Hanggang sa mga oras na ito ay maluwag pa ang daloy ng mga sasakyan dito sa North Luzon Expressway.
Ayon sa pamunuan ng NLEX, ito ay dahil marami na rin sa mga motorista ang nagsiuwi sa Maynila simula noong sabado upang makaiwas na maipit sa traffic.
Batay sa ulat ng NLEX traffic information, noong sabado bandang ala una ng hapon hanggang alas diyes ng gabi lang naranasan ang pag bigat sa trapiko sa parteng Bocaue Toll Plaza.
Umabot ng hanggang pitong daang metro ang haba ng mga sasakyan sa toll plaza, subalit hindi naman ito nagdulot ng matinding trapiko.
Nakatulong din ang pagbubukas ng NLEX Management sa tatlong spare lanes sa Bocaue at naglagay ng sampung additional portable collection booth, at ambulant tellers.
Wala namang napaulat na major accident mula noong Jan.1 hanggang kagabi.
Tiniyak naman ng toll management na nakabantay na ang kanilang mga tauhan para magbigay ayuda sa mga motoristang magkaka-aberya sa daan.
Paalala rin nila sa mga driver na tiyaking nasa kondisyon ang kanilang mga sasakyan, i-check ang gulong, preno, makina at baterya at magdala ng tubig sakaling mag-overheat.
Siguruhin ding husto ang oras ng tulog at nasa kondisyong magmaneho ang driver at sundin ang eighty to one hundred kilometers per hour na speed limit sa nlex para makaiwas sa aksidente.
In case of emergency, maaaring tumawag sa nlex hotline na 02-3-5000.
Maaari ding mamonitor ang lagay ng traffic sa NLEX sa pamamagitan ng pag-log on sa official website ng tollways management corporation sa www.tollways.net.ph o i-follow ang twitter account ng nlex, www.twitter.com/nlextraffic.
(Nestor Torres / UNTV Correspondent)
METRO MANILA – Mag-uumpisa na sa June 4 ang second tranche ng pagtataas ng singil sa toll fee sa North Luzon Expressway (NLEX).
Sa ilalim ng bagong toll fee matrix, ang mga motorista na bumibyahe sa expressway ay magdadagdag ng P5 para sa Class 1 o mga regular na sasakyan at SUV, P14 naman para sa Class 2 o mga bus at maliliit na trak at P17 para sa Class 3 o malalaking trak.
Pinaigting na ng North Luzon Expressway (NLEX) ang kanilang traffic management measures para sa inaasahang pagdami ng mga sasakyan ngayong long holidays.
Mula December 23 hanggang January 3, 2023, paiigtingin ng NLEX ang kanilang operasyon maging sa Subic Clark Tarlac Expressway (SCTEX) para tulungan ang mga motorista.
Mahigpit na babantayan ng management teams ang Balintawak, Mindanao, Karuhatan, Valenzuela, Meycauayan, Marilao, Bocaue, Sta. Rita, Pulilan, San Simon, San Fernando, Clark South, Tarlac, Tipo at Subic Freeport Expressway.
Inaasahan ang mataas na volume ng mga sasakyan sa mga naturang lugar.
Sherwin Culubong | UNTV News
Tags: NLEX, North Luzon Expressway
METRO MANILA – Muling bubuksan ang ilang cash lane sa mga toll plaza ng NLEX para sa mga motorista na wala pa ring RFID o may problema ang sticker.
Sa pahayag na inilabas ng NLEX Corporation, inianunsyo nito na ibabalik ang ilang cash lanes alinsunod sa naging pakikipagusap sa Toll Regulatory Board (TRB).
Layon nito na maiwasan ang pagtukod ng mahabang traffic dahil sa sinasabing problema sa RFID system, kung saan may ilang stickers umano ang hindi binabasa ng scanner, habang ang iba naman ay kulang sa load.
Bukod sa pagbubukas ng cash lanes, ililipat na rin ng NLEX management ang mga RFID installation at reloading sites malayo sa mga toll plaza.
Mananatili ring nakataas ang mga barrier sa mga toll gate upang maiwasan ang abala sa mga motorista.
Noong B iyernes (Dec. 11) ay personal na nag-inspeksyon sa NLEX sila MMDA General Manager Jojo Garcia at Caloocan City Mayor Oca Malapitan.
Habang nakausap na rin nila ang samahan ng mga mayor sa Bulacan at naiprisinta na ang mga naiisip nilang solusyon sa problema.
Muling binigyan-diin ng NLEX na kaisa sila ng pamahalaan upang maresolba ang problema sa traffic sa Metro Manila at hindi na maka-ambag pa ng perwisyo sa mga motorista.
Sa isang pahayag sinabi naman ng TRB na batay sa direktiba ni Transportation Secretary Arthur Tugade iko-convert ang lahat ng emergency lane sa cash o RFID Lane para mas maraming motorista ang mapagsilbihan sa mga toll plaza.
Dahil dito makakadaan na rin sa iba pang mga lanes ang mga ambulansya, law enforcement at emergency vehicles. Inaasahang mabubuksan ang cash lanes sa NLEX anomang araw ngayong Linggo.
(Joan Nano | UNTV News)
