Pwersahang inaresto kahapon ng mga tauhan ng Quezon City Police District ang pinuno ng Pinagkaisang Samahan ng mga Tsuper at Opereytor Nationwide o PISTON na si George San Mateo kaugnay sa kasong isinampa laban sa kaniya ng Land Transportation Franchising and Regulatory Board. Kaugnay ito ng pangunguna niya sa pagdaraos ng tigil-pasada noong Pebrero.
Ayon sa abugado ni San Mateo na si Atty. VJ Topacio, ikinagulat nila ang biglaang pag-aresto sa kaniyang kliyente.
Paliwanag niya nakapagbayad na ng 4 na libong pisong piyansa si San Mateo sa cashier ng Quezon City Hall of Justice, at kinakailangan na lamang ng personal apperance nito sa korte upang makumpleto ang proseso ng pagpipiyansa.
Matapos na makumpleto ang mga dokumento, agad ring nag-isyu ng release order ang korte kanina para sa pansamantalang paglaya ni San Mateo. Tinawag ni San Mateo na isang harrassment ang aniya’y pwersahang pag-aresto sa kaniya ng mga pulis.
Ayon naman sa Malacañang, sadyang nakitaan ng paglabag sa Public Service Act si San Mateo dahil sa panghihikayat niyang magsagawa ng mga tigil-pasada na labis na nakaperwisyo sa mga mananakay. Bunsod nito ay muling nagbabala ang palasyo sa mga nagpaplano pang ulitin ang naturang hakbang.
Pinayuhan din nito ang mga operator at tsuper ng jeep na idaan sa legal na proseso ang pagpaparating ng kanilang hinaing at kahilingan sa pamahalaan at hindi sa pamamagitan ng transport strike.
( Joan Nano / UNTV Correspondent )
Tags: George San Mateo, pinalaya na, Piston
METRO MANILA – Muling hinimok ng isang grupo ng mga jeepney drivers at
operator ang korte suprema na maglabas ng Temporary Restraining Order (TRO)laban sa pagpapatupad ng Public Utility Vehicle (PUV) modernization program ng
pamahalaan.
Ayon sa Pagkakaisa ng mga Samahan ng Tsuper at Operators Nationwide (PISTON), kailangan nang aksyonan ng Supreme Court ang kanilang hiling na TRO lalo’t ilang araw na lamang bago ang itinakdang deadline ng franchise consolidation sa April 30.
Una nang sinabi ni Pangulong Ferdinand Marcos Junior na hindi na palalawigin pa ang deadline.
Simula May 1, ituturing nang kolorum at pagbabawalan nang pumasada ang mga jeep na hindi nakasama sa consolidation ng prangkisa sa ilalim ng mga korporasyon at kooperatiba.Disyembre pa ng nakaraang taon inihain ng PISTON ang kanilang petisyon para sa TRO pero wala pang aksyon dito ang Supreme Court.
METRO MANILA – Umaasa pa rin ang transport group na Piston na maaari pang baliktarin o hindi ituloy ng gobyerno ang desisyon nito para sa deadline ng franchise consolidation sa December 31.
Ayon sa National President ng grupo na si Mody Floranda, kapag natuloy ang deadline, nasa 35,000 o higit pa na mga driver at operator ang maaaring mawalan ng hanapbuhay pagsapit ng January 1 ng susunod na taon.
Nasa 55% pa lang din umano ng mga tradisyunal na jeep sa Metro Manila na pumasok sa consolidation.
Ito rin ang dahilan kaya nagbabala sila na maaaring magkaroon ng transport crisis kung tuluyan nang mapapaso ang mga provisional authority ng mga unconsolidated Public Utility Jeepneys (PUJ’s).
METRO MANILA – Muli na namang magsasagawa ng tigil-pasada ang grupong Piston kasama ang iba pang transport groups.
Ito ay bilang protesta sa nalalapit na deadline ng franchise consolidation para sa Public Utility Vehicle (PUV) modernization program.
Ayon sa Piston isasagawa ang transport strike sa darating na Huwebes at Biyernes, December 14 hanggang 15 .
Nauna nang iginiit ng Department of Transportation (DOTr) na hindi na babaguhin ang December 31 deadline ng franchise consolidation.
Tags: Piston, PUV, Transport Strike
