Libo-libong pasahero ang dumagsa ngayong araw sa Araneta Bus Terminal pauwi sa kanilang probinsiya. Ilan sa kanila ang hindi nakapag-book ng maaga at sumusubok na makabili ng ticket sa terminal.

Naantala naman ang pagdating ng ilang bus kagabi kung kaya’t stranded ang ilang pasahero. Kanina lang nakaalis ang mga ito pauwi sa kanilang probinsya.

Ayon kay Araneta Bus Center Manager Mon Legaspi, patuloy namang nagpapatupad ng mahigpit na seguridad sa buong terminal.

Isang senior citizen naman ang nagrereklamo dahil wala umanong priority lane para sa mga matatanda sa naturang bus terminal.

Pero ayon sa pamunuan ng Araneta bus station, binibigyang daan nila ang mga senior citizen.

( Rajel Adora / UNTV Correspondent )

Tags: Araneta bus terminal, dagsa, pasahero