METRO MANILA – Naaprubahan ang Emergency Use Authorization (EUA) ng Pfizer Biontech sa bansa noong Enero.
At maaari lamang itong ibigay sa mga 16 na taong gulang pataas.
Kahapon (June 8) nilinaw ng Department Of Health (DOH) na maaari na ring magpabakuna laban sa COVID-19 ang mga 16 to 17 years old na may comorbidity.
Kailangan lamang ay may clearance ang mga ito mula sa kanilang doktor.
Kinumpirma rin ng DOH Kahapon (June 8) na na- amyendahan ang EUA ng Pfizer.
At maaari na itong ibakuna sa mga 12 hanggang 15 taong gulang na mga batang Pilipino.
“Ngunit sa isang pahayag, sinabi ni DOH Spokesperson Usec Maria Rosario Vergeire, isinasa alang- alang pa rin ng pamahalaan ang vaccine supply sa Pilipinas.
Dahil limitado pa rin ito sa ngayon,nananatiling una sa listahan ang mga nasa priority sector.
Dagdag pa ni Usec Vergeire, gumagawa naman ng paraan ang vaccine cluster sa pangunguna ni Vaccine Czar Sec Carlito Galvez Jr upang makapag- secure ng COVID-19 vaccine para sa mga dapat mabakunahan na Pilipino.
Sa mensahe naman ni National Task Force Spoksesperon Ret. Gen Restituto Padilla, kailangan munang hinatayin ang approval ng vaccine experts panel at ng National Immunization Technical Advisory Group (NITAG) para sa vaccine rollout sa mga menor de edad.
Ang NITAG ang grupo ng mga eksperto na nag- aaral sa iba’t ibang aspeto bago simulan ang vaccination rollout sa Pilipinas.
Samantala, may EUA na rin ang Sinopharm sa Pilipinas kaya maaari na itong magamit sa Pilipinas
“So ito po ay tiningnan na rin ng ating mga experts at ang evaluation ng ating FDA ay today we already granted Emergency Use Authorization to doh to accept the donations of Sinopharm” ani FDA Director General, Usec Eric Domingo .
Ang DOH ang nagsumite ng eua application ng Sinopharm sa FDA.
Naninindigan ang FDA na hindi labag sa batas na ang isang ahensya o kumpanya na may license to operate bilang isang drug importer ang magsumite ng EUA para sa isang gamot o bakuna.
“Talagang nasa batas and it’s worldwide pratcice, iyong atin namang EO 121, based on who guidelines. Posible naman na goberyno gusto bumili ng bakuna na walang local manufacturer or representative dito. In those cases, the government itself can get EUA . Hindi naman conflict yun dahil ang EUA ay hindi naman product registration o marketing authorization lang talagang for emergency use lang ang mga bakuna.” ani FDA Director General, Usec Eric Domingo .
(Aiko Miguel | UNTV News)
Tags: COVID-19 Vaccine, Pfizer
METRO MANILA – Kinumpirma ng Department of Health (DOH) kamakailan na nakapasok na sa bansa ang subvariant BQ.1, at pinaniniwalaang ito ay mas nakahahawa.
Sa pagsisimula ng Bakunahang Bayan Program ng DOH, muling hinimok ng kagawaran ang mga magulang na pabakunahan na ang kanilang mga anak
Layon ng programa na mas marami pang kabataan edad 5-17 taong gulang ang mabakunahan, lalo’t nangangailangan ang mga ito ng proteksyon ngayong balik face-to-face na ang pasukan.
Ayon kay Dr. Gloria Balboa, Regional Director ng DOH-Metro Manila Center for Health Development, target nilang mabakunahan ang mahigit 529,000 na mga bata edad 5-11 at mahigit 158, 000 na may edad 12-17 sa National Capital Region (NCR).
As of December 5, mahigit 13 milyon na ang naturukan ng first dose sa NCR.
Habang mahigit 12 milyon naman ang fully vaccinated.
Ang Bakunahang Bayan program ng DOH ay sinimulan kahapon (December 5) at magtatapos bukas (December 7) araw ng Miyekules.
