Nagpaputok ng 47 puntos si Special Assistant to the President Christopher Bong Go upang pangunahan ng Malacañang PSC Kamao para sa ikalawang sunod na panalo.
Pitong three point shot ng pinakawalan ni Bong Go, limang rebounds at isang steal sa kanilang sagupaan ng defending champion AFP Cavaliers sa main game ng triple header ng UNTV Cup Executive Face Off sa Pasig City Sports Center sa score na 87-69.
Ito rin ng ikalawang pagkakataon na tinanghal na best player of the game si Sec. Go. Una ay noong nkaraang linggo kontra GSIS Thunder Furies kung saan gumawa siya ng 44 points.
Samantala, tinapos na ng Senate Sentinels ang kampanya ng DOJ Justice Boosters na makapasok sa final four ng play offs matapos padapain sa makapigil hiningang bakbakn sa score 76-72.
Tinanghal na best player of the game si Senator Sonny Angara na kumamada ng 22 points 6 na rebounds at 2 steals.
Nag-ambag naman ng 10 points si Senator Joel Villnueva kahit hindi nakapaglaro ng maayos dahil sa injury sa balikat at kanang binti.
Dahil sa panalo, pasok sa number four spot ang Senate na may 4-2 win lost record. Nalaglag naman ng DOJ sa 2-4 panalo talo.
Umagapay naman ang judiciary magis sa ikalawang pwesto sa Ombudsman Graft Busters matapos talunin ng GSIS Thunder Furies sa score na 105-50.
Napakahalaga ng panalong ito sa Magis at ng nalalabi nilang laban sa Ombudsman at Senate upang makuha ng twice to beat advantage sa playoffs.
Tinanghal na best player of the game si Judge Wendel Ramiterre na may 30points at limang rebounds.
( Bernard Dadis / UNTV Correspondent )
Tags: Malacañang, SAP Bong Go, UNTV Cup
METRO MANILA – Naging kapana-panabik ang bakbakan ng mga lingkod-bayan sa pagpapatuloy ng UNTV Cup Season 9 noong linggo, February 26 sa Novadeci Convention Center, Quezon City.
Mula sa buena-manong pagkatalo ng GSIS Furies sa opening game ng second round eliminations kontra Season 5 Champion PNP Responders, ipinaramdam ng koponan ang kanilang bagsik matapos patumbahin ang defending champions DENR Warriors sa final score na 95-86. Itinanghal na best players sina James Abugan at Rene Boy Banzali na may combined 40 points.
Pagsapit ng second game ng triple-header match, walang habas na tinambakan ng Judiciary Magis ng 27 puntos ang PNP Responders sa kanilang ball game sa score na 85-58. Sa 85 puntos na ipinukol ng Magis, 35 puntos dito ay galing sa ex-PBA player na si Chester Tolomia na siya ring itinanghal na best player ng laban.
Sinipa naman ng three-time champion AFP Cavaliers paalis ng top seed at pinatikim ng ikalawang sunod na pagkatalo ang Season 6 Champion Senate Defenders sa main event na kung saan nag-ambag ng double-double performance si Darwin Cordero na mayroong 20 points at 10 rebounds.
Kasunod ng panalo ng Judiciary Magis at pagkatalo ng Senate Defenders, umangat na sa first place ng team standings ang Judiciary na may 5-2 win-loss record kasunod ang AFP at Senate sa ika-2 at ika-3 puwesto na may kapwa 4-2 record. Nag-improve rin ang standing ng GSIS sa ika-6 na puwesto na may 4-3 record kasama ng PNP at DENR.
(Judren Soriano | La Verdad Correspondent)
Mag-iisang taon na mula nang pasimulan ang Covid-19 vaccination sa Pilipinas, ngunit marami pa rin sa mga kababayan ang ‘di pa nababakunahan ayon kay Acting Presidential Spokesperson at Cabinet Secretary Karlo Nograles, kaya kahit na patuloy ang pagbaba ng Covid-19 cases sa bansa, hindi pa rin maaasahan na magdedeklara ang Duterte administration ng tagumpay kontra pandemiya.
“Mga kababayan, bagamat kapansin-pansin na nakakapagpahinga na tayo kahit papaano, maaga pa rin para magdeklara ng lubos na tagumpay kontra Covid-19,” pahayag ni Acting Presidential Spokesperson at Cabinet Secretary Karlo Nograles.
Muli namang iginiit ng Palasyo na mananatili ang implementasyon ng alert level system sa bansa.
Bago naman magdedeklara ng alert level 1 sa anumang bahagi ng Pilipinas, dapat matiyak na mataas na ang vaccination rate sa area na ito lalo na sa A2 o senior citizens at A3 o immunocompromised individuals.
Sisiguraduhin ding pinaiiral pa rin ang minimum public health standards kahit sa pinakamababang alert level system.
Sa ngayon, moderate risk na sa Covid-19 ang Metro Manila at pinasalamatan ng palasyo ang publiko sa pakikiisa sa pamahalaan upang makamit ito.
Dagdag pa ng opisyal, nagpapakita rin itong epektibo ang mga hakbang ng pamahalaan sa ilalim ng re-calibrated response o mas pinaigting na prevent, detect, isolate, treat, reintegrate at vaccine strategy.
Rosalie Coz | UNTV News
Tags: Covid-19, Karlo Nograles, Malacañang, Pandemic
METRO MANILA – Muling nagpaalala ang Malacañang sa lahat ng mga opisyal at kawani ng gobyerno na umiwas sa pakikilahok sa mga gawain ng mga partido pulitikal ngayong panahon ng eleksyon.
Batay sa inilabas na memorandum ni Executive Secretary Medialdea noong Nobyembre 8, inatasan ang lahat ng mga opisyal at mga empleyado nito na manatili ang political neutrality o walang kinikilingang partido pulitikal sa pamahalaan sa lahat ng oras.
Sakop rito sa nasabing memorandum ang lahat ng mga opisyal at kawani ng Government-Owned or -Controlled Corporations (GOCC), Government Financial Institutions, mga pamantasan at kolehiyong pagmamay-ari ng pamahalaan at ang mga ahensya nito.
Ayon kay Medialdea, nakasaad sa Saligang Batas ng 1987 at sa Batas Pambansa 881 o the Omnibus Election Code na mahigpit na ipinagbabawal sa mga opisyal at mga empleyado ng pamahaalan na lumahok sa anomang gawaing pampulitika.
Sa ilalim ng nasabing kautusan, ang mga opisyal at mga kawani ng Armed Forces of the Philippines (AFP) ay maaaring mapatawan ng kaukulang disiplina na dadaan sa military due process sa ilalim ng Commonwealth Act 408 or the Articles of War.
Binanggit ni Medialdea na sa ilalim ng RA 6713 o the Code of Conduct and Ethical Standards for Public Officials and Employees na mananatiling mandato sa lahat ng opisyal at kawani nito ang makapagbigay ng kaukulang serbisyo anoman ang partidong kinabibilangan.
Ang nasabing pagbabawal sa pangangampanya sa sinomang kandidato o pakikilahok sa anomang gawaing pulitikal ay naaangkop sa lahat mapa-tradisyonal man o sa makabagong media.
(Daniel Dequina | La Verdad Correspondent)
Tags: Malacañang
