METRO MANILA – Partikular na napagkasunduan nina Pangulong Ferdinand Marcos Jr. at chinese President Xi Jinping ang pagpapalakas ng relasyon ng Pilipinas at China pagdating sa agrikultura, enerhiya at imprastraktura.
Ito ang kauna-unang pagkakataon na nakaharap ni PBBM ang Chinese President. Ayon sa pangulo, tungkol sa planong state visit niya at ilang regional issues ang kanilang natalakay.
Wala pang inilabas na detalye kung natalakay dito ang isyu sa West Philippine Sea. Kasama sa blateral meeting sina dating Pangulong Gloria Macapagal Arroyo at House Speaker Martin Romualdez.
Ayon kay PBBM, nasurpresa si President Xi sa pagdalo ng dating pangulo at ngayon ay Pampanga 2nd District Representative Macapagal-Arroyo sa bilateral meeting.
Kagabi (November 17) naman, kasama nina Pangulong Marcos at First Lady Louise Araneta Marcos ang ibang APEC leaders sa gala dinner sa royal thai navy conference hall hosted ni Thailand Prime Minister Prayut Chan-O-Cha.
Samantala, ngayong umaga (November 18) naman magaganap ang 29th APEC- Economic Leaders meeting at iba pang leaders dialogue.
May 2 bilateral meeting naman na naka-schedule si Pangulong Marcos Jr ngayong araw (November 18) ito ay sa bansang France at Saudi Arabia
(Nel Maribojoc | UNTV News)
Tags: APEC Summit
METRO MANILA – Bibiyahe papuntang Estados Unidos sa susunod na Linggo si Pangulong Ferdinand Marcos Junior.
Ito ay upang dumalo sa Asia-Pacific Economic Cooperation (APEC) Summit sa San Francisco, California.
Ayon kay Foreign Affairs Undersecretary Charles Jose, malaking bagay para sa Pilipinas ang pagdalo sa APEC dahil sa trade partnership.
Pangunahing isusulong ng pangulo sa APEC leaders summit ang ukol sa enerhiya, modernisasyon ng health care system at digitalization.
Pagkatapos nito, ay tutungo ang pangulo sa Los Angeles California at sa Honolulu Hawaii para sa working visit.
Bibisita rin si PBBM sa U.S. Indo-Pacific command sa Hawaii.
Tags: APEC Summit, PBBM, US
METRO MANILA – Nakabalik na sa Pilipinas si Pangulong Ferdinand “Bongbong” Marcos Jr. mula sa dinaluhang pagtitipon kasama ang iba pang world leaders sa ginanap na Asia-Pacific Economic Cooperation (APEC) Summit sa Bangkok, Thailand.
Ayon kay Pangulong Marcos Jr, marami sa mga isyu na kinakaharap ngayon ng Pilipinas ay kapareho rin ng problema ng ibang bansa.
Kagaya na lang ng problema sa climate change, supply chains, food supply, digitalization at women empowerment.
Nagkaroon rin ng ilang bilateral meetings si PBBM kung saan nagkaroon siya ng mabungang pakikipag-usap kay French President Emmanuel Macron at Canadian Prime Minister Justin Trudeau
Samantala, magkakaroon na ng Philippine Overseas Labor Office sa Thailand.
Ayon sa pangulo, makakatulong ito para maprotektahan ang karapatan ng mga Overseas Filipino Worker (OFW) sa Thailand.
Sa pamamagitan aniya ng bagong labor office ay magiging madali na sa mga kababayan natin sa Thailand na maiparating ang kanilang concern na may kinalaman sa kanilang hanapbuhay.
Ayon sa pinakahuling datos, mayroong 30,000 mga Pinoy sa Thailand na karamihan ay English teacher o nagtatrabaho sa hospitality industry.
(Kath Dumaraso | UNTV News)
Tags: APEC Summit, OFW, PBBM, Thailand
Apat na araw na mamamalagi si Pangulong Rodrigo Duterte sa Vietnam para sa kaniyang working visit mula November 8 hanggang 11, 2017.
Dadalo ito sa Asia Pacific Economic Cooperation o APEC Economic Leaders’ Meeting kasama ang iba pang World Economic Leaders.
Kabilang din sa mga inaasahang makaka-usap ng Pangulo sa APEC Summit ang ilang world leaders na hindi naman makadadalo sa ASEAN Summit dito sa Pilipinas mula November 12-17 tulad nina Chinese President Xi Jinping at Russian President Vladimir Putin.
Inaasahan din ang unang pagkikita at pakikipagpulong nina Pangulong Duterte at U.S. President Donald Trump.
Posibleng magkausap ang dalawa sa welcome ceremony, gala dinner, sidelines at iba’t-ibang engagements sa APEC Summit.
Kabilang naman sa mga inaasahang magiging paksa ng pulong ay ang isyu sa ekonomiya at seguridad.
Ayon naman sa Malakanyang, maaaring maging maikli lamang ang oras para makapag-usap sina Pangulong Duterte at Trump dahil na rin sa dami ng World Economic Leaders sa event.
( Rosalie Coz / UNTV Correspondent )
Tags: APEC Summit, Pangulong Duterte, Vietnam
