MECQ, ipatutupad sa Lanao Del Sur sa Oktubre ; NCR at 5 pang lugar, isasailalim sa GCQ

by Erika Endraca | September 29, 2020 (Tuesday) | 8591

METRO MANILA – Epektibo simula October 1, 2020, muling iiral sa loob ng 1 buwan ang bagong quarantine classification sa buong bansa.

Aprubado ni Pangulong Rodrigo Duterte ang rekomendasyon ng Inter-Agency Task Force na isailalim ang probinsya ng Lanao Del Sur kabilang na ang Marawi City sa Modified Enhanced Community Quarantine o MECQ simula October 1 hanggang 31, 2020, pinakamahigpit na quarantine restriction sa Pilipinas.

Anim na lugar naman ang sasailalim sa General Community Quarantine (GCQ) pagkatapos ng Setyembre, kabilang na ang Metro Manila, Batangas, Tacloban City, Bacolod City, Iligan City at Iloilo City.

Mayoryang bahagi naman ng bansa, sasailalim sa Modified General Community Quarantine (MGCQ).

Samantala, kuntento naman si Pangulong Rodrigo Duterte sa pagresponde ng mga lokal na pamahalaan sa COVID-19 crisis.

Muli rin nitong inulit ang kahandaan ng pamahalaang maglingkod at ipagpatuloy ang serbisyo lalo na sa gitna ng pandemiya.

”Mga kababayan ko, wag kayong masyadong maniwala diyan sa mga atake-atake, it would just muddle up your mind. Nandito kami, our purpose is to serve and to work, if we cannot serve, and if we cannot work, then we might as well get out of the government as ask somebody else to take over.” ani Pangulong Rodrigo Duterte.

(Rosalie Coz | UNTV News)

Tags: , ,

Metro Manila, sasailalim na sa COVID-19 Alert Level 3 simula October 16

by Erika Endraca | October 14, 2021 (Thursday) | 12792

METRO MANILA – Kasunod ng patuloy sa pagbaba ang COVID-19 cases sa bansa, inaprubahan ng Inter-Agency Task Force for the Management of Emerging Infectious Diseases (IATF) ang mas mababang COVID-19 alert system sa Metro Manila.

Mula October 16 – 31, 2021, alert level 3 na ang iiral sa National Capital Region.

Batay sa panuntunan ng IATF, nasa Alert Level 3 ang mga lugar na mataas o pataas ang bilang ng COVID-19 cases at mataas din ang utilization rate ng total bed at intensive care unit.

Sa ilalim ng alert level 3, pinapayagan ang movement ng mga tao liban na kung may ipinatutupad na age at comorbidity restrictions ang nakakasakop na lokal na pamahalaan.

Maaari ang intrazonal at interzonal travel gayundin ang individual outdoor exercises anoman ang vaccination status.

Sa ilalim ng alert level 3, mas marami ang makakapagtrabaho dahil mas maraming establisyimento at business activities ang pahihintulutan liban na sa mga lugar na nasa ilalim ng granular lockdowns.

Maximum 30% on-site venue o seating capacity para sa fully vaccinated at 50% outdoor venue capacity ang pinahihintulutan para sa venues ng meetings, incentives, conferences, exhibitions, permitted venues para sa social events, visitor o tourist attractions tulad ng libraries, museums, galleries, amusement parks o theme parks, recreational venues, cinemas at movie houses, limited face-to-face o in-person classes para sa higher education at technical-vocational education and training, in-person religious gatherings, gatherings para sa neurological services, wakes, inurnment, licensure o entrance examinations, dine-in services, personal care establishments, fitness studious, gyms, film, music at television production.

Ang mga ahensya rin ng pamahalaan, mananatiling fully operational subalit limitado rin sa 30% on-site capacity at may work-from-home at flexible arrangement.

Gayunman, ipinagbabawal ang mga business establishment at activities na itinuturing na high-risk sa hawaan ng COVID-19 tulad ng face-to-face classes sa basic education liban na ang mga aprubado ng IATF, contact sports, funfairs o perya, kid amusement industries, venues na may live performers at audiences, casinos, horse racing, cockfighting, at mga pagtitipon sa mga bahay ng mga indibidwal na hindi magkakasama sa kaparehong household.

Samantala, mananatili naman ang community quarantine classification sa mayoryang bahagi ng bansa.

Labing isang probinsya ang sasailalim sa Modified Enhanced Community Quarantine (MECQ) kabilang na ang Bulacan, Bataan, Cavite, Rizal, Laguna at iba pa.

