani COMELEC Chairman Atty. George Erwin Garcia.
Panawagan ng COMELEC sa kongreso na sana bago matapos ang buwang ito ay magkaroon na ng desisyon tungkol sa panukalang election postponement.
“The most na magkakaroon talaga ng activity na magkakaroon ng mga hearing sa kongreso lalo na patungkol sa postponement kung magka-postponement ay mga second week to the third week mga third siguro ng August hopefully magkakaroon, that’s why I’m expecting at least may linaw na ipapatawag naman nila kami sigurado,” ayon kay COMELEC Chairman Garcia.
Ngunit tiniyak naman ni Garcia, kahit makabili na ng mga gamit o makapag-print na ng mga balota, magagamit pa rin ito kung sakaling ipagpaliban ang eleksyon.
Inihalimbawa ng komisyon ang nangyari noong May 14, 2018 Barangay at SK elections kung saan ang mga ginamit na balota ay may petsa na October 23, 2017, kaya walang masasayang sa kanilang pondo na aabot sa 8.4 billion pesos.
Ang nagagastos pa lang dito ay nasa mahigit seven hundred thousand pesos para sa maintenance at operating expenses at national conference para sa iba’t ibang workshop na ginagawa ng COMELEC.
“Sisigurahin po namin na ‘yong bibilhin naming mga kagamitan naman ay mga kagamitan na gagamitin sa eleksyon kahit ma-reset ang eleksyon halimbawa sa isang taon hindi rin po masasayang yong lahat ng gagamitin namin. Wala pong masasayang na pondo ng sambayanan dito, ginarantiyahan po namin yan,” dagdag ni COMELEC Chairman George Erwin Garcia.
Samantala, bukod sa Barangay at SK elections, kasama rin sa pinaghahandaan ng COMELEC ang apat na plebisito bago ang December 5, 2022 BSKE. Kasama na rito ang September 17, 2022 plebiscite para sa conversion ng munisipalidad ng Calaca bilang component city ng Batangas province. Gayundin ang paghahati sa probinsya ng Maguidanao sa dalawang distrito at independent provinces. Lahat naman ng pondo rito ay mula sa local government units.
(Dante Amento | UNTV News)
Tags: Atty. George Erwin Garcia, brgy and sk elections, COMELEC
MANILA, Philippines – Nagbabala ang Commission on Elections (COMELEC) na madidiskwalipika ang sinomang kandidatong magpapalabas ng pelikula o anumang panoorin tungkol sa buhay nito sa panahon ng kampanya mula ika-12 ng Pebrero hanggang ika-11 ng Mayo.
Ayon kay Comelec Spokesman Director James Jimenez, isa itong election offense na may parusang isa hanggang anim na taong pagkakabilanggo, diskwalipikasyon na manungkulan sa anumang posisyon sa gobyerno at hindi na maaaring makaboto.
“The exhibition of any cinematographic work, any television program focusing primarily on the life of a candidate or featuring the candidate as the main player in that particular production is prohibited from the start of the campaign period so that’s pretty clear,” paliwanag ni Comelec Spokesperson Director James Jimenez.
Ginawa ng Comelec ang pahayag kaugnay ng planong pagpapalabas ng pelikula tungkol sa buhay ni dating PNP Chief at senatorial aspirant Ronald Bato dela Rosa.
Pero ayon sa election law expert na si Attorney George Erwin Garcia, wala namang problema kung maipapalabas ang pelikula ni Bato bago magsimula ang panahon ng kampanya.
“Kung ako sa kanila ipalabas nila ito bago sana iyong mismong campaign period which is February 12 o kaya naman wala tayong choice kundi after na lang,” payo ni Attorney Garcia.
Babala pa nito, posible ring madiskwalipika ang isang kandidatong mapapatunayang nagbabayad ng mga supporter upang magpakalat ng mga campaign materials na naglalaman ng mga palabas at panoorin tungkol sa isang kandidato.
Samantala, wala pang pahayag si dating PNP Chief dela Rosa hinggil sa isyu.
(Aiko Miguel | UNTV News)
Tags: Atty. George Erwin Garcia, COMELEC, Commission on Elections, movie, pelikula, PNP Chief Oscar Albayalde, Ronald Bato dela Rosa
Tiniyak ng kampo ni Senador Bongbong Marcos na di ito magiging hadlang canvassing na gagawin ng kongreso para sa presidential votes.
Ayon kay Atty George Erwin Garcia na head ng legal team ni Marcos, malinaw na si Mayor Rodrigo Duterte ang pinili ng mga mamamayang Pilipino at mahalaga na irespeto ang mandatong ito.
Pero iginiit ni Atty Garcia na magiging mabusisi sila sa certificate of canvass sa vice presidential votes.
Nais ng kampo ni Marcos na ipagdiinan na imposible o di dapat tanggapin ng publiko ang partial and unofficial result sa VP votes.
(UNTV NEWS)
