METRO MANILA – Maaaring magpatupad ng modular distance learning ang mga paaralan sa gitna ng nararanasang matinding init ng panahon sa bansa.
Ayon kay Department of Education Spokesperson Michael Poa, responsibilidad ng mga public at private schools na suspindihin ang face-to-face classes at lumipat sa alternative delivery modes sa oras na napakataas ng temperatura na maaaring makaapekto sa pag-aaral sa silid-aralan.
Prayoridad din aniya ng kagawaran ang kalusugan at kaligtasan ng mga mag-aaral
Nakasaad ito sa DepEd Order No. 37 S. of 2022 o ang batayan ng mga paaralan sa pagkakansela ng klase.
Isang halimbawa ang ginawang aksyon ng lokal na pamahalaan ng Cabuyao City sa Laguna nang suspendihin ang klase sa gulod National High School extension.
Ito’y matapos maospital ang nasa 80 estudyante matapos mabilad sa araw dahil sa isinagawang fire at earthquake drill.
Una rito hiniling ng iba’t ibang grupo na maibalik na ang lumang school calendar ng mga paaralan.
Karamihan umano sa mga pampublikong paaralan ay hindi nakahanda para maibsan ang matinding init ng panahon.
Base sa forecast ng PAGASA, posibleng makaranas pa ng mas mataas na heat index ang maraming lugar sa bansa sa mga susunod na araw.
Kaya paalala ng kagawaran ang palagiang pag-inom ng tubig upang makaiwas sa sakit gaya ng heat exhaustion o heat stroke.
(Bernadette Tinoy | UNTV News)
Tags: DepEd, Heat index, Modular
METRO MANILA – Posibleng makaranas ng danger level ng heat index ngayong araw ang 41 mga lugar sa bansa.
Batay sa forecast ng PAGASA, makararanas ng 47 degrees celsius na heat index ngayong araw ang Dagupan City sa Pangasinan.
46 degrees celsius sa Virac Catanduanes at Pili, Camarines Sur. 45 degrees celsius sa Roxas City, Masbate; Catarman, Northern Samar, Guiuan, Eastern Samar, Butuan City at Agusan Del Norte.
Habang 44 degrees celsius na heat index naman ang posibleng maramdaman sa Laoag City, Ilocos Norte, Bacnotan la union, San Jose, Occidental Mindoro, Puerto Princesa City, Palawan, Cuyo, Palawan, Legazpi City Albay, Masbate City at Iloilo City.
Samantala, 43 degrees celsius ang heat index sa NAIA Pasay City, Aparri Cagayan, Echague Isabela, Baler Aurora, Casiguran aurora, aborlan palawan, dumanga iloilo, Dipolog Zamboanga Del Norte at Zamboanga City.
42 degrees celsius naman sa science Garden Quezon City, Tuguegarao City Cagayan, Iba Zambales, Clark Airport Pampanga, CLSU Munoz Nueva Ecija, Subic Bay Olongapo City, Sangley Point Cavite, Ambulong Tanauan Batangas, Daet Camarines Norte, La Carlota Negros Occidental, Catbalogan Samar, Tacloban City Leyte, Guiuan Eastern Samar, Davao City Davao Del Sur, Cotabato City Maguindanao at Surigao Del Norte.
Ang lahat ay pinapayuhan na gawin ang ibayong pag-iingat upang makaiwas sa mga sakit na maaaring dulot ng matinding init ng panahon.
Tags: Heat index
METRO MANILA – Muling pinag-iingat ng Department of Education (DepEd) ang publiko laban sa kumakalat na pekeng post tungkol sa umano’y cash assistance na ibibigay sa mga graduating student.
Sa isang mensahe nilinaw ni DepEd Undersecretary Michael Poa, na walang ganitong programa ang ahensya at pinayuhan ang mga magulang at estudyante na huwag magbibigay ng anomang personal na impormasyon sa mga ganitong klase ng post.
Nakasaad sa fake advisory na makatatanggap umano ng P8, 000 na cash aid ang mga graduating student mula elementary hanggang college level.
Ayon sa DepEd hindi dapat paniwalaan ang naturang post, at pinaalalalahanan ang mga magulang na mag-ingat upang hindi makompromiso ang kaligtasan at kapakanan ng kanilang mga anak.
Tags: DepEd, Fake Cash Assistance
METRO MANILA – Hinimok ng Department of Education (DepEd) ang mga pampublikong paaralan sa bansa na isagawa ang kanilang end-of-school-year (EOSY) rites sa loob ng mga gusali o indoors.
Ayon sa kagawaran, nakatakdang ganapin ang mga EOSY rites mula Mayo 29 hanggang 31 ngayong taon, at itinakda na gawin ito sa loob ng mga gusali o sa mga lugar na may sapat na bentilasyon at malayo sa sikat ng araw.
Pinapaiwas din ng DepEd ang mga paaralan nai-iskedyul ang kanilang EOSY rites sa oras ng araw kung saan ang temperatura ay nasa pinakamataas na lebel.
