Isa ang bayan ng Apalit sa Pampanga sa mga naapektuhan ng pananalasa ng Bagyong Ompong sa bansa noong Setyembre. 470 na mga residente sa bayan ang naperwisyo matapos na mapinsala ang nasa walong milyong pisong halaga ng mga pananim sa kanilang lugar.
At dahil hanggang ngayon ay patuloy pa ring bumabawi ang mga ito sa pinsala ng kalamidad, halos sa pang-araw-araw lamang na pangangailangan ang pangunahin nilang pinagkakagastusan. Kaya kahit pa may dinaramdam ay hindi na nila magawang magpatingin sa doktor.
Kaya naman sinamantala ni Mang Eulogio ang isinagawang medical and dental mission ng Members Church of God International (MCGI), UNTV at kanilang partners in public service sa Brgy. Cansinala, Apalit Pampanga kamakailan.
Mahigit animnaraang mga Kapampangan ang natulungan sa libreng medical consultation, bunot ng ngipin, electro cardiogram at legal consultation. May nabigyan rin ng mga libreng salamin sa mata.
Samantala, limandaan at walumpu’t walong mga Bulakenyo rin ang napagkalooban ng libreng serbisyo na isinawa ng grupo sa kaparehong event sa Brgy. Banga Elementary School sa Meycauayan, Bulacan noong ika-19 ng Oktubre.
Ito ang kauna-unahang medical at dental mission na ginawa ng MCGI at UNTV sa naturang lugar.
Umaasa naman ang mga residente na hindi ito ang huling pagkakataon na mabibisita at mapagkakalooban sila ng tulong ng grupo.
( Leslie Huidem / UNTV Correspondent )
MANILA, PHILIPPINES – Isasagawa ng Members Church of God International (MCGI) sa kauna-unahang pagkakataon ang Global Launch ng MCGI Free Store sa darating na March 14, 2021 araw ng Linggo.
Ito ay isa sa mga magagandang konsepto ni Bro. Eliseo F. Soriano at Mr. Public Service Kuya Daniel Razon at sa pakikipagtulungan ng Members Church of God International.
“Get what you need not what you want”, ito ang adbokasiya ng proyekto para sa mga kababayan nating kulang o gipit ang pera o kita upang maipantustos at mabili ang kanilang mga kailangan.
Layon din nito na maabot at matulungan ang mga nangangailangan.
Ang proyekto ay hindi lamang eksklusibo sa mga miyembro ng samahan, maging sa hindi myembro ay bukas ang kanilang tanggapan.
Mula sa mga damit, mga accesories, appliancess, sapatos at iba pangmga gamit na inyong mapapakinabangan ang inihanda ng MCGI Free Store.
Ito ay mula sa iba’t-ibang grupo ng samahan, nagtulong-tulong upang makapagbigay at makaipon ng donasyon na magagamit para sa proyekto.
Maaari kayong magregister sa www.mcgifreestore.compara makakuha ng mga gamit na inyong kakailanganin.
Bawat participants ay magkakaroon ng mga point at ito ang kanilang magagamit para makapili at makakuha ng mga gamit na kanilang mapapakinabangan.
(Jasper Barangan | La Verdad Correspondent)
Tags: Free Store, MCGI
METRO MANILA – Natanggap na ni Mang Ariel Llorente ang kanyang request na bible at reading glasses maging ang kahilingan nitong mapatingin sa espesyalista, ito ay dahil sa pagtutulungan ng programang Serbisyong Bayanihan, Members Church of God International (MCGI), at Department of Social Welfare and Development (DSWD) Region V.
Si Mang Ariel ay isa sa mga tumawag sa programang Serbisyong Bayanihan na humihingi ng tulong na mapatingin siya sa espesyalistang doktor dahil sa sari-sari nitong dinaranas na sakit. Dahil dito halos 3 aon na itong bed ridden at nadiagnose din itong may cataract kaya hirap na siyang makakita.
Hindi na nito nagawang makapagpacheck-up pang muli dahil hindi sumasapat ang sweldo ng asawa nitong nagtatrabaho sa grocery store na ayon kay Mang Ariel ay below minimun wage pa ang sweldo nito.
Kaya naman hindi na ito nagatubili pang tumawag sa programa para humingi ng tulong.
Agad naman itong inaksyunan ng programa at tinawagan ang magasawa ng isang social worker mula sa DSWD Regional Office V at tinulungan ito kung papaano makapag-avail ng medical at financial assistance mula sa ahensya.Pinuntahan din siya ng ilang representante mula sa LGU at binigyan ng kaukulang aksyon.
(Syrixpaul Remanes | La Verdad Correspondent)
Tags: DSWD, MCGI, Serbisyong Bayanihan
RIZAL, Philippines – Napagbigyan sa ikatlong pagkakataon ang hiling ng isang warden na si Jail Inspector Joey Doguilles na magkaroon ng medical mission ang UNTV at Members Church of God International sa San Mateo Municipal Jail. Ito ay upang mabigyang lunas ang mga sakit na karaniwang iniinda ng mga nakapiit dito gaya ng ubo sipon, hypertension at mga sakit sa balat.
Ayon kay Jail Inspector Joey Doguilles, “I was so amazed na Ang Dating Daan, UNTV napakasipag ninyong lahat. Sa lahat siguro ng mga service provider, wala akong masasabi.”
Isa sa mga natulungan ay si Kuya Atom at Roland na nagpapasalamat dahil kahit wala ng dumadalaw sa iba nilang kasama, may nakakaalala pa rin sa kanilang sitwasyon sa piitan kahit hindi nila kamag anak.
“Malaking tulong po ito sa mga katulad naming PDL o Persons deprived of liberty. Karamihan po rito kasi walang dalaw, kaya itong ibinibigay ng mga service provider katulad ng Dating Daan. Sila na po yung gumagawa ng paraan para makatulong sa katulad naming kapos palad dito.” Ani Kuya Atom.
“Ano po, lahat po sila tuwang-tuwa, dahil po magkakaroon sila ng pagkakataon na maipakonsulta po yung kung ano man po yung nararamdaman nila.” Ayon naman kay kuya Ronald, isa sa mga Persons deprived of liberty.
Umabot sa mahigit tatlong-daan ang napaglingkuran sa iba’t ibang medical, dental services, optical services na may kasamang libreng salamin at mga laboratory tests gaya ng ECG at ultrasound.
“Maraming salamat po, unang-una sa Ang Dating Daan Foundation, at sa UNTV. Binigyan tayo ng pagkakataon na magkakaroon sila ng medical mission sa ating kulungan. Dito sa BJMP San Mateo Municipal Jail. Ito ay hindi lang una, kundi taon-taon po na nagka-conduct sila ng medical mission dito po sa kulungan na ito.” dagdag ni J/Insp. Joey Doguilles, Warden, San Mateo Jail.
(Jennica Cruz | UNTV News)
Tags: MCGI, medical mission, San Mateo Municipal Jail, UNTV