Samantalang General Community Quarantine with Heightened Restrictions naman sa 23 lugar sa bansa gaya ng abra, Baguio City, Ilocos Sur, Pangasinan, Cagayan, Isabela, City of Santiago, Nueva Vizcaya, Quirino, Quezon, Batangas, Bacolod City, Capiz, Lapu-Lapu City, Negros Oriental, Bohol, Zamboanga del Sur, Misamis Oriental, Cagayan de Oro City, Davao del Norte, Davao Occidental, Davao de oro, Butuan City at Surigao del Sur.

GCQ naman at MGCQ ang mayoryang bahagi ng bansa.

(Rosalie Coz | UNTV News)

Tags: ,

GCQ with Heightened Restrictions, ipinatutupad sa Abra, Baguio City at Bohol; Ilocos Norte, sasailalim sa GCQ

by Erika Endraca | September 24, 2021 (Friday) | 37792

METRO MANILA – Bahagyang hinigpitan ng Inter-Agency Task Force for the Management of Emerging Infectious Diseases (IATF-EID) ang pinaiiral na community quarantine sa ilang probinsya sa bansa.

Kabilang dito ang Abra, Baguio City at Bohol na isinailalim sa General Community Quarantine with heightened restrictions mula sa dating klasipikasyon na Modified General Community Quarantine o (MGCQ).

Ang Ilocos Norte naman, niluwagan na sa GCQ mula sa Modified Enhanced Community Quarantine o (MECQ).

Epektibo ito simula ngayong araw (September 24) hanggang katapusan ng Setyembre.

Sa ilalim ng GCQ with heightened restrictions, 20% venue o seating capacity ang pinahihintulutan sa indoor dine-in services samantalang 50% naman sa al-fresco o outdoor dine-in services.

30% seating capacity naman para sa beauty salons, beauty parlors, barbershops, at nail spas.

At ang outdoor tourist attractions namans, papayagan ang 30% venue capacity at dapat panatilihin ang pagsunod sa minimum public health standards.

Sa religious gatherings naman, maaari ang 10% venue capacity at maaari itong palawigin ng mga lokal na pamahalaan sa 30%.

Ang mga establishment naman na may safety seal certifications, maaari pang dagdagan ng 10% seating capacity.

Bawal naman ang meetings, incentives, conventions and exhibitions events and social events sa venue establishments gayundin ang indoor sports courts at venues at indoor tourist attractions.

Samantala, ang Metro Manila naman ay nananatiling nasa ilalim ng Alert Level 4 na may kasamang granular lockdowns.

(Rosalie Coz | UNTV News)

Tags: , , , , ,

Bagong sistema ng granular lockdowns sa NCR, ipinagpaliban; MECQ, muling ipatutupad

by Erika Endraca | September 8, 2021 (Wednesday) | 7663

METRO MANILA – Bawal pa rin ang indoor at al-fresco dine-in services, personal care services kabilang ang beauty salons, beauty parlors at nail spas sa Metro Manila ngayong araw (Sept. 8).

Ito ay dahil pinalawig muna ng Inter-Agency Task Force for the Management of Emerging Infectious Diseases (IATF) ang pagpapairal sa Modified Enhanced Community Quarantine (MECQ) sa kapitolyo hanggang September 15.

Ipinagpaliban din ang pilot implementation ng bagong sistema ng granular lockdowns sa Metro Manila.

Dapat GCQ na sa NCR ngayong araw dahil planong umpisahan ng pamahalaan ang pagpapairal ng localized lockdowns sa halip na community-wide restrictions.

Ginawa ng IATF ang desisyon matapos magpulong muli kahapon subalit walang pang paliwanag ang palasyo kung bakit nagbago ng desisyon ang pamahalaan.

Samantala, mananatili ring online ang religious services sa NCR.

Bagaman pinahihintulutan ang non-covid neurological services, burol, inurnment at funerals, limitado lamang ito sa immediate family members at kailangang magpresenta ng pruweba ng relationship sa namayapa at dapat sundin ang minimum public health standards.

Sa mga nakalipas na araw, di naglabas ng detalyadong panuntunan ang palasyo kaugnay ng pilot implementation ng granular lockdowns sa NCR dahil inaayos pa ng IATF ang mga polisiyang ipatutupad.

Kasabay ito ng patuloy na mabilis na pagtaas ng COVID-19 cases sa bansa na ilang araw ding pumalo sa mahigit 20,000 ang kaso.

(Rosalie Coz | UNTV News)

Tags: , ,

More News