METRO MANILA – Patuloy pang pinag-aaralan ni Pangulong Ferdinand Marcos Junior ang implementasyon ng 5% premium rate increase na kontribusyon sa Philippine Health Insurance corporation (PhilHealth).
Ayon kay Pangulong Marcos , inaaral pa niya ang posibleng mga benepisyo sa premium hike at maaari niya itong suportahan kung ito naman ay magiging makatuwiran lalo na sa mga miyemro ng state insurer.
“What we are trying to determine is that if we are going to increase the contribution from four percent to five percent, anong bawi? It’s really a cause-benefit analysis. And PhilHealth has been expanding its services and trying to reach more people, trying to engage more people. “ani Pres. Ferdinand Marcos Jr.
Tags: Philhealth
METRO MANILA – Inianunsyo ng Philippine Health Insurance Corporation (PhilHealth) na may P13,000 na benefit package ang ahensya para sa sakit na Pertussis.
Sakop anila ang nasa P13,000 hanggang P16,000 na case rate ng kanilang konsulta package sakaling ma-admit sa ospital ang isang pasyenteng may Pertussis o Whooping Cough .
Bukod pa ito sa magiging gastos para sa antibiotics.
Ang konsulta package ng PhilHealth, ay ang primary health care program ng ahensya na nag-o-offer ng libreng consultation, laboratory tests at mga gamot.
Dagdag pa ng PhilHealth, sakaling mag-develop sa Pneumonia ang sakit ng pasyente maaari rin silang makapag-avail ng case rate package na aabot sa P90,000.
Tags: Benefits, Pertusis, Philhealth
METRO MANILA – Nangako ang Philippine Health Insurance Corporation (PhilHealth) na magiging libre na ang Mammogram at Ultrasound screening sa mahigit 2,000 accredited hospitals sa buong bansa pagdating ng Hulyo.
Layon ng programa na matulungan ang mga kababaihan sa early detection at pag-iwas sa breast cancer at iba pang mga sakit.
Parte ito ng pagpapalawak ng primary care benefits sa ilalim ng konsulta package ng ahensya.
Tags: Philhealth
METRO MANILA – Hinimok ni Marikina Representative Stella Quimbo ang Philippine Health Insurance Corporation (PhilHealth) sa isang resolusyon na kaniyang inihain na ipatupad ang suspensyon ng kontribusyon ng mga minimum wage earner.
Sa pamamagitan nito, ay madadagdagan ng kahit P400 ang sasahurin partikular sa National Capital Region na non-agricultural workers.
Dagdag ni Quimbo, kakayanin ng pondo ng PhilHealth na sagutin ang premium contribution ng mga minimum wage earner nang hindi nakukumpromiso ang financial stability nito.
Sa isang mensahe na ipinaabot ng PhilHealth, sinabing pag-aaralan nila ang panukala ni Quimbo,
At nakahanda silang dumalo sa mga hearing na ipapatawag higgil dito.
Kaisa anila ang government health insurer sa layuning mapabuti ang lagay ng mga pilipino kabilang na ang mga minimum wage earner.
(Gladys Toabi | UNTV News)
Tags: Philhealth
