Muling makikipagpulong ngayong hapon si Pangulong Rodrigo Duterte sa mga lider ng sektor ng pagnenegosyo. Hinggil sa pinakahuling ulat kaugnay ng 10-point socio economic agenda ng kaniyang administrasyon.
Ito ang pangalawang beses na haharapin ng pangulo ang business community at iba pang stakeholders upang i-assess ang development agenda sa unang taon nito sa pwesto.
Unang beses noong June 2016 kung saan nagsagawa ng konsultasyon ang economic managers ni Pangulong Duterte sa pribadong sektor kung papaano maisasakatuparan ng pamahalaan ang reform agenda sa bansa.
Bago ito, pangungunahan din ng punong ehekutibo ang 116th Police Service Anniversary sa Camp Crame, Quezon City.
