Itinuturing pa rin ng Malacañang na mataas ang satisfaction rating ni Pangulong Benigno Aquino III base sa mga nagdaang survey.
Pahayag ito ni Presidential Spokesman Edwin Lacierda matapos makakuha lamang ng 58% na satisfaction rating sa 4th quarter ng 2015 si Pangulong Aquino mula sa 64% noong 3rd quarter.
Base pa sa SWS survey, tumaas ang porsiyento ng nagsasabing hindi nasisiyahan sa trabaho ng Pangulo na mula sa 22 percent ay naging 26 percent.
Sa kabuuan, bumaba sa +32 ang net satisfaction ratling ng Pangulo mula sa +41 noong 3rd quarter ng 2015.
Ang survey ay isinagawa noong Dec. 5 hanggang 8 sa 1,200 respondents nationwide.
Ayon kay Lacierda, ang sukatan aniya ng gobyerno ay ang nakikita sa kalidad ng buhay ng mga mamamayan.
Hindi aniya nagtatrabaho ang gobyerno para sa magandang resulta ng survey kundi para sa benepisyong makukuha mula sa mabuting pamamahala gaya ng pagbawas sa bilang ng mga mahihirap na Pilipino, karagdagang trabaho at pagpapalawak ng ekonomiya ng bansa na aniya ay suportado naman ng mga paguulat.
Gaya na lamang aniya ng pagbaba ng unemployment rate sa 5.7%, pinakamababa aniya sa kasalaukuyang dekada at ng 2015 GDP growth na 6% noong nakaraang 3rd quarter ng taon.
“While these historically high figures encourage us in the administration, we measure success by other metrics that reflect the quality of life of our citizens.”The Aquino administration continues to do it’s work not for survey results but toward the more tangible benefits of good governance—poverty alleviation, job increase, and economic expansion.” pahayag ni Lacierda.
“Moving forward, we will continue to work toward realizing the dream of every citizen: to have a more peaceful, prosperous, and inclusive Philippines.” dagdag pa ni Lacierda.
(Jerico Albano / UNTV Radio Correspondent)
Tags: Malacañang, Pagbaba, Pangulong Aquino, Satisfaction Rating
Mag-iisang taon na mula nang pasimulan ang Covid-19 vaccination sa Pilipinas, ngunit marami pa rin sa mga kababayan ang ‘di pa nababakunahan ayon kay Acting Presidential Spokesperson at Cabinet Secretary Karlo Nograles, kaya kahit na patuloy ang pagbaba ng Covid-19 cases sa bansa, hindi pa rin maaasahan na magdedeklara ang Duterte administration ng tagumpay kontra pandemiya.
“Mga kababayan, bagamat kapansin-pansin na nakakapagpahinga na tayo kahit papaano, maaga pa rin para magdeklara ng lubos na tagumpay kontra Covid-19,” pahayag ni Acting Presidential Spokesperson at Cabinet Secretary Karlo Nograles.
Muli namang iginiit ng Palasyo na mananatili ang implementasyon ng alert level system sa bansa.
Bago naman magdedeklara ng alert level 1 sa anumang bahagi ng Pilipinas, dapat matiyak na mataas na ang vaccination rate sa area na ito lalo na sa A2 o senior citizens at A3 o immunocompromised individuals.
Sisiguraduhin ding pinaiiral pa rin ang minimum public health standards kahit sa pinakamababang alert level system.
Sa ngayon, moderate risk na sa Covid-19 ang Metro Manila at pinasalamatan ng palasyo ang publiko sa pakikiisa sa pamahalaan upang makamit ito.
Dagdag pa ng opisyal, nagpapakita rin itong epektibo ang mga hakbang ng pamahalaan sa ilalim ng re-calibrated response o mas pinaigting na prevent, detect, isolate, treat, reintegrate at vaccine strategy.
Rosalie Coz | UNTV News
Tags: Covid-19, Karlo Nograles, Malacañang, Pandemic
METRO MANILA – Muling nagpaalala ang Malacañang sa lahat ng mga opisyal at kawani ng gobyerno na umiwas sa pakikilahok sa mga gawain ng mga partido pulitikal ngayong panahon ng eleksyon.
Batay sa inilabas na memorandum ni Executive Secretary Medialdea noong Nobyembre 8, inatasan ang lahat ng mga opisyal at mga empleyado nito na manatili ang political neutrality o walang kinikilingang partido pulitikal sa pamahalaan sa lahat ng oras.
Sakop rito sa nasabing memorandum ang lahat ng mga opisyal at kawani ng Government-Owned or -Controlled Corporations (GOCC), Government Financial Institutions, mga pamantasan at kolehiyong pagmamay-ari ng pamahalaan at ang mga ahensya nito.
Ayon kay Medialdea, nakasaad sa Saligang Batas ng 1987 at sa Batas Pambansa 881 o the Omnibus Election Code na mahigpit na ipinagbabawal sa mga opisyal at mga empleyado ng pamahaalan na lumahok sa anomang gawaing pampulitika.
Sa ilalim ng nasabing kautusan, ang mga opisyal at mga kawani ng Armed Forces of the Philippines (AFP) ay maaaring mapatawan ng kaukulang disiplina na dadaan sa military due process sa ilalim ng Commonwealth Act 408 or the Articles of War.
Binanggit ni Medialdea na sa ilalim ng RA 6713 o the Code of Conduct and Ethical Standards for Public Officials and Employees na mananatiling mandato sa lahat ng opisyal at kawani nito ang makapagbigay ng kaukulang serbisyo anoman ang partidong kinabibilangan.
Ang nasabing pagbabawal sa pangangampanya sa sinomang kandidato o pakikilahok sa anomang gawaing pulitikal ay naaangkop sa lahat mapa-tradisyonal man o sa makabagong media.
(Daniel Dequina | La Verdad Correspondent)
Tags: Malacañang
METRO MANILA – Inilatag ng Malacañang ang timeline para sa dry run ng face-to-face classes sa mga piling paaralan sa mga lugar na itinuturing na Covid-19 low risk areas.
Sa January 11-23, 2021 ipatutupad ang pilot activities na magkatuwang na imomonitor ng DepED at Covid-19 National Task Force.
Bago ito, magsusumite ang Regional Directors kay Education Secretary Leonor Briones ng kanilang nominated schools para sa dry run
December 28 naman pipiliin ng kalihim ang pilot schools. Sa January 4 hanggang 8, 2021, isasagawa ang orientation at kukumpirmahin ang mobilization at pagiging handa ng mga napiling paaralan.
Pagkatapos ng pilot implementation, magsusumite ng ulat ang regional office at magsasagawa ng evaluaton para sa pinal na rekomendasyon ng presidente.
Iginiit ng palasyo na hindi mandatory ang dry run ng physical classes, bagkus ay boluntaryo ang pakikihalok ng mga mag-aaral.
Kailangan din ang permit ng mga magulang sa mga batang nais makalahok dito.
At dapat, aprubado rin ng lokal na pamahalaan ang pagsasagawa ng face-to-face classes.
“Wala pong pilitan, boluntaryo po ito. Kinakailangan mayroong approval ng mga magulang at bukod dito, dapat papayag din po ang lgu. Kung ayaw ng lgu, hindi po natin ipipilit itong pilot face-to-face.” ani Presidential Spokesperson Sec. Harry Roque.
(Rosalie Coz | UNTV News)
Tags: DepEd, Malacañang
