Suspek sa pamamaril sa isang club sa Istanbul, Turkey, patuloy na tinutugis

by Radyo La Verdad | January 2, 2017 (Monday) | 3860

Photo credit: CCTv

Naglunsad na ng manhunt operation ang mga otoridad sa suspek na walang habas na namaril sa isang mataong night club sa Istanbul,Turkey kahapon.

Tatlumput siyam ang naiulat na namatay sa insidente habang mahigit animnapu naman ang sugatan.

Kabilang sa mga nasawi ang nasa labing limang dayuhan.

Una nang sinabi ni Foreign Affairs Spokesperson Assistant Secretary Charles Jose na walang pilipinong nasawi o nasugatan sa nangyaring pamamaril.