Handa ang Police Regional Office 7 na magbigay ng police escort sa Filipino-Chinese businessman na si Peter Lim.
Ito ay matapos ihayag ng negosyante na natatakot ito para sa kaligtasan niya at ng kaniyang pamilya dahil sa pagkakadawit sa operasyon ng iligal na droga sa bansa.
Ayon kay PRO-7 Director Chief Superintendent Jose Espino, kung irerequest ni lim sa kanilang opisina ay bibigyan nila ito ng security lalo na sa pagpunta sa preliminary hearing na ipinatawag ng Department of Justice sa August 11.
Si Lim ay isa sa mga pinangalanan ni Pangulong Rodrigo Duterte na nasa kanyang narco list.
Ngunit mariing itinanggi ng Cebu-based businessman na sangkot siya sa illegal drugs trade.
