Pinayuhan ng Philipine National Police-Highway Patrol Group at Metro Manila Development Authority ang mga motorista na alamin ang mga alternatibong ruta dahil simula bukas mas maraming pang kalsada ang isasara dahil sa APEC Summit.
Kabilang na rito ang buong kahabaan ng Roxas Blvd. mula Katigbak Road hanggang Airport Road
Sarado naman ang buong paligid ng CCP Complex hanggang November 20 kabilang na ang;
Vicente Sotto street, Bukaneg street, J.W. Diokno Boulevard, Bridge Buendia Avenue- Extension, M. Jalandoni street
Pinaiiwasan na rin sa mga motorista ang Edsa mula sa Ortigas Avenue hanggang sa Roxas Blvd. sa Pasay
Isasara rin ang Ayala Avenue area bukas mula alas-tres ng hapon hanggang alas-onse ng gabi
Sarado rin ang Ayala Center hanggang November 19 partikular ang Ayala West Bound lanes Makati Avenue hanggang Paseo de Roxas
Sa huwebes November 19 sarado rin ang buong Mall of Asia area mula alas-sais ng umaga.
Naglaan naman ng mga alternatibong ruta para sa mga public utility vehicles at mga pribadong sasakyan ang mmda sa naturang lugar
Patuloy ang implemenatasyon ng number coding at truck ban sa buong Metro Manila sa linggong ito.
Samantala, marami sa ating mga kababayan ang napilitang maglakad na lamang papasok sa trabaho dahil sa walang masakyan at sobrang traffic
Bukas ay wala ng pasok sa lahat ng pribadong sektor hanggang sa araw ng huwebes. (Mon Jocson/UNTV News)
Tags: alternatibong ruta, APEC Summit, Philipine National Police-Highway Patrol Group
