2 driver na nagpakita ng kabutihan sa kanilang pasahero, pinarangalan ng LTFRB

by Radyo La Verdad | July 2, 2018 (Monday) | 4253

 

Binigyan ng parangal ng Land Transportation Franchising And Regulatory Board (LTFRB) ang isang taxi at Grab driver kaninang umaga.

Ayon kay LTFRB Executive Director Attorney Samuel Jardin, importante raw na makilala sila at ipakita ito sa publiko para matanggal ang masamang reputasyon ng mga transport drivers na nag-aabuso.

Ipinaliwanag rin niya na ang mga transport drivers ay totoong tao, matulungin at may puso. Nagbigay sila ng certificate award kay Rex Mabini isang taxi driver na nagbalik ng pera na may halagang sampung libong piso, atm cards at credit cards.

Nagbigay rin sila ng certificate award sa isang Grab driver na si Arnel Oyardo Lunar na nakatulong din sa isang babaeng inatake sa puso at dinala niya sa hospital.

Sinabi rin ng dalawa na mas importante na maging matulungin at gumagawa ng mabuti para sa kapwa tao.

 

( Charlie Barredo / UNTV Correspondent )

Tags: , ,