Sa kabila ng matinding buhos ng ulan, nagmartsa patungong patungong Chinese Consulate sa Makati City at US Embassy sa Maynila ang ilang militanteng grupo.
Galit ang mga ito sa ginawang pagkuha umano ng Chinese coast guard sa huli ng mga pilipinong mangingisda sa Scarborough Shoal.
Hindi rin tanggap ng mga ito ang tila pagbabalewala ng Malacañang sa isyu na noodles at tubig ang ipinapalit ng Chinese coast guard sa mga isdang kinukuha nito sa mga mangingisda.
Pero sinabi na ng Malacañang na gumagawa na ng hakbang ang pamahalaan upang hindi na maulit ang insidente. Ang mga militanteng grupo, may pakiusap naman sa tagapagsalita ng palasyo.
Bagama’t ipinagdiriwang ngayong araw ang Araw ng Kasarinlan ng bansa, pero para sa mga militante hindi maituturing na tunay na malaya ang bansa at patunay dito ang patuloy na territorial dispute sa West Philippine Sea (WPS) kung saan nasasagkaan ang karapatan ng Pilipinas sa mga likas na yaman sa naturang lugar.
( Mai Bermudez / UNTV Correspondent )
METRO MANILA – Tiniyak ni Pangulong Ferdinand Marcos Junior na tutugunan ng kaniyang administrasyon ang mga problema ng kagutuman at kahirapan sa pagdiriwang ng ika-125 na anibersaryo ng kalayaan ng Pilipinas.
Ayon kay Pangulong Marcos Junior, aayusin ng pamahalaan ang mga polisiya upang maalis ang mga kinakaharap na problema ng Pilipino.
Hinamon rin ng punong ehekutibo ang bawat mamamayan na tanggalin ang mga naturang suliranin na humahadlang sa pag-unlad ng isang indibidwal.
Binigyang-diin ng pangulo na hindi dapat maging sunud-sunuran ang bansa sa anumang impluwensya sa labas ng Pilipinas.
Pinangunahan ng pangulo, First Lady Liza Araneta Marcos at 3 nilang anak ang pagtataas ng watawat sa Luneta park bilang bahagi ng Independence Day Celebration. Nag-alay rin ng bulaklak si Pangulong Marcos sa bantayog ng bayaning si Doktor Jose Rizal.
Tags: Independence Day, PBBM
MANILA, Philippines – Ipagdiwang kahapon (June 12) ang araw ng kasarinlan ng Pilipinas sa pangatlong pagkakataon sa ilalim ng termino ni Pangulong Rodrigo Duterte.
At sa kaniyang mensahe para sa ika-121 anibersaryo ng proklamasyon ng kalayaan ng bansa, nanawagan ang punong ehekutibo sa sambayanang Pilipino na isulong ang pagkakaroon ng tunay na malayang Pilipinas.
Kinilala rin ng punong ehekutibo ang pagsusumikap at kagitingan ng mga Pilipinong makabayan, bayani at mga martir upang makamit ang tinatamasa nating kalayaan.
Subalit ayon sa Pangulo, kailangang manindigan ang bawat mamamayan upang matiyak na hindi mapapasawalang kabuluhan ang sakripisyo ng ating mga ninuno.
Sa pamamagitan nito, makakamit natin aniya sa ating panahon ang pinapangarap na tunay na malayang bansa kung saan tinatamasa ng mga mamamayan ang tiwasay, matatag at maunlad na pamumuhay.
Sa kampo ng militar partikular na sa 6th Infantry battalion headquarters sa Barangay Matling, Malabang, lanao del Sur pinili ng punong ehekutibong gunitain ang 121st Independence Day kahapon (June 12).
“We are at a crucial juncture in our nation’s history, and we need to learn from the lessons of our past if we are to [ensure] that these threats do not cause any more harm to the present and future generations of Filipinos. Let us all work together so we may preserve this gift of liberty that all our children deserve to inherit.” ani Pangulong Rodrigo Duterte.
Samantala, sa kaniyang Independence Day message, sinabi naman ni Vice President Leni Robredo na dapat ay paghugutan natin ng lakas ang araw na ito upang harapin ang mga hamon na hinaharap at mapukaw ang isang malalim na pagmamahal sa bayan at maging paalala sa bawat isa kung ano ang kayang marating ng pagtutulungan ng sambayanan.
“Sa paggunita natin ngayon ng ating kasarinlan, sana ay balikan natin kung paano, bilang isang lahi, ay pinili nating sundin ang sarili nating landas, magtayo ng sarili nating gobierno at magtatag ng sariling estado.” ani Vice President Leni Robredo
“Ito ang pinaglaban ng mga nauna sa atin at ito na rin ang tungkuling iniiwan sa atin upang gampanan ang masigurong nabubuhay tayo sa isang Pilipinas kung saan umaangat ang bawat isnag mamamayan.”
Samantala, ayon naman kay House Speaker Gloria Arroyo mula sa paglaban para makamit ang kalayaan sa mga mananakop, ang paglaban naman para makamit ang kalayaan sa kahirapan ang kinakaharap namang ngayon ng bansa.
(Rosalie Coz | Untv News)
Manila, Philippines – Nakatakdang magsagawa ng kilos protesta ang Bagong Alyansang Makabayan o Bayan sa Biyernes, Mayo 17 upang kwestyunin ang resulta ng 2019 midterm elections.
Tinuligsa ni Renato Reyes, secretary-general ng Grupong Bayan ang naging pahayag kahapon ni Presidential Spokesperson Salvador Panelo na dahil sa “Duterte magic” kaya karamihan ng mga ininderso ni Pangulong Rodrigo Duterte sa pagka-senador ay tumungtong sa top 12 ng partial, unofficial results ng halalan. Dahil dito, hindi aniya maituturing na katiwa-tiwala ang election result.
Ayon kay Reyes, kabilang sa tinawag na “Duterte magic” ang umano’y paggamit ng government resources upang paboran ang administration bets, pagtarget at panghaharass umano ng armed forces of the Philippines at Philippine National Police sa mga oposisyon at progresibong grupo, pag-kontrol umano’y sa comelec at dayaan sa automated polls, martial law sa Mindanao at government-sponsored disinformation.
Suportado ni Reyes ang naging pahayag ni Neri Colmenares, na isa sa mga senatorial aspirant at dating bayan muna representative na di niya tatanggapin ang pagkatalo sa eleksyon dahil sa umano’y bulok na sistema ng halalan at tuloy aniya ang kaniyang laban.
Inaasahan naman na ng malacañang ang ganitong reaksyon ng left-leaning party-list groups. Ayon kay Presidential Spokesperson Salvador Panelo, ang pagkatalo nila sa eleksyon ay patunay na di naniniwala ang taumbayan sa kanilang mga adbokasiya.
Wala rin aniyang patunay ang mga alegasyon ni Reyes na kontrolado ng administrasyon ang comelec gayong marami sa mga commissioner nito ay appointees ng administrasyong Aquino.
Umaasa naman ang palasyo na matatanggap ng mga tulad ni Reyes ang kanilang pagkatalo. Bukod dito, nanawagan din ito sa oposisyon, mga kritiko at naninira sa administrasyon na igalang ang desisyon ng mayorya at makipagtulungan na lamang sa ikaaangat ng pamumuhay ng mga Pilipino.
(Rosalie Coz | Untv News)
Tags: 2019 midterm elections, Bagong Alyansang Makabayan, kilos-protesta
