Nangangamba na ang mga poultry farms owner sa San Jose Batangas sa posibleng pagbaba ng presyo ng itlog. Ito ay dahil sa epekto ng bird flu virus outbreak sa San Luis Pampanga.
Ang San Jose Batangas ang tinaguriang “Egg Basket of the Philippines” kung saan nanggagaling ang mahigit sa pitong milyong itlog kada araw mula sa tatlong daan at limampung manukan.
Bunsod nito, puspusan na ang ginagawang hakbang ng mga farm owner upang maiwasan na makapasok sa kanila ang naturang virus.
Mahigpit namang ipinagbabawal ngayon ng Negros Occidental Provincial Veterinary Office ang pagpasok ng mga manok mula sa Luzon. Nais makatiyak ng local officials na hindi makakarating sa lalawigan ang naturang virus.
Naglagay na ng quarantine stations sa mga pantalan at airport na magbabatay upang makatiyak na hindi makakapasok ang mga ito sa lalawigan.
Naglagay na rin ng quarantine stations at checkpoint ang Deparment of Agriculture Region V sa Brgy. Tabugon Sta. Elena, Camarines Norte at Matnog Port sa Sorsogon upang bantayan ang pumapasok na karneng manok.
Dito sasalain ang lahat ng mga kinatay na karne ng manok kung dumaan ito sa proseso ng National Meat Inspection Service.
Ang Region V ang isa sa entry point ng mga kalakal na bumabyahe papuntang Visayas at Mindanao.
(Lalaine Moreno / UNTV Correspondent)
Tags: itlog, manok, San Jose Batangas
METRO MANILA – Walang kakulangan sa supply ng itlog sa bansa ayon kay Senator Cynthia Villar.
Kaya lamang aniya mataas ang presyo nito ay dahil sa artipisyal na shortage na nililikha ng mga trader upang kumita nang malaki.
Katunayan aniya sobra sobra ang supply sa San Jose Batangas na pinanggagalingan ng 30% ng supply ng itlog sa bansa.
Batay sa ulat ng Department of Agriculture, ang medium-sized egg ay dapat may retail price lamang na P7 hanggang P7.50 kada piraso.
P2 mas mababa dapat kumpara sa naiulat na kasalukuyang presyo na P9.60.
Nasa P6.97 lang naman ang farmgate price lamang nito per piece.
Kaugnay nito, inatasan ni Pangulong Ferdinand Marcos Junior si DA Undersecretary Domingo Panganiban na pulungin ang traders at producers upang malaman kung bakit nagtaasan ang presyo ng itlog sa kabila ng sapat na suplay nito sa merkado.
METRO MANILA – Pababa na ng pababa ng purchasing power ng mga Pilipinong mamimili dahil sa pagtaas ng presyo ng mga bilihin.
Bukod kasi sa bigas at sibuyas, isa pa sa karaniwang kasama sa hapag kainan ng mga Pilipino ang itlog na nagmahal na rin.
At kasunod na rin nito ang price increase sa iba pang pagkain na ginagamitan ng itlog gaya ng mga tinapay at silog businesses.
Batay sa pinakahuling price monitoring ng Department of Agriculture (DA) sa ilang malalaking palengke sa Metro Manila, ang dating P5 – P6 na kada piraso ng itlog, ngayon halos P9 na ang kada piraso depende sa sukat.
Ayon kay Gregorio San Diego Chairman ng United Broilers Raisers Association (UBRA), hindi pa masasabi kung hanggang kailan mararamdaman ang mataas presyo sa itlog lalo’t marami ang nagsara na mga nagnenegosyo ng itlog ng manok.
Sa ngayon inaalam pa ng DA kung posibleng magtuloy-tuloy hanggang sa mga susunod na buwan ang pagtaas ng presyo ng itlog dahil sa problema sa suplay.
(Janice Ingente | UNTV News)
Lalagdaan na ng Department of Agriculture (DA) at Department of Trade and Industry (DTI) ang isang kasunduan hinggil sa pagtatakda ng suggested retail price (SRP) sa manok at baboy.
Ayon kay DTI Undersecretary for Consumer Protection Atty. Ruth Castelo, ang naturang hakbang ay alinsunod sa inilabas na Memorandum Order Number 26 ng Malacañang na layong maiayos ang presyo ng ilang aricultural product batay sa farm gate at retail price ng mga ito. Ibabatay ng DA at DTI ang SRP ng manok at baboy, depende sa farm gate price at profit margin.
Batay sa pinahuling monitoring ng DTI, nasa 75 piso ngayon ang farm gate price ng kada kilo ng manok. Kung idaragdag dito ang 50 piso na ipinapatong para sa dressing at traders fee, dapat anila ay nasa 125 piso lamang ang bentahan ng manok sa merkado.
Ang baboy naman na may farm gate price na 130 piso at patong na 70 piso para sa slaughtering at traders fee, dapat ay nasa 200 piso bawat kilo lamang na mabibili ng mga consumer.
Sa oras na maging epektibo ang SRP, pagmumultahin ng DTI at DA ang sinomang negosyante na magsasamantala sa presyo o profiteering.
Subalit hindi naman sang-ayon dito ang ilang mga nagtitinda na nakapanayam ng UNTV News Team.
Ang sinomang mahuhuling negosyante na magsasamantala sa presyo ng manok at baboy ay mahaharap sa reklamong paglabag sa price at Consumer Act. Papatawan ito ng multa mula 1,000 hanggang 2,000 piso ayon sa DTI.
Plano ng DA at DTI na ilabas ang SRP ng manok kada tatlong araw, habang linggo-linggo naman ang sistema para sa presyo ng baboy.
( Joan Nano / UNTV Correspondent )
