MANILA, Philippines – Nakalason sa 276 na dumalo sa birthday party ni dating first lady Imelda Marcos ang kontaminadong itlog noong nakaraang Miyerkules sa Pasig city.
Batay iyon sa inilabas na preliminary laboratory result ng Department of Health (DOH). Ayon kay Health Secretary Francisco Duque III, lumabas sa pagsusuri na may crack o sira ang mga itlog na niluto at inihanda sa naturang pagtitipon.
“So huwag po tayong kakain ng mga basag na mga itlog dahil hindi po natin masiguro kung ito po ay nakontamina.there was a bacterial growth, the preparation was rather poor and allowed the handling perhaps contributed to it.” ani Doh Secretary Francisco Duque III.
(Aiko Miguel | Untv News)
Tags: dating First Lady Imelda Marcos, Department of Health, food poisoning
Nasa 106,000 na mga nurses ang kinakailangan para sa mga pampubliko at pribadong medical facilities sa Pilipinas ayon sa Department of Health.
Bukod sa mga nurses kulang rin ang bansa ng mga doktor, pharmacist, medical technologist, radiologic technologist, dentist, occupational therapist, physical therapist at midwives.
Ayon kay DOH Officer-In-Charge Maria Rosario Vergeire, isa sa mga dahilan kung bakit may kakulangan sa healthcare workers sa bansa, ay dahil marami sa mga ito ang pinipiling mag-trabaho abroad.
Kaya naman nais aniya ng DOH, na manatili sa 7,500 ang yearly deployment cap sa mga nagtatrabaho sa sektor ng kalusugan. Panawagan ni Vergeire sa mga healthcare workers sa bansa, may mga plantilla positions na maari silang pasukan. Kinakailangan lamang aniya na makipag-ugnayan sa Human Resources Bureau upang maproseso ang kanilang aplikasyon.
Tags: Department of Health, Nurses
Na-discharged na ang ika-apat na kaso ng monkeypox sa bansa ayon sa Department of Health. Ito ay yaong 25 years old na walang travel history sa anomang bansa na may kaso ng monkeypox.
Ayon sa DOH, na-discharged ang pasyente sa ospital noong September 15, at kasalukuyang sumasailalim sa home quarantine habang hinintay na matanggal ang lahat ng mga scabs dulot ng impeksyon.
August 19 nang nag-positibo ito sa monkeypox matapos sumailalim sa RT-PCR test.
Lahat naman ng dalawampung (20) close contact nito ay asymptomatic.
Labing walo (18) ang tapos nang mag-quarantine, isa tapos na sa self-monitoring period, at isa ang sumasailalim pa sa quarantine.
Tags: Department of Health, Monkeypox
METRO MANILA – May naitala nanamang panibagong kaso ng polio ang Department Of Health (DOH) mula sa isang 9 na taong gulang na batang babae sa Mindanao matapos magpositibo sa pagsusuri ng Research Institute for Tropical Medicine and the National Institute of Infectious Diseases .
Ayon sa DOH hindi pa kailanman nakatanggap ng polio virus vaccine ang bata. Sa ngayon nakikipagugnyan na ang DOH sa Bangsamoro autonomus region in Muslim Mindanao-Ministry of Health para sa mas ibayo pang kampanya para sa pagpapabakuna sa Basilan.
Tiniyak ni Health Secretary Francisco Duque III na mayroong sapat na supply bakuna para sa polio virus ang bansa.
Nanawagan rin si Sec. Duque sa mga magulang sa National Capital Region (NCR) at sa buong Mindnao na samantalahin ang isa na namang malawakang pagbabakuna na nagsimula Kahapon (November 25) at tatagal hanggang sa December 7.
“I urge all parents and caregivers of children under five years old to take part in the sabayang patak kontra polio campaign and have their children vaccinated by our health workers”ani DOH Sec. Francisco Duque III.
Sinabi pa ng kalihim na ang vaccination team ay maglilibot sa mga bahay bahay sa bawat baranggay upang matiyak na mabakunahan ang mga bata.
“We are thankful for the participation and continued support of our local government units and communities in this campaign. I am confident that we will be successful in halting this outbreak if we continue to work together and make sure that no child is left unvaccinated,”ani DOH Sec. Francisco Duque III.
(Bernard Dadis | UNTV NEWS)
Tags: Department of Health, polio
