Humarap kahapon si Chinese-Filipino businessman na si Peter Lim sa media upang sagutin ang mga isyu ng umano’y pagkakasangkot nito sa illegal drug trade.
Mariing itinanggi ni Lim na isa siyang drug lord. Nababahala rin umano siya para sa kaligtasan niya at ng kaniyang pamilya.
Ibinunyag din ni Lim na may problema siya sa kalusugan dahil sa kidney failure ngunit nakahanda pa rin siyang harapin ang reklamong ibinabato laban sa kanya. Si Lim ang isa sa mga pinangalanan ni Pangulong Rodrigo Duterte na kabilang sa kaniyang narco list.
Pinangalanan din ito ng self-confessed drug lord na si Kerwin Espinosa na umano’y supplier ng shabu.
Sinampahan ito ng kaso ng PNP CIDG dahil sa umano’y pagkakasangkot nito sa illegal drug trade at inatasan kamakailan ng Department of Justice na dumalo sa preliminary hearing sa August 14 at 17.
(Gladys Toabi / UNTV Correspondent)
Tags: duterte, illegal drug trade, Peter Lim
