Naghain ng motion for reconsideration ang petitioners na AKBAYAN at ang kampo ni Bonifacio Ilagan sa COMELEC en banc kahapon, (Feb. 15, 2022), kaugnay ito sa dinismiss na disqualification cases laban kay presidential candidate Ferdinand Marcos, Jr.
Nais nilang baliktarin ng COMELEC en banc ang desisyon ng first division na sinulat ni Commissioner Aimee Ferolino.
Iginiit pa rin ng mga petitioner ang hatol kay Marcos, Jr. sa isang krimeng may kinalaman sa moral turpitude dahil sa hindi paghahain ng income tax return.
Dagdag pa ng mga ito, bagamat hindi binanggit sa ruling ng Court of Appeals, na si Marcos ay perpetually disqualified sa anumang government position at pagtakbo sa halalan.
Pinatawan itong makulong ng Quezon City RTC, at ang paglabag sa tax code ay may ground para tuluyang pagkadiswalipika sa pagtakbo o paghawak ng anomang posisyon sa gobyerno.
Samantala, kinwestiyon din ng akbayan kung tama ba resolusyon first division dahil dalawa lang umano ang nakaupo at bumotong commissioner kaso ni Marcos sa halip na tatlo.
Hindi na nakasama ang boto ni dating Commissioner Rowena Guanzon dahil nagretiro na ito bago pa mailabas ang resolusyon.
“Kung ito ba ay valid yunng naging decision kasi di ba according to the internal rules of the COMELEC dapat ang isang division ay constituted ng tatlong commissioners at tandaan nating noong nilabas nila ang desisyon dalawang commissioner lamang ang nakaupo at nag participate doon sa process na ito,” ayon kay Percival Cendaña, Akbayan
Kaugnay nito, hiniling ng Akbayan kay Commissioner Aimee Ferolino na mag-inhibit o huwag na sumama sa pagtalakay at pagboto sa mga kaso ni Marcos.
Duda na ang grupo sa kredibilidad at integridad ni Ferolino bunsod ng mga inihayag ni retired Commissioner Guanzon na may makapangyaring politiko o sendor na nakikialam umano sa kaso ni Marcos.
Una nang naghain ng motion for reconsideration ang isa pang petitioner sa DQ cases ni BBM na si NCMF Commissioner Bubakar Mangelen.
Samantala, ayon naman kay Atty. Vic Rodriguez, tagapagsalita ni Marcos, malinaw sa unanimous decision ng first division na ang mga petitioner ang nagsinungaling.
Pakiusap nila, igalang ating judcial at quasi-judicial bodies tulad ng COMELEC at tigilan ang pang aabuso sa mga hukuman sa pamamagitan ng pagsasampa ng mga gawa-gawang kaso.
Dante Amento | UNTV News
Tags: Akbayan, Bongbong Marcos Jr., COEMELEC, DQ cases vs Marcos
Wala pang nakikitang dahilan si Pangulong Ferdinand “Bongbong” Marcos Jr. para magdeklara ng State of National Calamity, kasunod nang nangyaring major earthquake sa Abra nitong Miyerkules, July 27.
Ayon sa Pangulo, idenedeklara lang ito kapag tatlong rehiyon na ang apektado ng isang kalamidad.
“Generally ang SOP diyan, ang State of National Calamity pagka apektado ang tatlong region, automatic ‘yun. Hindi naman naapektuhan ang tatlo. So far we can say it’s region 1 and CAR, so I dont think its necessary right now to declare a national emergency. However depending on the info that comes back I’m sure marami pa tayong mababalitaan, marami pang mga info na hindi nakarating sa atin, baka mangayari ‘yun, I hope not,” pahayag ni Pang. Ferdinand ‘bongbong’ Marcos Jr.
Tags: Abra, Bongbong Marcos Jr., Magnitude 7 earthquake, Pang. Ferdinand Marcos Jr.
Nagpaabot ng pagbati ang Singaporean Ambassador sa pagkapanalo ni President-elect Ferdinand Bongbong Marcos Jr.
Sa pagbisita ni Singapore Ambassador to the Philippines Gerard Ho kay Marcos Jr. nitong Lunes (May 30) natalakay ang ukol sa matagal ng pagkakaibigan ng dalawang bansa at tungkol sa ekonomiya.
Ayon kay Ho umaasa sila sa lalong pagpapatatag sa economic relationship ng Pilipinas at Singapore sa ilalim ng Marcos admin.
