METRO MANILA – Inilatag ni Pangulong Ferdinand Bongbong Marcos Jr. ang economic recovery plans ng kaniyang administrasyon.
Partikular ang ukol sa sound fiscal management plan sa pamamagitan na rin ng pagpapatupad ng reporma sa pagbubuwis.
Binanggit ng pangulo ang ukol sa pagpapataw ng Value Added Tax (VAT) sa digital service providers.
Inilatag rin ni Pangulong Marcos ang economic targets ng administrasyon kabilang na ang inaasahang paglago ng ekonomiya ng bansa sa 6.5% hanggang 7.5% ngayong taon; Pababain ang poverty rate sa 9% pagsapit ng taong 2028.
At mapababa ang utang ng Pilipinas sa 60% na debt-to-GDP ratio sa taong 2025.
Inihayag na rin ni PBBM ang plano niya sa agriculture sector. Kabilang na pagbibigay ng direktang tulong sa mga magsasaka.
Sa long term plans naman ng administrasyon , paiigtingin ang pagsasaliksik sa makabagong paraan ng pagtatanim at pag-aalaga ng hayop.
Prayoridad rin ayon sa pangulo ang modernisasyon sa pagsasaka, papalawakin ang post production at processing. At matiyak ang maayos na farm-to-market roads.
Ukol naman sa agrarian reform, maglalabas ng kautusan ang pangulo para magpatupad ng 1 year- moratorium sa pagbabayad ng land amortization at interest payment para sa agrarian reform beneficiaries.
Inatasan naman ni Pres. Marcos ang DSWD na linisin ang listahan ng benepisyaryo ng Pantawid Pamilyang Pilipino Program (4Ps) at pabilisin ang tulong sa mga biktima ng kalamidad.
Sa planong pangkalusugan, ayon sa pangulo hindi na kakayanin ang anomang lockdown, at wala na aniyang gagawing lockdown.
Mananatili ang alert level system sa bansa. Kailangang magtayo ng dagdag na health center at malalaking ospital sa mga probinsya.
Sinimulan na rin aniya ang pakikipagusap sa mga kumpanya para makakuha ng murang gamot ang bansa.
Inatasan naman ni Pangulong Marcos ang DOH at DILG para sa muling booster shots rollout.
Ukol sa edukasyon, panahon na ayon sa pangulo upang magbalik sa face-to-face classes.
Inatasan rin ni Pangulong Marcos ang DICT na ipatupad ang national broadband plan.
Ukol naman sa enerhiya, top agenda ng pangulo ng pagsusulong ng renewable energy.
Napapanahon na rin ayon sa pangulo na pag-aralan ang pagtatayo ng nuclear plants.
Titingnan din ng administrasyon kung papaano pa mapapababa ang singil sa kuryente.
(Nel Maribojoc | UNTV News)
Tags: Marcos Administration, PBBM, SONA 2022
METRO MANILA – Inaprubahan ni Pangulong Ferdinand Marcos Junior ang panukala ng Department of Social Welfare and Development (DSWD) na nagpapalawak sa saklaw ng Pantawid Pamilyang Pilipino Program (4Ps).
Nakasaad sa panukala, na kasama na sa cash grants ng 4Ps ang mga buntis at nagpapasusuong ina upang matiyak ang kalusugan ng kanilang mga anak sa unang isang lingong araw nito.
Inatasan ng pangulo ang DSWD at NEDA sa pagsasapinal ng numero at kinakailangang adjustment sa pamamahagi ng cash grants.
Ang nasabing adjustment ay magpapataas ng purchasing power ng mga benepisyaryo at makakapagbigay ng insentibo para mapabuti ang kanilang pagsunod sa mga kondisyon ng programa na makakaiwas sa malnutrisyon at stunting.
Tags: Cash Grant, DSWD, PBBM
METRO MANILA – Ganap nang batas ang “Kabalikat sa Pagtuturo Act”. Ito ay matapos lagdaan kahapon (June 3) ni Pangulong Ferdinand Marcos Junior ang naturang batas na layong doblehin ang tinatanggap na techning supplies allowance o chalk allowance ng mga guro.
Mula sa P5,000 ay itataas na ito sa P10,000 kada taon. Sisimulan ang pamamahagi ng dobleng teacher’s allowance sa School Year 2025-2026.
Matagal na ring idinadaing ng mga guro ang kakulangan ng supplies allowance na pambili ng chalk, erasers, forms at iba pang classroom supplies dahilan upang kuhanin na ang pampuno sa gastos sa mismong personal na pera ng mga guro.
Ayon kay Pangulong Marcos responsibilidad ng estado na tulungan ang mga guro na nagsasakripisyo.
Tags: PBBM, Teacher's Allowance
METRO MANILA – Binigyang-diin ni Pangulong Ferdinand Marcos Junior malapit sa aksyon ng giyera at red line nang maituturing kung masasawi ang 1 Pilipino dahil sa anomang insidente o aksyon ng China Coast Guard (CCG) sa West Philippine Sea (WPS).
Ito ang sagot ni pbbm nang tanungin sa isyu sa ginanap na 21st International Institute for Strategic Studies (IISS) Shangrila Dialogue sa Singapore nitong Biyernes (May 31).
Naniniwala ang pangulo na susuportahan ng treaty partners ang Pilipinas sa ganitong tumitinding sitwasyon sa WPS.
Iginiit din ng punong ehekutibo na gagawin ng Pilipinas ang lahat upang protektahan ang soberanya ng bansa kasabay ang commitment sa pagpapanatili ng kapayapaan at pagtugon sa mga isyu sa pamamagitan ng dayalogo at diplomasya.