(Gladys Toabi | UNTV News)
Tags: BQ.1 Subvariant, COVID-19 Vaccine, DOH
METRO MANILA – Maaari nang makatanggap ng booster dose kontra COVID-19 ang lahat ng mga edad 12 hanggang 17.
Ito ang inanunsyo ng Department of Health (DOH) sa twitter page nito kahapon.
Ginawa ng DOH ang anunsyo isang linggo matapos ipagpaliban ang pagbibigay ng first COVID-19 booster dose para sa non-immunocompromised na mga menor de edad bunsod ng limitasyong itinakda ng Health Technology Assessment Council (HTAC).
Ayon naman kay Health Undersecretary Maria Rosario Vergeire, maaari nang mag-umpisa sa pagkakaloob ng booster dose ang lahat ng implementing units kung may kapasidad na ang mga itong mag-administer ng anti-coronavirus booster shot.
Sa Davao City, sinimulan na nitong Lunes (July 4) ang roll out ng first booster shot sa mga menor de edad.
Paalala ng DOH sa mga magulang o guardian, dalhin ang vaccination card at valid id ng batang babakunahan pati ang dokumentong magpapatunay ng inyong relasyon sa bata.
Para sa karagdagang impormasyon, maaaring makipag-ugnayan sa inyong barangay o sa lokal na pamahalaan.
Tags: Booster, COVID-19 Vaccine
Matapos umpisahan sa ilang mga piling ospital ang pagbabakuna ng booster sa mga immunocompromised na mga 12 to 17 years old nitong Martes, nagsimula na rin ang roll-out ng ilang mga LGU sa National Capital Region noong Miyerkules, June 22, para magbakuna ng booster sa naturang priority group.
Kabilang dito ang lokal na pamahalaan ng San Juan City kung saan aabot sa dalawampung mga batang 12 to 17 years old na immunocompromised ang dumating sa Cardinal Santos Medical Center upang magpabakuna ng booster dose.
Batay sa datos ng San Juan LGU, nasa higit limang libo na mga kabataan sa nasabing age group ang target na mabigyan ng booster dose sa lungsod kasama na ang mga healthy minor.
Ayon kay Mayor Francis Zamora, pinaghahandaan na rin nila ang booster dose vaccination sa healthy minors kung saan ang Greenhills Shopping Center ang gagamiting vaccination site para dito.
“Once we start with our 12 to 17 that are not immunocompromised, I am sure na papayagan kami sa aming regular vaccination sites gaya ng pagpayag naman sa amin noon nung binakunahan namin sila ng first at second dose, handa naman tayo, meron tayong greenhills vaccination sites,” ani Mayor Francis Zamora, San Juan City.
Bukod sa San Juan City, nagsimula na rin kahapon ng booster vaccination sa immunocompromised na 12 to 17 ang syudad ng Maynila. Ang old building ng Ospital ng Maynila ang nagsilbing vaccination site.
Habang ang Mandaluyong City naman, nag-anunsyo na sa kanilang facebook page para iparehistro ng mga magulang ang kanilang mga anak na immunocompromised.
Wala pang sinabi ang Mandaluyong City kung kailan magsisimula ng first booster shot para sa 12 to 17 years old.
Ayon sa ilang mga magulang, nagdesisyon na silang agad pabakunahan ng booster ang kanilang mga anak upang magkaroon ng ibayong proteksyon lalo’t inaasahan na ang muling pagbubukas ng face-to-face classes.
Bukod dito, mainam din anila na ma-booster ang kanilang anak lalo’t may naitatala nanamang pagtaas ng mga kaso ng Covid-19.
Nauna nang sinabi ng National Vaccination Operations Center na maaaring ngayong darating na weekend ay masimulan na rin ang roll-out ng first booster shot para naman sa grupo ng healthy minors kung saan bukod sa mga ospital, maaari na itong isagawa sa iba pang mga vaccination site ng mga LGU.
(JP Nuñez | UNTV News)
Tags: Booster Shot, Covid-19, COVID-19 Vaccine