“I think with the resumption of cross border travel as well as the message of significant economic reforms in the Philippines, the current administration we are hopeful that we grow this bilateral economic relationship in the Philippines,” pahayag ni Amb. Gerard Ho, Singapore Ambassor to the Philippines.
Kinumpirma rin ni Ho ang imbitasyon ng Singapore kay Marcos Jr. para sa isang state visit.
Bumisita rin kay President-elect si United Kingdom Ambassador to the Philippines Laure Beaufils. Ayon sa UK Ambassador kabilang sa kanilang napagusapan ni Marcos Jr. ang ukol sa ekonomiya, imprastraktura, energy, climate change at peace process.
Handa rin ang UK na tumulong sa pagpapatupad ng rule of law sa West Philippine Sea.
Personal ring nagpaabot ng pagbati ang Ambassadors mula sa France at European Union ngunit hindi na sila nagpaunlak pa ng panayam sa media.
Samantala sa panayam sa programang Politiskoop, ipinaliwanag ni Retired Political Science Professor Clarita Carlos na layon lamang ng courtesy calls na i-renew ang magandang pakikipag-relasyon sa Pilipinas sa ilalim ng bagong liderato.
Ayon pa kay Professor Carlos, hindi pa rito matatalakay ang detalye sa mga bagong estratehiya ukol sa foreign policy at mangyayari lamang ito kapag ganap nang nakaupo bilang Pangulo si Marcos.
“I think it’s really about renewing the friendship with India, with Europe, with Germany, and China etc. like that, wala pa syang mga policy discussion kasi ‘yan ay mangyayari in another venue and kapag nakaupo na si President sa June 30, and you are correct the Secretary of Foreign Affairs I am there, I will not articulate policies and ang gagawa ng foreign policies the chief architech is President Bongbong Marcos,” pahayag ni Prof. Clarita Carlos.
(Nel Maribojoc | UNTV News)
Tags: Bongbong Marcos Jr., Gerard Ho, Singapore
Lubos ang pasasalamat ni Sen. Imee Marcos sa suportang nakukuha nila kasunod ng pagkapanalo ng kapatid na si Ferdinand “Bongbong” Marcos Jr. bilang susunod na Pangulo ng bansa.
Ayon sa senadora, ito na ang pagkakataon nilang maipakita na karapat-dapat silang muling pagkatiwaalaan sa pagsisilbi sa taumbayan.
“We are very very grateful for a second chance as it were dahil medyo mabigat ang pinagdaanan ng aming pamilya talagang matapos ang 1986, kung ano anong kaso ang hinarap namin, kung anong pangungutya at pang-aapi”, ani Sen. Imee Marcos.
Dagdag pa niya, hindi naging madaling desisyon na muling sumabak sa pulitika si BBM matapos ang aniya’y traumatic na pagkatalo sa 2016 vice presidential elections.
At sa napipintong pag-upo bilang susunod na Pangulo ng nakababatang kapatid, magsisilbi siyang tagapamagitan ng malakanyang sa senado.
“Sapat na iyong maging super ate sa senado, ok na iyon… malaking bagay na iyon at malaking trabaho na iyon”, dagdag ni Sen. Imee Marcos.
Dumalo rin sa proklamasyon si former first lady Imelda Romualdez-Marcos.
Kwento ni Sen. Imee, tila nawala ang sakit at biglang sumigla ang kanilang nobenta’y dos (92) anyos na ina sa pagkapanalo ni Bongbong.
Samantala, ayon kay Atty. Vic Rodriguez, ngayong araw naman ay nakatakdang harapin ni Marcos Jr. ang ilang kilalang personalidad para sa binubuong gabinete.
Layon aniya ni BBM na mapagbuklod at magkaisa ang lahat anoman ang political color.
“And I think and you will agree with me that that is a good start towards the unification process, the healing process. What he’s offering is his unifying brand of his leadership. He’s now President-elect, he’s been proclaimed by the joint houses of congress. And he will be president of all Filipinos, he’ll be President of every Filipinos”, ayon kay Atty. Vic Rodriguez, Spokesperson, President-elect Marcos Jr.
(Aiko Miguel | UNTV News)
Tags: Atty. Vic Rodriguez, Bongbong Marcos Jr., Ferdinand Marcos Jr., Imee Marcos, Imelda Marcos
