Normal na senaryo na tuwing magsasagawa ng State of the Nation Address ng mga nagdaang pangulo ng bansa ang mga kilos protesta.
Batuhan, tulakan, sigawan at sari-saring kaguluhan sa labas ng Batasang Pambansa ang makikita tuwing SONA ng Pangulo.
Bawat grupo ay may bitbit na mga bandila at placards.
Sa madalas na pagkakataon, isinasara sa mga motorista ang isang bahagi ng Commonwealth Avenue upang ilaan sa mga protester subalit may hangganan ang lugar ng demonstrasyon dahil naglalagay ng barikada ang mga pulis.
Isa sa highlight ng protesta ang pagsusunog ng effigy ng naka-upong pangulo.
Bukod sa pagsusunog ng effigy, hindi mawawala ang ibat ibang programa ng mga militanteng grupo upang maiparating ang kanilang mga hinaing.
Subalit sa taong ito, kakaiba ang mangyayari dahil sa halip na kilos protesta, kilos suporta ang inihanda ng mga militanteng grupo.
Sa nakalipas na labing limang taon, ito ang unang pagkakataon na hindi gumawa ng effigy ang grupong bayan
Kung dati rati ay mga placards, bandila at naglalakihang effigy ang pinagkaka abalahang gawin ng mga artist na ito kapag malapit na ang SONA, ngayon ay mga paintings na nagpapakita ng pagasa at mga kahilingan para sa kasalukuyang administrasyon ang ginagawa sa main office ng bayan.
Bawat painting ay may kanya kanyang simbolo at ipaparada ito ng mga militantanteng grupo sa mismong araw ng SONA.
Samantala, maging ang ilang mga transport group na madalas laman ng lansangan kapag SONA, pahinga muna ngayong taon.
Umaasa ang mga militanteng grupo na magkakaroon ng katuparan ang kanilang mga hinaing sa administrasyon ni Pangulong Rodrigo Duterte.
(Mon Jocson/UNTV Radio)
Tags: kilos suporta, SONA
METRO MANILA – Ngayong araw na ang kauna-unahang ulat sa bayan ni Pangulong Ferdinand Bongbong Marcos Junior, eksaktong 25 araw matapos ang kanyang inagurasyon bilang ika-17 pangulo ng Republika ng Pilipinas.
Ayon kay Attorney Vic Rodriguez, ang Executive Secretary ni Pangulong Bongbong, si PBBM mismo ang nagsulat ng magiging talumpati nya mamayang hapon.
Inaasahang sesentro ang talumpati ng pangulo ang mga plano ng kanyang administrasyon sa ekonomiya ng bansa, ang pagbangon mula sa epekto ng pandemya, pagtaas ng presyo ng mga bilihin maging ng langis, at ang napipintong krisis sa pagkain.
Asahan ding sa pinaghalong wikang Filipino at Ingles ang talumpati ng presidente.
Ang araw ng SONA ni Pangulong Marcos Junior ay sya ring araw ng pormal na pagbubukas ng ika-19 na Kongreso ng bansa.
Si Marcos Junior ay naging pangulo ng Pilipinas, 36 na taon matapos ang termino ng kanyang ama bilang presidente ng bansa, na sya namang ika-10 punong ehekutibo ng mamamayang Pilipino.
Tags: SONA
METRO MANILA – Walumpung porsyento (80%) na ng mga inimbitahan sa unang ulat sa bayan ni Pangulong Ferdinand Bongbong Marcos Junior ang nagbigay na ng kumpirmasyon, na sila ay dadalo nang pisikal sa State of the Nation Address (SONA).
Ayon kay House of Representatives Secretary General Mark Llandro Mendoza, kabilang doon ang mga dating pangulo ng Pilipinas na sina Joseph Estrada at Gloria Macapagal-Arroyo.
Nagpasya na ang pamunuan ng Batasang Pambansa na gawing face-to-face ang SONA ng Pangulong Ferdinand Marcos Jr. sa Lunes, June 25.
Mahigit 1,000 ang inimbitahan ng House of Representatives.
Kinabibilangan ang mga ito ng mga dating presidente ng bansa, diplomatic cor, mga miyembro ng gabinete ng pangulo, mga gobernador at mga justices.
Magiging gaya ng naging seremonya ng kanyang inauguration ang SONA ni Pangulong Bongbong sa Lunes.
Mahigit ang ipatutupad sa security at health protocols sa loob ng plenary hall ng HOR.
Ang mga hindi makadarating nang pisikal ay maaaring dumalo online.
Pinaplano na rin na isagawa ang mga sesyon sa House of Representatives nang face-to-face na rin.
METRO MANILA – Target ng PNP ang zero casualties at zero incidents sa State of the Nation Address (SONA) ni Pang. Rodrigo Duterte sa July 26.
Ayon kay PNP Chief PGen. Guillermo Eleazar, itataas nya sa full alert ang NCRPO para sa huling SONA ng Pangulo.
“Tiwala ako sa kakayahan ni QCPD Director PBGen. Tony Yarra at NCRPO Director PMGen. Vic Danao Jr., sa pagsasagawa ng paghahanda at kinakailangan adjustments upang hindi mabigyan ng pagkakataon ang mga taong nagpa plano ng pananabotahe at kaguluhan sa araw ng SONA” ani PNP Chief, Pgen. Guillermo Eleazar.
Nanawagan din si Eleazar sa mga militante na gawin na lamang virtual ang kanilang aktibidad dahil sa banta ng COVID 19 delta variant.
“Naging tahimik at maayos ang mga nakalipas na sona ng pangulo, ito ang magsisilbing template ng inyong kapulisan kabilang ang maayos na pakikipag usap sa lahat ng mga grupo “ ani PNP Chief, PGen. Guillermo Eleazar.
Matatandaang, nakapagtala ng zero incident at zero casualties ang sona ng Pangulo noong 2016 at 2017 kung saan sya ang Task Group Quezon commander.
Sinimulan din ni Eleazar ang pakikipagpulong sa mga militant leaders.
Noong SONA 2018 at 2019 siya naman ang NCRPO director at hepe ng security task force SONA.
At noong 2020, si Gen. Eleazar naman ang commander ng Joint Task Force Corona Virus shield.
(Lea YLagan | UNTV News)
