METRO MANILA – Muling bubuksan ang ilang cash lane sa mga toll plaza ng NLEX para sa mga motorista na wala pa ring RFID o may problema ang sticker.
Sa pahayag na inilabas ng NLEX Corporation, inianunsyo nito na ibabalik ang ilang cash lanes alinsunod sa naging pakikipagusap sa Toll Regulatory Board (TRB).
Layon nito na maiwasan ang pagtukod ng mahabang traffic dahil sa sinasabing problema sa RFID system, kung saan may ilang stickers umano ang hindi binabasa ng scanner, habang ang iba naman ay kulang sa load.
Bukod sa pagbubukas ng cash lanes, ililipat na rin ng NLEX management ang mga RFID installation at reloading sites malayo sa mga toll plaza.
Mananatili ring nakataas ang mga barrier sa mga toll gate upang maiwasan ang abala sa mga motorista.
Noong B iyernes (Dec. 11) ay personal na nag-inspeksyon sa NLEX sila MMDA General Manager Jojo Garcia at Caloocan City Mayor Oca Malapitan.
Habang nakausap na rin nila ang samahan ng mga mayor sa Bulacan at naiprisinta na ang mga naiisip nilang solusyon sa problema.
Muling binigyan-diin ng NLEX na kaisa sila ng pamahalaan upang maresolba ang problema sa traffic sa Metro Manila at hindi na maka-ambag pa ng perwisyo sa mga motorista.
Sa isang pahayag sinabi naman ng TRB na batay sa direktiba ni Transportation Secretary Arthur Tugade iko-convert ang lahat ng emergency lane sa cash o RFID Lane para mas maraming motorista ang mapagsilbihan sa mga toll plaza.
Dahil dito makakadaan na rin sa iba pang mga lanes ang mga ambulansya, law enforcement at emergency vehicles. Inaasahang mabubuksan ang cash lanes sa NLEX anomang araw ngayong Linggo.
(Joan Nano | UNTV News)
METRO MANILA – Mag-uumpisa na sa June 4 ang second tranche ng pagtataas ng singil sa toll fee sa North Luzon Expressway (NLEX).
Sa ilalim ng bagong toll fee matrix, ang mga motorista na bumibyahe sa expressway ay magdadagdag ng P5 para sa Class 1 o mga regular na sasakyan at SUV, P14 naman para sa Class 2 o mga bus at maliliit na trak at P17 para sa Class 3 o malalaking trak.
Pinaigting na ng North Luzon Expressway (NLEX) ang kanilang traffic management measures para sa inaasahang pagdami ng mga sasakyan ngayong long holidays.
Mula December 23 hanggang January 3, 2023, paiigtingin ng NLEX ang kanilang operasyon maging sa Subic Clark Tarlac Expressway (SCTEX) para tulungan ang mga motorista.
Mahigpit na babantayan ng management teams ang Balintawak, Mindanao, Karuhatan, Valenzuela, Meycauayan, Marilao, Bocaue, Sta. Rita, Pulilan, San Simon, San Fernando, Clark South, Tarlac, Tipo at Subic Freeport Expressway.
Inaasahan ang mataas na volume ng mga sasakyan sa mga naturang lugar.
Sherwin Culubong | UNTV News
Tags: NLEX, North Luzon Expressway
METRO MANILA – Mas mapapadali na ang transaksyon ng mga motoristang dumadaan sa mga expressway sa oras na maipatupad na ang Phase 2 ng Toll Interoperability Project.
Ayon sa Toll Regulatory Board (TRB), sa ilalim ng Phase 2 pwede nang magamit ng mga motorista ang Easy trip RFID tag sa Auto Sweep System vice versa.
Dagdag pa ng TRB, posibleng maipatupad na ito sa January 15, 2023.
Handa naman ang San Miguel Corporation SLEX Incorporation na maipatupad ang nasabing programa.
Sa pagdinig ng House Committee on Transportation, sinabi rin ng ahensya na magkakaroon din ng information dissemination upang maipaalam sa mga motorista na i-enroll ang kanilang RFID para sa toll interoperability.
Nanawagan naman ang mga mambabatas na mapadali ang pagpapatupad nito.
Isang panukalang batas naman ang inihain sa Kongreso na naglalayong magkaroon ng standard at Unified Electronic Toll Collection System sa expressway.
