Balik normal na ang klase at trabaho sa Miriam College ngayong araw, ito ay matapos na suspendihin ng pamunuan ng paaralan ang pasok kahapon dahil sa natanggap nilang bomb threat noong Martes ng gabi.
Ayon sa abisong inilabas ng paaralan sa kanilang mga social media accounts, ininspeksyon na ng explosive ordinance disposal ng Quezon City ang buong paaralan.
Wala umanong natagpuang kahina-hinalang bagay at idineklarang ligtas ang campus.
Tags: balik-normal, bomb threat, Miriam College
METRO MANILA – Nadamay ang 6 na ahensiya ng pamahalaan sa mga bomb threat noong Lunes (February 12), ayon sa ulat ng Cybercrime Investigation and Coordinating Center (CICC).
Gayunman, tahasang pinapangako ng ahensya sa publiko na hindi dapat mabahala sa mga bantang ito, dahil ang nagpadala at ang email address ay tinukoy bilang hindi totoo.
Napag-alaman na ang domain name ng mga bomb threat email ay naka-rehistro sa Japan.
Nakikipag-ugnayan na ang awtoridad sa pamahalaan ng Japan sa pagsisiyasat sa bagay na ito at malaman ang pagkakakilanlan ng nagpadala.
Tags: bomb threat, CICC
METRO MANILA – Inamin ng Philippine National Police (PNP) na nakatanggap sila ng 7 bomb threat kahapon (December 6).
6 dito ay kinabibilangan ng 2 sa Department of Budget and Management (DBM), Department of Labor and Employment (DOLE), National Museum, Department of the Interior and Local Government (DILG) at National Economic and Development Authority (NEDA). Habang 1 sa Pangil Elementary School sa Laguna.
Ayon kay PNP Public Information Office Chief PCol. Jean Fajardo, lahat ito ay nirespondehan ng PNP subalit negatibo ang resulta.
Sinabi pa ni Col. Fajardo na ang naturang mga bomb threat ay nagmula sa email ng isang umano’y abogado sa Japan na si Takahiro Karasawa. Dagdag ni Col. Fajardo, na trace din ang IP address ng mga email mula sa Japan.
Sa katunayan, natanggap na din aniya sa Taiwan, China at South Korea ang kaparehong mga bomb threat.
Paalala ng PNP sa publiko mag ingat sa pagsi-share ng mga hindi beripikadong impormasyon dahil maaari aniyang makasuhan ang sino mang gumagawa nito.
Tags: bomb threat, PNP
Manila, Philippines – Ipinatupad ng MRT ang pagbabawal ng liquid items sa bawat istasyon matapos ang dalawang pagsabog sa Jolo Sulu at Zamboanga City.
Inulan ito ng batikos dahil maraming nainis sa pagkukumpiska ng mga inuming tubig, juice, pabango, alcohol at lotion.
Paliwanag ng Department of Transpotation (DOTr), ginagawa lamang ito upang maging ligtas ang mga milyun-milyong pasahero na sumasakay kada araw.
Inamin nilang nakatanggap sila ng bomb threat sa pamamagitan ng tatlong email noong Enero 3 kaya naghigpit sila ng seguridad.
Ayon kay DOTr Assistant Secrectary for Communications, Goddess Hope Libiran, pinag-aralan ng Office of the Transportation Security ang naturang polisya upang masiguro na walang makakalusot na pampasabog sa mga tren.
“Gusto kasi talaga naming protektahan yung kanilang safety and security, kaya nga sinasabihan kaming ng maging OA na kami at malusutan kami ng isang terrorista na kayang pumatay ng libo-libong tao,” ani ni Libiran.
Dagdag pa ng MRT management, ipinagbabawal nila ang liquid items dahil maaaring ihalo dito ang liquid bomb na nagtataglay ng Nitroglycerin na kahalintulad ng ginagamit sa mga dinamita. Hindi ito madaling matukoy kapag inilagay na sa bote ng mga pabango, lotion at anumang uri ng container.
Ganito rin ang naging opinyon ng security expert na si Mike Laosantos. Ayon kay Laosantos, maraming mga liquid bombs ang halos kahawig ng tubig. “Meron kasing mga liquid form of explosives na halos kamukha ng tubig at halos kamukha ng pabango kaya minsan hindi natin made-determine kasi meron nang mga pampasabog na halos wala ng amoy, minsan kino-conceal nila yun as mineral water, kino-conceal as perfume,” ani ni Laosantos.
Pinapayagan naman ng MRT management na ipasok ang breast formula milk gayundin ang tubig para sa mga pasaherong may kasamang sanggol o mga bata.
Pinahihintulutan na rin ipasok ang mga gel o liquid na gamot. Pwede ring magdala ng tubig, juice at iba pang klase ng inumin ang mga pasahero depende sa kanilang medical condition.
Maaari pa rin namang mabawi ng mga pasahero ang mga nakumpiska na liquid item. Kinakailangan lamang nilang mag-iwan ng I.D at cellphone number sa Information o Help Desk sa mga istasyon upang makuhang muli ang kanilang gamit bago umuwi.
Binabalangkas na ng Office of the Transportation Security and Guidelines na ipapatupad sa MRT, LRT at PNR kaugnay ng bagong security protocol kontra sa banta ng terrorismo.
(Joan Nano | UNTV News)
Tags: bomb threat, DOTr, liquid items, MRT
