Manila, Philippines – Nakatakdang magsagawa ng kilos protesta ang Bagong Alyansang Makabayan o Bayan sa Biyernes, Mayo 17 upang kwestyunin ang resulta ng 2019 midterm elections.
Tinuligsa ni Renato Reyes, secretary-general ng Grupong Bayan ang naging pahayag kahapon ni Presidential Spokesperson Salvador Panelo na dahil sa “Duterte magic” kaya karamihan ng mga ininderso ni Pangulong Rodrigo Duterte sa pagka-senador ay tumungtong sa top 12 ng partial, unofficial results ng halalan. Dahil dito, hindi aniya maituturing na katiwa-tiwala ang election result.
Ayon kay Reyes, kabilang sa tinawag na “Duterte magic” ang umano’y paggamit ng government resources upang paboran ang administration bets, pagtarget at panghaharass umano ng armed forces of the Philippines at Philippine National Police sa mga oposisyon at progresibong grupo, pag-kontrol umano’y sa comelec at dayaan sa automated polls, martial law sa Mindanao at government-sponsored disinformation.
Suportado ni Reyes ang naging pahayag ni Neri Colmenares, na isa sa mga senatorial aspirant at dating bayan muna representative na di niya tatanggapin ang pagkatalo sa eleksyon dahil sa umano’y bulok na sistema ng halalan at tuloy aniya ang kaniyang laban.
Inaasahan naman na ng malacañang ang ganitong reaksyon ng left-leaning party-list groups. Ayon kay Presidential Spokesperson Salvador Panelo, ang pagkatalo nila sa eleksyon ay patunay na di naniniwala ang taumbayan sa kanilang mga adbokasiya.
Wala rin aniyang patunay ang mga alegasyon ni Reyes na kontrolado ng administrasyon ang comelec gayong marami sa mga commissioner nito ay appointees ng administrasyong Aquino.
Umaasa naman ang palasyo na matatanggap ng mga tulad ni Reyes ang kanilang pagkatalo. Bukod dito, nanawagan din ito sa oposisyon, mga kritiko at naninira sa administrasyon na igalang ang desisyon ng mayorya at makipagtulungan na lamang sa ikaaangat ng pamumuhay ng mga Pilipino.
(Rosalie Coz | Untv News)
Tags: 2019 midterm elections, Bagong Alyansang Makabayan, kilos-protesta
Manila, Philippines – Kinumpirma ni PNP Chief PGen. Oscar Albayalde na may hawak na silang impormasyon sa mga pulitikong nagbigay ng suporta sa New People’s Army(NPA) nitong nakalipas na halalan.
Ayon sa hepe ng pambansang pulisya, magsasagawa sila ng validation at imbestigasyon hinggil dito.
Tumanggi naman ang ahensya na pangalanan ang mga pulitikong kasama sa kanilang listahan.
Noong 2016 national elections at 2018 barangay elections, higit 300 pulitiko ang tinukoy ng Department of Interior and Local Government (DILG) na nagbigay ng suporta sa npa gaya ng pagkuha ng permit to campaign.
Ang permit to campaign ay binabayaran ng mga pulitiko sa mga rebeldeng komunista upang makapangampanya sa mga lugar na impluwensiyado ng mga ito.
“Unang una meron tayong national task force sa ngayon to end insurgency so kasama yan sa aming legal offensive those who give support dito sa mga tinatawag naming enemies of the state.” ani PNP Chief, PGen. Oscar Albayalde.
Tags: 2019 midterm elections, DILG, Philippine National Police, pulitiko
Manila, Philippines – Ipinroklama na rin ng Commission on Elections (COMELEC) ang mga nanalong party-list sa Philippine International Convention Center (PICC) kagabi May 22, 2019 mahigit 1 Linggo matapos ang 2019 midterm elections.
Ipinroklama ng comelec ang 51 party-list groups mula sa mahigit 130 party-list na tumakbo . Nakakuha ang lahat ng mga nanalong grupo ng kabuoang 61 seats sa house of representatives.
Nakakakuha ang nominee ng 1 party-list ng 1 seat sa mababang kapulungan ng kongreso sa bawat 2% boto mula sa kabuoang bilang ng boto na nakuha ng lahat ng kandidatong party-list.
