Isang hindi pa nakikilang lalaki ang nasawi matapos mabiktima ng hit and run sa south bound ng EDSA Kamuning sa Quezon City pasado ala una kaninang madaling araw.

Ayon sa security guard na si Jojo Baniqued na malapit sa pinangyarihan ng insidente nakita pa niya ito sa gitna ng daan habang nakadapa sa plastic barrier ng MMDA.

Sinita pa nito ng security guard dahil delikado ang lugar at mabilis ang takbo ng mga sasakyan ngunit hindi siya pinansin nito na tila natutulog.

Makalipas ng dalawang oras nakita na lang niya ang lalaki na nasa gitna na ng kalsada at nagkalasug-lasog ang katawan.

Bakas naman sa daan na nakaladkad ito ng sasakyan dahil sa bakas ng dugo nito.

Nakita din ang tsinelas at cellphone ng biktima na halos isang daang metro ang layo mula sa biktima.

Sa ngayon inaalam na ng QCPD Traffic Sector 4 ang pagkakakilanlan ng biktima at tinitingnan na din nila kung may cctv sa lugar para makatulong sa kanilang imbestigasyon.

(Reynante Ponte / UNTV Radio Reporter)

Tags: EDSA-Kamuning, hit and run, Lalaki patay