METRO MANILA – Tiniyak ng National Food Authority (NFA) na sapat ang supply na bigas para sa La Niña.
Sa ulat ng NFA, triple ang dami ng rice buffer stock sa pamamagitan ng bagong pricing scheme.
Ayon kay NFA Administrator Larry Lacson, nasa 2.8-M sako ng palay ang nasa bodega ng NFA at na nasa mataas na buying price range na P17 – P23 kada kilo ng sariwa o basang palay at mula P23 – P30 naman ang kada kilo ng malinis at tuyong palay.
Dagdag pa ni Lacson, sapat naman aniya ang stock na bigas mula sa 126,000 metric tons ng milled rice at patuloy pa itong nadaragdaga upang masiguro ang 300,000 metric tons na rice buffer stock na target ng ahensya para sa nagbabantang La Niña phenomenon.
Nakikipagugnayan naman ang NFA sa Department of Agriculture (DA), gayon din sa PhilMech, pribadong sektor at mga non-profit organization para makakuha ng mga drying facility para sa wet harvest season.
METRO MANILA – May nakikitang magandang solusyon ang pamahalaan upang
mapababa ang presyo ng bigas.
Ayon kay Pangulong Ferdinand Marcos Junior batay na rin sa pag-uusap ng 2 kapulungan ng Kongreso, kung mas magiging malaki ang papel ng gobyerno sa importasyon ng bigas, posibleng mapababa nito ang halaga ng bigas sa merkado.
Binigyang diin ni PBBM, na ise-certify niya bilang urgent bill ang panukalang amiyenda sa Rice Tariffication Law.
Tags: rice
METRO MANILA – Aabot sa P29 per kilo ng bigas ang maaaring ibenta ng National Irrigation Administration (NIA) pagdating Agosto sa kadiwa centers ng ahensya.
Ayon kay NIA Administrator Eduardo Guillen, ibebenta ang bigas sa Metro Manila, Cebu at Davao.
Kada pamilya ay maaaring makabili ng hanggang 10 kilong bigas sa mga Kadiwa Center.
“Sa NIA naman mayroon din kaming project na malaki ngayon – iyong ating contract farming ano po and iyon, ganoon din ang ating ano. In fact, ang aming estimate diyan, mga nasa 29 pesos puwede na kaming magbenta, by August naman kami; and we have around 100 million kilos of rice na projected na ma-produce po natin by August.” ani National Irrigation Administration (NIA) Administrator Eduardo Guillen
METRO MANILA – Nilinaw ngayon ng Department of Agriculture (DA) na wala silang planong magtakda ng Suggested Retail Price (SRP) sa bigas.
Sa isang pahayag sinabi ni Agriculture Secretary Francisco Tiu Laurel Junior na hindi nila ito gagawin.
Paliwanag ng kalihim, hindi stable o pabago-bago ang presyo ng agriculutural products sa international market dahil sa epekto ng El nino.
Dahil dito hindi nila inirerekomenda ang pag-control sa presyo ng mga ito.
Sa naunang pahayag ng isang opisyal ng DA, sinabi nito na may konsultasyon nang ginagawa ang ahensya hinggil sa posibleng pagtatakda ng SRP sa bigas.
Pero ayon kay Secretary Laurel isa lamang ito sa mga early proposals, batay na rin sa mga remedyong nakasaad sa ilalim ng price act.
