Dalawang supermarket na may dalawampu’t dalawang branches sa Negros Occidental ang bibigyan ng National Food Authority (NFA) ng accreditation upang makapagbenta ng NFA rice.
Simula sa susunod na linggo ay maaari nang makabili ang ating mga kababayan sa mga ito ng mura ngunit de kalidad na bigas, maliban sa mga accredited NFA rice retailer sa mga palengke.
Ayon sa NFA, hinihintay lamang nila ang mga kaukulang dokumento na isusumite ng mga ito upang mabigyan ng accreditation.
Matatandaan na noong nakaraang buwan, isang memorandum of agreement ang nilagdaan ng Department of Trade and Industry (DTI) at Philippine Amalgamated Supermarkets Association ukol sa pagbebenta ng NFA rice sa ilang supermarket sa bansa.
Sa pamamagitan nito, mas madali nang makakabili ng murang bigas ang mga mahihirap nating mga kababayan.
Ayon pa sa NFA, kailangan sumunod pa rin sa Suggested Retail Price (SRP) ang mga supermarkets na P27 per kilo. Apat na kilo lang din ang maaring ibenta sa bawat consumer kada araw.
Samantala, ayon sa NFA ay tumatanggap na sila ng mga ibinebentang palay ng mga local farmers.
Mula sa dating 17 peso na buying price, itinaas na ito sa P20 kada kilo kasama ang buffer stocking incentive, drying incentive at delivery incentive at cooperative development.
Kailangan lang magpa-accredit sa NFA at magpasa ng requirement ang mga magsasaka upang makapagbenta sa kanila ng palay.
( Lalaine Moreno / UNTV Correspondent )
Tags: DTI, Negros Occidental, NFA
METRO MANILA – Tiniyak ng National Food Authority (NFA) na sapat ang supply na bigas para sa La Niña.
Sa ulat ng NFA, triple ang dami ng rice buffer stock sa pamamagitan ng bagong pricing scheme.
Ayon kay NFA Administrator Larry Lacson, nasa 2.8-M sako ng palay ang nasa bodega ng NFA at na nasa mataas na buying price range na P17 – P23 kada kilo ng sariwa o basang palay at mula P23 – P30 naman ang kada kilo ng malinis at tuyong palay.
Dagdag pa ni Lacson, sapat naman aniya ang stock na bigas mula sa 126,000 metric tons ng milled rice at patuloy pa itong nadaragdaga upang masiguro ang 300,000 metric tons na rice buffer stock na target ng ahensya para sa nagbabantang La Niña phenomenon.
Nakikipagugnayan naman ang NFA sa Department of Agriculture (DA), gayon din sa PhilMech, pribadong sektor at mga non-profit organization para makakuha ng mga drying facility para sa wet harvest season.
METRO MANILA – Nalagpasan ng Pilipinas sa kauna-unahang pagkakataon ang $100-B exports noong 2023.
Ayon sa export marketing bureau ng Department of Trade and Industry (DTI), ang full-year total exports ng bansa sa goods at services ay umabot sa $103.6-B noong nakaraang taon.
4.8 percent na mas mataas kumpara noong 2022.
Ayon sa DTI, ang paglago ng export ng Pilipinas ay dahil sa paglakas ng performance ng Information Technology at Business Process Management (IT-BPM) sectors.
Dagdag pa rito ang pagtaas ng kita mula sa turismo.
Tags: DTI
METRO MANILA – Ipapatupad na sa Lunes ang pinalawak na price cap sa mga basic necessities at prime commodities.
Ito ay matapos pirmahan ng Department of Trade and Industry (DTI) at Department of Agriculture (DA) ang joint administrative order para sa 5% discount ng mga Senior Citizens at Persons With Disability (PWD).
Kung saan mas malaki na ang kanilang matitipid sa mga produkto na kanilang bibilhin.
Ayon sa (DTI), mga local na produkto ang karamihang pasok sa diskwento at aplikable na rin ang 5% discount sa pagbili online.
Nilinaw naman ng DA na hindi kasama sa diskwento ang mga Kadiwa store, mga barangay micro business at mga kooperatiba na naka rehistro sa Cooperative Development Authority.
