MANILA, Philippines – Iniisaisa ng Food and Drug Adminstration (FDA) ang mga pamilihan sa bansa upang masuri kung may ibinibentang imported meat products ang mga ito mula sa bansang apektado ng african swine fever.
Kinukumpiska na ng fda ang mga ipinagbabawal na meat products upang hindi na makonsumo pa ng publiko o di kaya ay mahalo sa pagkain ng livestock sa bansa.
Umabot na sa mahigit P7M ang halaga ng mga nakumpiskang imported meat products ng fda sa buong bansa. Katumbas iyon ng mahigit 16 na libong delata.
“Actually mahigit 50 na establishments, groceries at tsaka mga distributors ang nahulihan natin na mayroon nitong mga banned products natin na ito. At sineal na natin ito” ani DOH Spokesperson Undersecretary Eric Domingo.
Muling nagpapa-alala ang fda na hindi ma-aaring magpasok ng imported pork meat at pork products mula sa mga bansang apektado ng african swine fever.Sa airport pa lang ay kukumpiskahin na ang mga ito.
“Anything from unprocessed na frozen meat halimbawa bawal iyon pero pati mga produkto na na- processed na. Halimbawa iyong mga de lata o kaya mga kakanin or pagkain na containing meat products lalo na kung pork ay talagang hindi natin pinapayagan na makapsok ito.” ani DOH Spokesperson Usec Eric Domingo.
Ayon sa tagapagsalita ng Department of Health, hanggat hindi pa natatapos ang problema sa african swine fever sa ibang bansa mananatiling maghihigpit ang pilipinas sa pagpasok ng pork products.
“Kasi as of now wala pa rin nade- develop na gamot tsaka bakuna kontra sa mga sakit ng mga baboy na ito kaya talagang indefinite ang ating ban, indefinite ang ating seizure and recall order.”ani DOH Spokesperson Eric Domingo.
Samantala nakikusap ang fda sa publiko na ipagbigay alam sa kanila ang mga establisyemento, distributor o pamilihan na nagbebenta ng meat products mula sa bansang belgium, bulgaria. China, Czech Republic, Hungary, Lativia, Moldova, Poland, Romania, Russia, South Africa, Ukraine, Zambia, Mongolia, Vietnam, Cambodia, Hong Kong At North Korea
Paliwanag ng kagawaran, layon ng paghihigpit na mapanatiling african swine fever free ang Pilipinas.
(Aiko Miguel | UNTV News)
Tags: Department of Health, Food and Drug Administration, imported na karne
Nasa 106,000 na mga nurses ang kinakailangan para sa mga pampubliko at pribadong medical facilities sa Pilipinas ayon sa Department of Health.
Bukod sa mga nurses kulang rin ang bansa ng mga doktor, pharmacist, medical technologist, radiologic technologist, dentist, occupational therapist, physical therapist at midwives.
Ayon kay DOH Officer-In-Charge Maria Rosario Vergeire, isa sa mga dahilan kung bakit may kakulangan sa healthcare workers sa bansa, ay dahil marami sa mga ito ang pinipiling mag-trabaho abroad.
Kaya naman nais aniya ng DOH, na manatili sa 7,500 ang yearly deployment cap sa mga nagtatrabaho sa sektor ng kalusugan. Panawagan ni Vergeire sa mga healthcare workers sa bansa, may mga plantilla positions na maari silang pasukan. Kinakailangan lamang aniya na makipag-ugnayan sa Human Resources Bureau upang maproseso ang kanilang aplikasyon.
Tags: Department of Health, Nurses
Na-discharged na ang ika-apat na kaso ng monkeypox sa bansa ayon sa Department of Health. Ito ay yaong 25 years old na walang travel history sa anomang bansa na may kaso ng monkeypox.
Ayon sa DOH, na-discharged ang pasyente sa ospital noong September 15, at kasalukuyang sumasailalim sa home quarantine habang hinintay na matanggal ang lahat ng mga scabs dulot ng impeksyon.
August 19 nang nag-positibo ito sa monkeypox matapos sumailalim sa RT-PCR test.
Lahat naman ng dalawampung (20) close contact nito ay asymptomatic.
Labing walo (18) ang tapos nang mag-quarantine, isa tapos na sa self-monitoring period, at isa ang sumasailalim pa sa quarantine.
Tags: Department of Health, Monkeypox
Inaprubahan na ng Food and Drug Administration ang dalawang self-administered COVID-19 antigen test kits.
Ayon kay FDA Officer-in-Charge Oscar Gutierrez, nabigyan na nila ng special certification ang Panbio Covid 19 antigen self test ng Abbot at sars-cov-2 antigen rapid test self test for home use ng Labnovation Technologies.
Inulat rin ni Gutierrez kay Pangulong Rodrigo Duterte kagabi, (Jan. 24, 2022) na aabot sa 86 antigen test kits ang naialis na sa merkado.
“Hindi nila na-meet ang RITM performance validation habang mayron silang special certification o ‘di kaya ‘di po sila rehistrado, authorized o kaya sinurernder ng special certification holder ‘yong kanilang certification,” ani Dr. Oscar Gutierrez, Officer-in-Charge, Food and Drug Administration.
Samantala, ayon kay Vaccine CZAR Carlito Galvez, Jr., posibleng masimulan na ang pagbabakuna sa batang may edad lima hanggang labing isa sa darating na February 4.
“Darating po next week mga supply at pwede na po tayong mag-rollout ng February 4, next Friday po,” pahayag Dr. Oscar Gutierrez, Officer-in-Charge, Food and Drug Administration
Ayon kay Galvez maglalagay sila ng dalawang vaccination site kada siyudad sa National Capital Region at papalawigin nila ito sa iba ring rehiyon matapos ang isang linggo.
Tiniyak ng Vaccine CZAR sa mga magulang na ligtas ang bakunang ituturok sa kanilang mga anak.
“Makaka-assure po tayo sa ating mga magulang na very safe ang ating gagamitin na bakuna dahil ito ay mas mababa ang formulation na angkop sa mga bata,” sinabi ni Galvez.
Para naman makatulong sa vaccination rollout ng pamahalaan, plano ng Department of Transportation na maglagay ng bakunahan sa MRT stations.
“Matatayo kami sa mga istasyon we have pin pointed already 4 station, where we will have on-site vaccinations program, eto ‘yung Cubao, Shaw Boulevard, ‘yung Boni at Ayala,” ani Sec. Arthur Tugade, Department of Transportation.
Bukod dito ay plano ring maglagay ng vaccination dite ang DOTR sa airport terminal at seaports pero ito ay didepende pa rin sa panuntunan ng Department of Health.
Sa kasalukuyan, aabot na sa 59.7 million na indibidwal ang nakatanggap na ng first dose, samantalang 57.2 million ang fully vaccinated na.
NeL Maribojoc | UNTV News
Tags: antigen test kits, Covid-19, Dr. Oscar Gutierrez, Food and Drug Administration, VACCINE CZAR CARLITO GALVEZ
