Pinagtibay ng korte ang naunang desisyon na pumapayag na mailagak ang mga labi ni dating Ferdinand Marcos sa libingan ng mga bayani.
Sampu ang bumoto pabor sa desisyon. Ito ay sina Associate Justice Presbitero Velasco Jr., Associate Justice Diosdado Peralta, Associate Justice Lucas Bersamin, Associate Justice Mariano del Castillo, Associate Justice Teresita de Castro, Associate Justice Jose Mendoza, Associate Justice Estela Perlas-Bernabe, Associate Justice Samuel Martires, Associate Justice Noel Tijam, Associate Justice Andres Reyes Jr.
Tutol naman sa desisyon sina Chief Justice Maria Lourdes Sereno, Senior Associate Justice Antonio Carpio, Associate Justice Marvic Leonen, Associate Justice Francis Jardeleza, Associate Justice Alfredo Benjamin Caguioa.
Hindi rin pinagbigyan ang hiling ni Albay Rep. Edcel Lagman na ipahukay at alisin doon ang mga labi ng dating pangulo.
Dismayado naman ang mga petitioner sa desisyon at plano ni Rep. Lagman na maghain ng panibagong mosyon tungkol dito.
Noyembre noong nakaraang taon, inilibing ang mga labi ng dating Pangulo matapos i-dismiss ng korte ang mga petisyon laban sa Marcos burial.
Tags: dating Pangulong Marcos, korte, libingan ng mga bayani
Kinuwestiyon mismo sa korte ni Senador Antonio Trillanes IV ang naging desisyon ni Judge Elmo Alameda hinggil sa pagpapaaresto sa kaniya at muling pagbuhay sa kaniyang kasong rebelyon. Nakatakdang dinggin ng Makati Regional Trial Court Branch 150 sa mosyon ng senador.
Oktubre a uno nang umapela ang kampo ng senador na bigyan sila ng pagkakataon na makapagpresenta ng ebidensya upang muling pag-aralan ang naunang resolusyon ng korte.
Sa 19 na pahinang motion for reconsideration, iginiit ni Trillanes na nakumpleto niya ang mga requirements ng amnestiya partikular na ang pagsusumite ng aplikasyon at hayagang pag-amin sa kaniyang pagkakasala.
At ngayong hinahanap pa nga ang orihinal na kopya ng aplikasyon ay maaari umanong pagbatayan ng korte ang kopya ng mismong aplikasyon ay sinumpaang testimonya ng mga dating DND Ad Hoc Committee members na nagproseso ng mga ito.
Batay sa best evidence rule, ang original document ang pinakamatibay na ebidensyang maaaring isumite, ngunit sakaling mawala o masira ay maaaring gamitin ang tinatawag na secondary evidence, bagay na hindi umano nagamit ng wasto ng korte kung panghahawakan ang resolusyong inilabas ng Korte Suprema noong Setyembre 2011.
Ito naman ang pananaw ng ilang legal expert gaya ni PLM College of Law Dean na si Atty. George Garcia at legal expert Professor Tony La Viña.
“Anong sabi ng Korte Suprema? Hindi naman kami trier of facts, hindi naman kami ang nagbabalanse ng mga ebidensya at tumatanggap ng mga ebidensya, mas maganda sa korte. So ibig sabihin, hindi nag-isyu ng TRO at pinabayaan ang RTC muna ang manguna dito. So anong ibig sabihin, nirefer mismo ng Korte Suprema ang kaso sa Regional Trial Court?” –pahayag ni Atty. George Garcia
“As long as he has shown the amnesty certificate, the burden of proof is with the government. The responsibility for the custody of documents is with government and not with Senator Trillanes. There should be no shifting of the burden” –pahayag ni Professor Tony La Viña
Matatandaang ika-25 ng Setyembre naglabas ng arrest warrant ang Branch 150 laban sa mambabatas, kasabay ng pagbuhay sa kaniyang rebellion case kaugnay ng 2007 Manila Peninsula siege na ibinasura noong Setyembre 2011.
Pansamantalang binigyan ng kalayaan ang senador nang magpyansa ng 200 libong piso.
( Asher Cadapan Jr. / UNTV Correspondent )
Tags: kasong rebelyon, korte, sen. trillanes
Muling sinuspinde ni acting Chief Justice Antonio Carpio ang trabaho sa lahat ng korte sa National Capital Region (NCR) ngayong araw dahil sa masamang panahon.
Ayon kay Supreme Court Public Information Office Chief Theodore Te, sakop ng kautusan ang Supreme Court, Court of Appeals, Sandiganbayan at Court of Tax Appeals.
Samantala, kinansela na rin ng Senado ang pasok sa lahat ng tanggapan dito.
Gayunman, tuloy ang bicameral conference sa panukalang Bangsamoro Basic Law (BBL) tulad kahapon.
Pasok sa shortlist ng Judicial and Bar Council (JBC) ang walong mga kandidato para sa susunod na mahistrado ng Korte Suprema, kapalit ni Associate Justice Presbitero Velasco Jr. na magreretiro na ngayong ika-8 ng Agosto.
Napabilang sa listahan sina Court Administrator Jose Midas Marquez, Court of Appeals Associate Justices Jose Reyes Jr., Rosemari Carandang, Ramon Garcia, Apolinario Bruselas Jr, Ramon Hernando at Amy Lazaro-Javier at si dating Ateneo Law Dean Cesar Villanueva.
Sa naturang listahan pipili si Pangulong Rodrigo Duterte ng kanyang panlimang appointee sa Korte Suprema.
Tags: JBC, korte, SC Justice
