METRO MANILA – Inilabas na ng PNP Firearms and Explosives Office (FEO) ang listahan ng mga ipinagbabawal na paputok. Ayon kay FEO Acting Director Rommil Mitra, inagahan nila ang paglalabas upang malaman ng publiko ang mga hindi dapat bilhing paputok na nakalulusot sa merkado.
Kabilang dito ang mga overweight na may mahigit sa 1/3 teaspoon o lagpas 0.2 grams na explosives.Sobrang laki o oversized na mga paputok, may fuse o mitsa na sobrang liit na nauubos sa kulang 3 segundo o sobrang haba naman na mahigit sa 6 na segundo bago maubos.
Mga imported at walang label na paputok at mga paputok na may sulphur o phosphorous na inihalo sa chlorates. Halimbawa ng mga paputok na ito ay ang: Piccolo, Super Lolo, Atomic Triangle, Large Judas Belt, Large Bawang, Pillbox, Bosa, Goodbye Philippines, Bin Laden, Mother Rocket, Lolo Thunder, Five Star, Pla-Pla, at Giant Whistle Bomb. Bawal din ang watusi kahit na maliit lamang ito.
Ayon kay FEO Acting Director PCOL. Rommil MITRa, magsasagawa sila ng inspection. Kabilang naman sa mga paputok na maaaring gamitin sa itinalagang firecrackers zone sa barangay ay ang: Baby Rocket, Bawang, Judas Belt, Sky Rocket o Kwitis at small Trianggulo.
Habang ang mga pyrotechnics o pailaw na maaari lamang gamitin sa labas ng mga itinalagang firecracker zone ay ang:Butterfly, Fountain, Jumbo Regular at Special, Luces, Mabuhay, Roman Candle, Sparklers, Trompillo, Whistle Devices at iba pang kalse ng pailaw.
Paalala ng PNP FEO sa publiko, huwag bumili ng mga ipinagbabawal na paputok para iwas aksidente.
Babala ng opisyal, ang mga mahuhuling nagtitinda ng mga ipinagbabawal na paputok ay tatanggalan ng lisensya at kukumpiskahin ang paninda.
Nagpaalala din ito sa mga trigger happy na magpapaputok ng baril. Nilinaw ni Mitra na ongoing na ang issuance ng permit para sa mga dealer habang sa Dec.15 ang mga retailer. Maaari lamang silang magbenta ng paputok hanggang Dec.31.
(Lea Ylagan | UNTV News)
METRO MANILA – Napapanahon na para sa isang mambabatas ang firecracker ban sa Pilipinas.
Ayon kay Sen. Sherwin Gatchalian sa kabila ng mga direktiba kontra paputok, taon-taon na lamang ay mayroon pa ring nabibiktima nito.
Dapat din aniyang isaalang-alang ang idinudulot nitong psychological trauma at anxiety disorders pati na ang epekto sa mga alagang hayop.
Sa kanyang inihaing panukalang batas noong nakaraang taon, kailangang kumuha ng special permit mula sa PNP-Fireworks and Explosives Office para sa paggamit ng fireworks at iba pang pyrotechnic devices.
Tanging mga propesyunal lamang din aniya sa paggamit ng paputok ang maaaring magsagawa nito.
Naunang nanawagan si Department of the Interior and Local Government (DILG) Secretary Benhur Abalos na magpasa ng ordinansa ang mga Local Government Unit (LGU) na magbabawal sa paggamit ng paputok at sari-sariling fireworks display.
Naniniwala ang kalihim na kaya namang ipagdiwang ang selebrasyon kahit walang paputok at ligtas para sa lahat.
Isinusulong ng DILG ang supervised fireworks display sa common spaces sa mga komunidad gaya sa munisipyo at iba pang itinalagang lugar.
Tags: DILG, firecracker ban, LGU
METRO MANILA – Itinutulak ng Department of the Interior and Local Government (DILG) ang pagkakaroon ng isang kabuuang pagbabawal sa paggamit ng mga paputok sa buong Pilipinas.
Binigyang diin ni Secretary Benjamin ‘Benhur’ Abalos Jr. na dapat magpasa ng resolusyon ang mga Local Government Unit (LGU) para ipagbawal ang paggamit ng mga paputok sa kanilang nasasakupang lugar.
Inirerekomenda nito sa mga LGU na isaalang-alang ang paggamit ng pyrotechnic displays sa kanilang city halls bilang mas ligtas na alternatibo sa tradisyunal na paggamit ng mga paputok.
Sa isang ambush interview, inihayag ni Secretary Abalos na may ilang LGU na ang nagtakda ng kumpletong pagbabawal sa paggamit ng mga paputok at naglaan na lamang ng espesipikong lugar para sa maayos na fireworks display.
Nananawagan naman ang kalihim na na ng kaparehong ordinansa ang bawat mga bayan at lungsod sa bansa at gawing huwaran ang marami sa kanila na mayroong kaparehong proyekto.
Tags: DILG, firecrackers, LGU
METRO MANILA – Plano ng Metro Manila Council (MMC) na muling magtalaga ng firecracker zones sa bawat Local Government Unit (LGU) sa National Capital Region (NCR) ngayong holiday season.
Ayon kay MMC President at San Juan City Mayor Francis Zamora, layon nito na maging ligtas at mapayapa ang lahat kasabay ng pagpasok ng taong 2023.
Partikular na dito ang paggamit ng paputok na karaniwan nang nagdudulot ng aksidente sa daan-daang indibidwal kada taon.
Bunsod nito, binubo na ng Metro Manila Council ang mga panuntunan sa paggamit ng mga paputok sa kalakhang Maynila para sa darating na holiday season.
Kinumpirma naman ng Philippine National Police na hindi naman magpapatupad ng total ban sa paggamit ng paputok.
Ayon kay PNP Civil Security Group Director Police Major General Eden Ugale, regulation o pag kontrol lamang aniya ang ipinatutupad ngayon sa Pilipinas.
Ngunit bawal pa rin ang pagbebenta at paggamit ng mga malalakas na paputok.
Kabilang dito ang mga overweight o sobra sa timbang na mga paputok na umaabot sa mahigit sa 1/3 teaspoon o may katumbas na 0.2 gramo o higit pa na explosives.
Bawal rin maging ang sobrang laki o oversized na mga paputok, may fuse o mitsa na sobrang liit at nauubos sa kulang 3 segundo, o sobrang haba naman na mahigit sa 6 na segundo bago maubos.
Hindi rin pinapayagan ang mga imported at walang label na paputok, o may halong sulphur o phosphorous at chlorates.
Kabilang naman sa mga pinapayagan lamang na mga paputok o firecrackers ay ang baby rocket, bawang, small triangulo, pulling of strings, paper caps, el diablo, watusi, judas belt at sky rocket o kwitis.
Habang sa mga pailaw o pyrotechnics naman, tanging ang luces, jumbo, mabuhay, roman candle, trompillo, airwolf, whistle device at butterfly lamang ang pinapayagan.
Batay sa Republic Act 7183, sino mang mahuhuli na lumalabag sa naturang mga safety guidelines ay maaaring magmulta ng P20,000 – P30,000 o pagkakakulong ng aabot sa 6 na buwan hanggang 1 taon.
(Asher Cadapan Jr. | UNTV News)
Tags: firecrackers, MMC
