Gobyerno sa gobyerno na ang mag-uusap sa susunod na linggo sa isasagawang bidding ng aangkating bigas ng bansa.
Ayon kay Agriculture Secretary Manny Piñol, ayaw na nilang maulit pa ang pagkaubos ng imbak na bigas ng National Food Authority (NFA).
Noong nakaraang linggo, isinagawa ng NFA ang bidding para sa 250 thousand metric tons o 5 milyong sako ng bigas sa pamamagitan ng government to private procurement.
Subalit 43 thousand metric tons lamang ang naigawad dahil hindi matapatan ng ibang bidder ang halaga na alok ng NFA.
Sa susunod na linggo ay magsasagawa uli ng bidding subalit government to government na ang gagamiting mode of procurement.
Ibig sabihin ay Gobyerno na ng Pilipinas at ang gobyerno ng ibang bansa gaya ng Thailand at Vietnam ang magsasagawa ng transaksyon para mapabilis ang pag-aangkat sa natitirang 203 thousand metric tons ng bigas.
Pero agad na isusunod ang pag-aangkat din ng 500 thousand metric tons o 10 milyong sako ng bigas mula sa mga pribadong bidder.
Nasa 8 libong metriko tonelada na o 160 libong sako ng palay ang nabibili ng NFA sa mga lokal na magsasaka.
Ayon sa kalihim, inaasahang makaka 30 libong metriko tonelada sila na mabibiling palay bago matapos ang 2018.
Samantala, magkakaroon narin ng P38 kada kilo ng commercial rice sa merkado kapag nailunsad na ang “presyong resonable dapat”.
Maglalaan ng 350 thousand metric tons na bigas ang DTI, DA at NFA para makabili ng mga consumer ng bigas sa halagang P38 lamang kada kilo.
Bukod pa ito sa pagtatakda ng suggested retail price (SRP) ng bigas na ilulunsad naman sa Sabado.
( Rey Pelayo / UNTV Correspondent )
Tags: bigas, NFA, Sec. Piñol
METRO MANILA – Tiniyak ng National Food Authority (NFA) na sapat ang supply na bigas para sa La Niña.
Sa ulat ng NFA, triple ang dami ng rice buffer stock sa pamamagitan ng bagong pricing scheme.
Ayon kay NFA Administrator Larry Lacson, nasa 2.8-M sako ng palay ang nasa bodega ng NFA at na nasa mataas na buying price range na P17 – P23 kada kilo ng sariwa o basang palay at mula P23 – P30 naman ang kada kilo ng malinis at tuyong palay.
Dagdag pa ni Lacson, sapat naman aniya ang stock na bigas mula sa 126,000 metric tons ng milled rice at patuloy pa itong nadaragdaga upang masiguro ang 300,000 metric tons na rice buffer stock na target ng ahensya para sa nagbabantang La Niña phenomenon.
Nakikipagugnayan naman ang NFA sa Department of Agriculture (DA), gayon din sa PhilMech, pribadong sektor at mga non-profit organization para makakuha ng mga drying facility para sa wet harvest season.
METRO MANILA – Inanunsyo ng Malacañang kahapon (April 16) na maaari ng makabili ang mga residente ng Metro Manila ng P39/kg. na bigas sa mga Kadiwa ng Pangulo (KNP) stores sa mga piling syudad sa National Capital Region (NCR).
Ayon kay Presidential Communications Secretary Cheloy Gerafil, hindi lang murang bigas ang mabibili sa KNP stores, mayroon ding mga prutas at gulay.
Ngayong araw (April 17), bukas ang KNP stalls sa employees park sa Taguig City hall, people’s park along McArthur highway sa Malinta, Valenzuela City; at Manila City hall inner court.
Maaari namang bisitahin ang official Facebook page ng Department of Agriculture (DA) para sa iba pang schedule at venue ng KNP stores.
Tags: bigas, DA, KNP Stores
METRO MANILA – Binawi na ni Pangulong Ferdinand Marcos Jr. ang itinakdang price ceiling sa bigas.
Ayon sa pangulo, napapanahon na para alisin ito dahil sapat na ang supply ng bigas sa bansa at inaasahang madaragdagan pa ito bunsod na rin ng harvest season.
Tiniyak naman ng pangulo na magpapatuloy ang tulong ng pamahalaan sa mga mahihirap na pamilya at sa mga magsasaka.
“Well I think it’s appropriate time since namimigay tayo ng mga bigas yes as of today we are lifting the price caps on the rice, both for regular milled for well milled, so tinatanggal na natin ang control” ani Pres. Ferdinand Marcos Jr.