Nakakuha ng 3 pwesto sa kamara ang Act-CIS o ang Anti-Crime and Terrorism Through Community Involvement and Support na nanguna at ang Bayan Muna na pumangalawa sa partylist groups.
Dalawang pwesto naman ang nakuha ng Ako Bicol; Cibac; Ang Probinsyano; 1 pacman; Marino at ang Probinsyano Ako.
Habang tig-1 pwesto naman ang Senior Citizens; Magsasaka; Apec; Gabriela; an Waray; Coop-Natcco; Act Teachers; Philreca; Ako Bisaya; Tingog Sinirangan; Abono at Buhay.
Nakakuha rin ng 1 pwesto sa house of representatives ang grupong Duterte Youth; Kalinga; PBA; Alona; Recoboda; BH (Bagong Henerasyon); Bahay; CWS; Abang Lingkod; A Teacher; BHW; Sagip; TUCP; Magdalo; GP; Manila Teachers’; Ram; Anakalusugan; Ako Padayon; Aambis-Owa.
Kasama rin ang Kusug Tausug; Dumper Ptda; TGP; Patrol; Amin; Agap; Lpgma; Ofw Family; Kabayan; Diwa at Kabataan.
(Asher Cadapan Jr. | Untv News)
Manila, Philippines – Naipagpaliban man ng ilang beses ay pormal na ngang iprinoklama kahapon May 2, 2019 ng Commission on Elections O (COMELEC) na tumatayong National Board of Canvasssers (NBOC) ang 12 panalong senador nitong 2019 midterm elections.
Pasado alas-9 ng umaga kahapon nagdatingan sa PICC ang mga iprinoklamang senador kasama ang kanilang mga kaanak at .
Unang iprinista ng mga opisyal ng comelec ang pang 12 senador na si incumbent Sen. Nancy Binay na may 14.504 million votes .
Isinunod ang nakakuha ng top 11 senate spot na si Ramon Bong Revilla Jr na may 14.62 million votes.
Top 10 si Sen. Koko Pimentel na may 14. 668 million votes .
Sinundan ang pang top 9 na si Francis Tolentino na may 15.5 million votes.
Pang 8 si Imee Marcos na may 15.8 million na boto.
Kasunod si Lito Lapid na nakakuha ng 16.9 million votes.
Nasa ika-6 na pwesto naman si Sen. Sonny Angara na nagkamit ng 18.16 million votes.
Sinundan ni Bato Dela Rosa na may 19.004 million votes.
Pang apat naman si Pia Cayetanon na may 19.78 million votes.
Top 3 naman si Bong Go na may 20.6 million votes .
Nasa 2 pwesto naman si Sen. Grace Poe na nakakuha ng 22.02 million votes.
At top 1 si Senator Cynthia Villar na nakakuha ng 25.2 million votes.
Isa- isang ibinigay ng NBOC ang kanilang certificates of proclamation. Tatagal ang kanilang termino ng anim na taon mula June 30 ngayong taon hanggang sa June 30, 2025.
Samantala, 5 sa mga nanalong senador ay re-electionist ang mga ito ay sina sen grace poe, sen sonny angara, sen koko pimentel at sen nancy binay
Samantala, sa pagsisimula ng session ng 18th Congress sa Hulyo, kasama na ang 12 mga nanalong senador.
Nagpasalamat naman si Comelec Chairman Sheriff Abas, sa lahat ng mga ahensyang tumulong sa pagsasagawa ng matagumpay na halalan.
Bagaman may mga naging aberya, nailabas ang pinal at opisyal na resulta ng halalan, makalipas ang isang Linggo lamang. Tiniyak din ni Chairman Abas papanagutin ang mga nagpabayang supplier.
“I already issued a memorandum. Pina- hold ko lahat ng payment ng mga nabangggit na supplier doon, ipapa- review ko sa law department. Titignan kung may violation of contract or may mga penalty nga na pwede naming i- impose sa mga suppiler but again we will give them opportunity to answer.” Ani Comelec Chairman Sheriff Abas .
Bukas din ang poll body sa imbestigasyon ng senado sakaling ipatawag sila sa pagbubukas ng 18th congress sa June 30.
(Aiko Miguel | Untv News)
