Hanggang mid-April 2018 ang deadline ng mga ahensya ng pamahalaan para isumite ang kanilang budget proposals para sa taong 2019.
Target naman ng Duterte administration na maisumite sa kongreso ang proposed 2019 national budget sa July 23, 2018. Ito ang mismong araw ng ikatlong State of the Nation Address ni Pangulong Rodrigo Duterte.
Batay sa Development Budget Coordinating Committee, nasa 3.4 trillion pesos ang approved budget level para sa susunod na taon.
Samantala, nilinaw ng DBM na hindi pa prayoridad ng pamahalaan ngayon ang dagdag na sahod para sa mga public school teacher, ito ay sa kabila ng anunsyo ng Malakanyang kamakailan na target ding taasan ang sahod ng mga ito kung maipapasa ang second tax reform package.
Hindi rin kakayanin na doblehin ang basic pay ng public school teachers dahil kinakailangan na ng kalahating trilyong pisong pondo para 600 libong mga guro sa buong bansa na katumbas na ng kalahati ng ating national budget.
Sinabi ni Sec. Diokno na posibleng magkaroon ng taas sahod sa mga guro kung makatwiran batay sa gagawing pag-aaral at pagkatapos nang maipatupad ng buo ang umiiral na salary standardization program ng pamahalaan sa loob ng dalawang taon.
Para naman sa high school principal na si Emmanuel Soriano, kahit hindi pa doblado ang tinatanggap na sweldo gaya ng matatanggap ng mga pulis at sundalo, natutuwa pa rin sila sa hangarin ng pamahalaang dagdagan ang mga benepisyo ng mga guro.
( Rosalie Coz / UNTV Correspondent )
Tags: ahensya ng pamahalaan, budget proposal, DBM
METRO MANILA – Inaprubahan na ng Department of Budget and Management (DBM) ang P2.5-B na pondo para sa ipatutupad na free public internet program sa Pilipinas.
Ayon sa budget department P2.4-B ang ilalaan sa free wifi connectivity sa mga pampublikong lugar habang ang natitirang pondo ay gagamitin naman sa koneksyon ng state universities and colleges (SUC’s).
Kasama sa target public areas ang convergence points tulad ng national at government offices, public basic education institutions, SUC’s, TESDA institutions, mga pampublikong hospital, medical care facilities, mga plaza, at transport terminals.
Tags: DBM, Free Public Internet
METRO MANILA – Nilagdaan na ni Pangulong Ferdinand Marcos Junior sa Malakanyang ang pambansang budget para sa susunod na taon na nagkakahalaga ng P5.76-T.
Ayon kay Pangulong Marcos, nakapaloob sa 2024 General Appropriations Act ang mga hakbang ng pamahalaan upang malabanan ang kahirapan.
Kasunod ng paglagda sa budget, may paalala naman si PBBM para sa mga gagamit ng pondo ng bansa.
Ang education sector ang may pinakamalaki pa ring budget na nagkakahalaga ng P924.7-B kung saan ang Department of Education (DepEd) ay may P758.6-B budget.
Ayon kay Senate President Juan Miguel Zubiri, P10.2-B ang idinagdag na budget para sa security cluster para mapalakas rin ang pagbabantay sa West Philippine Sea (WPS).
Kabilang naman sa tinanggal ng Kongreso sa 2024 budget ang confidential funds ng mga civilian agency kasama ang DepEd.
Ayon kay Department of Budget and Management (DBM) Secretary Amenah Pangandaman, walang direktang vinetoe ang pangulo sa 2024 national budget.
Tags: 2024 National Budget, DBM
METRO MANILA – Tinatayang mahigit P11-B pondo ang ni-release ng Department of Budget Management (DBM) para sa performance based bonus para sa mga teaching personnel ng Department of Education (DepEd).
Nakabatay ang matatanggap na bonus ng mga guro mahigit 900,000 mga guro sa elementarya at Sekondarya sa mga pampublikong eskwelahan sa fiscal year 2021.
Ayon sa DBM, nitong September 1, 2023 lahat ng 16 regional offices ng DepEd ay nag-release ng corresponding Special Allotment Released Order (SARO) at Notice of Allocations (NCA) para sa mga school based personnel.
Isinagawa ng DBM ang evaluation at validation ng mga inisyung SARO at NCA base sa mga ipinasang updated documents na isinumite ng DepEd nitong buwan ng Abril hanggang Agosto ng kasalukuyang taon.
Dagdag ng DBM, ang final evaluation assessment para sa Department of Education ay inilabas ng Inter Agency Task Force on the Harmonization of National Government Performance Monitoring and Reporting System nitong Janaury 2023.
Naninindigan din ang DBM na susuportahan ang mga tagapagturo sa ating bansa at kilalanin ang kanilang mga pambihira at walang kapagurang paggawa.
(Gerry Galicia | UNTV News)
