Lalagdaan na ng Department of Agriculture (DA) at Department of Trade and Industry (DTI) ang isang kasunduan hinggil sa pagtatakda ng suggested retail price (SRP) sa manok at baboy.
Ayon kay DTI Undersecretary for Consumer Protection Atty. Ruth Castelo, ang naturang hakbang ay alinsunod sa inilabas na Memorandum Order Number 26 ng Malacañang na layong maiayos ang presyo ng ilang aricultural product batay sa farm gate at retail price ng mga ito. Ibabatay ng DA at DTI ang SRP ng manok at baboy, depende sa farm gate price at profit margin.
Batay sa pinahuling monitoring ng DTI, nasa 75 piso ngayon ang farm gate price ng kada kilo ng manok. Kung idaragdag dito ang 50 piso na ipinapatong para sa dressing at traders fee, dapat anila ay nasa 125 piso lamang ang bentahan ng manok sa merkado.
Ang baboy naman na may farm gate price na 130 piso at patong na 70 piso para sa slaughtering at traders fee, dapat ay nasa 200 piso bawat kilo lamang na mabibili ng mga consumer.
Sa oras na maging epektibo ang SRP, pagmumultahin ng DTI at DA ang sinomang negosyante na magsasamantala sa presyo o profiteering.
Subalit hindi naman sang-ayon dito ang ilang mga nagtitinda na nakapanayam ng UNTV News Team.
Ang sinomang mahuhuling negosyante na magsasamantala sa presyo ng manok at baboy ay mahaharap sa reklamong paglabag sa price at Consumer Act. Papatawan ito ng multa mula 1,000 hanggang 2,000 piso ayon sa DTI.
Plano ng DA at DTI na ilabas ang SRP ng manok kada tatlong araw, habang linggo-linggo naman ang sistema para sa presyo ng baboy.
( Joan Nano / UNTV Correspondent )
METRO MANILA – Aprubado na ng Department of Trade and Industry (DTI) ang taas presyo ng ilan sa mga brand ng pangunahing bilihin tulad ng sardinas, gatas at sabon.
Inaprubahan na kamakalawa ng kagawaran ang pagtaas presyo ng syam na pangunahing bilihin na may Suggested Retail Price (SRP), bukod dito, 45 produkto pa ang nagbabadyang magtaas-presyo.
Ayon sa DTI, pinag-aaralan pa nila ito at may ilang dokumento pa na kailangan tingnan kaya hindi pa nila maaprubahan ang inilalapit nitong price adjustment.
METRO MANILA – Nilinaw ngayon ng Department of Agriculture (DA) na wala silang planong magtakda ng Suggested Retail Price (SRP) sa bigas.
Sa isang pahayag sinabi ni Agriculture Secretary Francisco Tiu Laurel Junior na hindi nila ito gagawin.
Paliwanag ng kalihim, hindi stable o pabago-bago ang presyo ng agriculutural products sa international market dahil sa epekto ng El nino.
Dahil dito hindi nila inirerekomenda ang pag-control sa presyo ng mga ito.
Sa naunang pahayag ng isang opisyal ng DA, sinabi nito na may konsultasyon nang ginagawa ang ahensya hinggil sa posibleng pagtatakda ng SRP sa bigas.
Pero ayon kay Secretary Laurel isa lamang ito sa mga early proposals, batay na rin sa mga remedyong nakasaad sa ilalim ng price act.
METRO MANILA – Nagbabadyang magtaas ng presyo ngayong taon ang mga manufacturers sa ilang grocery items tulad ng sardinas, gatas, kape, instant noodles , bottled water at iba pang canned goods.
Ngunit ayon kay Philippine Amalgamated Supermarkets Association President Steven Cua wala pa naman ibinababa ang mga manufacturer sa mga supermarkets na listahan ng kanilang mga produkto na nagbabadyang magtaas ang presyo.
Aniya magpupulong muna ang mga manufacturers sa January 24, 2024 sa hirit nilang taas presyo sa ilang grocery items.
Ayon naman sa Department of Trade and Industry, hindi pa aprubado ng kagawaran ang hiling na taas presyo ng mga manufacturer dahil marami pang paguusapan tungkol dito
Sinabi pa ng dti na kung magkakaroon man ng taas presyo sa ilang mga grocery item ngayong 2024 titiyakin nila na mas mababa ito kumpara sa pagtaas noong mga nakaraang taon.
Payo naman ni Cua sa mga mamimili na piliin nalang ang mas murang brand para makatipid.
Tags: DTI, Grocery Items, SRP
