Nakipagpulong na sa mga opisyal ng Housing and Urban Development Coordinating Council o HUDCC si Vice President Leni Robredo.
Dito ay inalam ng bagong housing chief ang mga trabahong naiwan ni dating Vice President Jejomar Binay.
Kabilang sa isusulong nito ang collaboration sa mga private sector na inaasahang makatutulong sa problema ng pabahay sa bansa.
Una nang sinabi ng pangalawang pangulo na gagawin ang lahat upang mapababa ang 1.4 million housing backlog ng pamahalaan.
Kahapon ay opisyal nang nanumpa si Robredo kay President Rodrigo Duterte bilang chairperson ng HUDCC.
(UNTV RADIO)
Tags: HUDCC
Sa kaniyang talumpati sa kick off ng bulk water supply project construction sa Davao City kagabi, inihayag ni Pangulong Rodrigo Duterte na isa pang opisyal ng pamahalaan ang aalisin niya sa pwesto dahil sa katiwalian.
Bago ito ay una nang inalis sa pwesto ni Pangulong Duterte si dating Housing and Urban Development Coordinating Council (HUDCC) Secretary General Atty. Falconi Millar dahil rin sa korupsyon.
At bagaman pinabulaanan ito ng dating opisyal, kahapon ay sinabi ni Presidential Spokesperson Secretary Salvador Panelo na may matibay na ebidensya ang Pangulo na nangikil ng pera sa isang kumpanya si Attorney Millar.
Batay aniya sa sumbong na idinulog ng isang kumpanyang katransaksyon ng HUDCC, dalawang beses na tininangka ni Millar na kikilan ang mga ito.
May malaking bayarin umano ang HUDCC sa naturang kumpanya subalit hindi pa naire-release ang pondo.
Nanghingi umano si Millar ng malaking halaga kapalit ng pagpapabilis ng proseso upang mai-release ang pambayad sa kanila.
Imbes na kunsitihin, nagdesisyon ang kumpanya na isumbong sa Malacañang si Millar.
( Joan Nano / UNTV Correspondent )
Itinalaga na bilang bagong secretary-general ng Housing and Urban Development Coordinating Council (HUDCC) na si Marcelino Escalada Jr.
Si Escalada ay ang acting general manager ng National Housing Authority (NHA). Ito na rin ang tatayo bilang pointman ng Marawi rehabilitation project.
Papalitan ni Escalada si dating HUDCC Secretary General Atty. Falconi Millar na inalis sa pwesto ni Pangulong Rodrigo Duterte dahil sa isyu ng katiwalian.
Nauna nang ipinangako ng Malacañang na agad na papalitan si Millar at sinabing hindi mahahadlangan ng pag-aalis dito sa pwesto ang mga proyektong pabahay ng pamahalaan.
Tags: HUDCC, Marcelino Escalada Jr., NHA
Inanunsyo kahapon ng Malacañang na may panibagong nadagdag sa listahan ng mga inalis sa pwesto ni Pangulong Rodrigo Duterte dahil sa katiwalian.
Dinismiss ang secretary general ng Housing and Urban Development Coordinationg Council (HUDCC) na si Falconi Millar epektibo kahapon. Kinumpirma ito ni Pangulong Duterte sa kaniyang mga talumpati kahapon sa Cavite.
Subalit walang maraming detalyeng ibinigay sa dahilan ng pagkakatanggal nito sa pwesto liban sa umano’y paggamit sa kapangyarihan upang magkamal ng salapi.
Bukod sa pagiging opisyal ng HUDCC, si Falconi din ay nakatalaga rin bilang head ng secretariat ng Task Force Bangon Marawi.
Ang Task Force Bangon Marawi ay binuo ng pamahalaan upang manguna sa rehabilitasyon ng Marawi City.
Sa isa namang pahayag, itinanggi ni Falconi ang mga alegasyon laban sa kaniya at sinabing demolition job ito dahil sa mga nasagaan siyang personalidad.
( Rosalie Coz / UNTV Correspondent )
Tags: Falconi Millar, HUDCC, Pangulong Duterte
