Target ng National Housing Authority o NHA na matapos sa darating na Disyembre ang ipinagawang permanenteng tirahan para sa mga biktima ng bagyong Yolanda na aabot sa 74,000.
Ayon kay Atty Chito Cruz, General Manager ng National Housing Authority, Sa kasalukuyan ay mayroon nang 14,000 na mga pabahay ang naipatayo na sa Tacloban City.
Samantala, kasalukuyan na ginagawa rin ang mga pabahay para sa mga naulilang pamilya ng SAF44, depende sa pangangailangan ng mga pamilya at kung saan nila nais tumira.
Ayon kay Atty Cruz, P190,000 ang inilaang budget ng NHA sa bawat pamilyang may sariling lote at P300,000 naman ang budget sa bawat pamilyang wala pang lupa.(Joms Malulan/UNTV Radio)
Tags: National Housing Authority, NHA, SAF 44, Yolanda
METRO MANILA – Inatasan ni Pangulong Ferdinand Marcos Junior ang mga kinauukulang ahensya na patuloy na tutukan ang tulong na ibinibigay ng pamahalaan sa Yolanda survivors.
Kabilang na rito ang housing units o pabahay sa mga naapektuhan ng Super Typhoon Yolanda.
Nagbigay ng direktiba kahapon ang pangulo sa Department of Human Settlements and Urban Development (DHSUD) at National Housing Authority (NHA) na palakasin ang pagkakaloob ng mga yunit ng pabahay.
Sinabi rin ng punong ehekutibo na ang trabaho ay hindi pa tapos, lalo na’t marami pa ring mga biktima ng Yolanda ang naghihintay ng tulong mula sa gobyerno.
Bilang bahagi pa ng paggunita sa 10th anniversary ng Super Typhoon Yolanda, dinaluhan ng pangulo ang ‘2023 Handa Pilipinas Visayas Leg Opening Ceremony.’
Isa itong taunang exposition ng mga inobasyon sa Disaster Risk Reduction and Management.
Tags: NHA, pabahay, PBBM, yolanda victim
METRO MANILA – Tiniyak ni Pangulong Ferdinand Bongbong Marcos Junior ang tulong para sa mga napinsala ang bahay dahil sa bagyong Egay.
Ayon sa pangulo, may emergency support ang Department of Human Settlements and Urban Development (DHSUD) at National Housing Authority (NHA) para sa mga biktima na tuluyan nang nasira ang kanilang mga bahay.
May tulong din aniya para doon sa mga partially damaged ang kanilang mga tahanan.
Mamimigay din aniya ang pamahalaan ng construction materials at pabi-bilisin ang rehabilitation efforts upang makabalik na sa kanilang mga tahanan ang mga nasa evacuation centers.
METRO MANILA – Nais ni Pangulong Ferdinand Marcos Jr. na magkaroon rin ng maaayos na pagkakakitaan ang mga pamilya na nabigyan ng pabahay ng National Housing Authority.
Kaya naman nanawagan siya ng tulong sa mga lokal na pamahalaan at maging sa mga pribadong sektor para mabigyan sila ng hanapbuhay.
Pangkaraniwan kasing reklamo ng mga nakakakuha ng murang pabahay ng gobyerno ay malayo sa pinagta-trabahuhan o kaya naman ay malayo sa kabihasnan.
Kaya naman gusto ni PBBM na ang human settlement area ay malapit sa pinagtatrabahuhan at may mga pamilihan.
Ikinokonsidera rin aniya ng kaniyang administrasyon ang pagtatayo ng high-rise housing units upang masolusyunan ang kakulangan ng mga pabahay.
Pinangunahan kahapon (December 6) ni Pangulong Marcos Jr. ang turnover ng housing units mula sa National Housing Authority sa Naic Cavite.
Ang bawat unit ay may sukat na 26-square meter at may 1 kwarto. Ito ay nagkakahalaga ng P558,770.00
Ang mga beneficiaries ay magbabayad ng P600 sa unang 5 taon.
Itataas ang monthly amortization kada 5 taon at inaasahang mapasasakanila na ito matapos ang 30 taon.
Target ng pamahalaan na makapagtayo ng 1-M pabahay kada taon sa loob ng 6 na taon.
(Nel Maribojoc | UNTV News)
