METRO MANILA, Philippines – Itinuturing na national security threat ng Philippine National Police (PNP) ang pagnanakaw umano ng datos sa Department of Foreign Affairs (DFA) ng dating contractor na humahawak sa passport system ng Kagawaran.
Ani PNP Police Director General Oscar Albayalde, “not only threat on national security but also threat of our identities na napakarami na Pilipino na kumuha ng passport na nandoon lahat ang information.”
Ayon pa kay Albayalde, handang tumulong ang pambansang pulisya sa isasagawang imbestigasyon sa insidente ngunit hindi pa nakikipag-ugnayan sa kanila ang DFA.
Samantala, ang grupong Migrante ay nababahala sa naturang balita dahil nalalagay sa peligro ang kalagayan ng mga passport holders and applicants lalo na ang overseas Filipino workers. Anila ang mga nakuhang pribadong impormasyon ng mga OFW ay maaring magamit sa identity theft o iba pang iligal na aktibidad.
Magsasagawa naman ng fact finding investigation ang National Privacy Commission (NPC) hinggil sa insidente. Ipatatawag ng NPC ang mga opisyal ng DFA para magpaliwanag sa isyu.
Tiniyak ng ahensya na papanagutin ang mga responsable sa umano’y data breach sa passport system. Maaring makulong ng anim na taon at pagmultahin ng limang milyong piso ang lalabag sa Data Privacy Act of 2012.
Tags: Department of Foreign Affairs, passport, passport breach, Philippine National Police, philippine passport, threat
Wala sa mga Pilipino ang nadamay sa tensyon na nangyari sa ilang lugar sa Russia partikular sa Rostov-on-Don na sinakop ng Russian paramilitary wagner group.
Ayon kay Department of Foreign Affairs Undersecretary for Migrant Workers Affairs Undersecretary Eduardo de Vega, patuloy ang kumonikasyon ng embahada ng Pilipinas sa sampung Pilipino na kasalukuyang nakatira sa Rostovondon.
“ ’yung Rostov, yung kinukuha ng wagner group konti lang yung Pilipino doon labing-isa o sampu lang kaya lahat nakikipagugnayan ‘yan sa embahada na safe sila,” ani Usec. Eduardo de Vega, DFA.
Noong Sabado, June 24, napaulat na sinakop ng wagner group ang Rostovoondon na isa sa pinakamalaking lungsod sa southern Russia.
Ito ay kasunod ng umano’y pang-aatake ng Russian military sa mga tauhan ng private mercenary wagner group na pinamumunuan ni Yevgeny Prigozhin.
Agad naghain ang National Anti-terrorism Committee ng Russia ng kasong kriminal laban kay Prigozhin dahil sa mga paratang at pag-uudyok nito sa armadong rebelyon.
Ngunit kamakailan lang, nagkasundo ang dalawang paksyon na hindi na itutuloy ng Russian government ang pagsasampa ng reklamong pagtataksil laban kay Prigozhin, at magtungo na lamang sa Belarus dahilan ng paghupa ng tensyon.
Sa panayam ng UNTV news sa ilang Pilipinong nakatira sa Moscow Russia na naghigpit din ng kanilang seguridad, nasa maayos naman ang kanilang sitwasyon doon.
Pero kahit pa man, humupa na ang tensyon sa lugar, ayon kay usec. De Vega hindi pa rin titigil ang pamahalaan sa pagmu-monitor sa sitwasyon sa lugar at kalagayan ng Overseas Filipino Workers doon.
pinapayuhan ng DFA at ng embahada ng Pilipinas ang mga pilipino sa russia na maging mapag-matyag at umantabay pa rin sa mga abisong ilalabas ng Philippine embassy.
Pinaiiwas rin ang mga ito sa matataong lugar gayundin sa pakikilahok sa mga demonstrasyon at huwag mag-post ng anomang political comments sa social media na hindi kumpirmado. Maging sa pagbiyahe sa ibang rehiyon kung hindi naman kinakailangan.
Sa tala ng Department of Foreign Affairs, nasa sampung libong mga Pinoy ang naroroon ngayon sa Russia at siyamna libo nito ay nakatira sa moscow.
Janice Ingente/UNTV News
Tags: Department of Foreign Affairs, DFA, Russia
METRO MANILA – Good news, nasa ika-80 puwesto sa pinakamalalakas na passport sa buong mundo ang pasaporte ng Pilipinas.
Ito ay base sa ginawang listahan ng isang British Consulting Firm na Henley and Partners.
Ayon sa Henley Passport Index Global ranking, mula sa ika-82 puwesto noong nakaraang taon sa kanilang listahan, umangat ngayong third quarter ng taong 2022 ang Philippine Passport sa ika-80 puwesto.
May access na ngayon sa 67 destinations ang Philippine passport, mula sa 66 lamang noong nakaraang taon.
Kasama ng Pilipinas ang Cape Verde islands at Uganda sa 88 spot.
Ang passport ng Japan ang most powerful, na may visa-free access sa 193 destinations.
Ang south Korea at Singapore naman ay may visa-exempt status sa 192 destinations, bilang second most powerful passport sa buong mundo.
Tags: philippine passport
LAGUNA – Inanunsyo ng Department of Foreign Affairs (DFA) ang pagbubukas ng Temporary Off-site Passport Service (TOPS) sa Robinsons Galleria South Mall sa San Pedro, Laguna nitong Oktubre 4, 2021.
Ang pagbubukas ng TOPS-San Pedro ay parte ng proyekto ng DFA na magkaroon ng TOPS operations sa bawat rehiyon upang maserbisyuhan ang mga nakatira sa labas ng Metro Manila.
Sa ngayon, ang TOPS-San Pedro ay tumatanggap lamang ng 300 aplikante araw-araw sa kabila ng mataas na demand ng passport appointment.
Ito ay bilang pagsunod ng ahensya sa guidelines ng Inter-Agency Task Force for the Management of Emerging Infectious Diseases (IATF-EID) upang masiguro ang kaligtasan ng mga aplikante at ng kanilang personnel.
(Julie Gernale | La Verdad Correspondent)
