METRO MANILA – Ayon kay President-elect Ferdinand Bongbong Marcos Jr. isa sa ibinilin sa kaniya ni Pangulong Rodrigo Duterte ay ang tungkol sa paglaban sa ilegal droga.
Ito aniya ang sinabi sa kaniya ni Pangulong Duterte sa mga nakaraan nilang pag-uusap.
Ibinahagi naman ng president-elect ang ilan sa kaniyang mga plano upang mapababa ang singil sa kuryente.
Ayon sa kaniya tinitingnan na nila ang panukala ni Energy Regulatory Commission Chair Agnes Devanadera na tanggalin ang 12% Value Added Tax (VAT) sa generation charge.
Bukod pa rito pinag-aaralan na rin ng paparating na bagong administrasyon kung papaano aamyendahan ang Electric Power Industry Reform Act o EPIRA law.
Hindi tinukoy ni Marcos kung anong partikular na probisyon sa EPIRA law ang nais niyang maamyendahan.
Pangunahing layunin ng EPIRA law na magkaroon ng dekalidad, tuloy tuloy na suplay at mababang singil sa kuryente pero kabaliktaran ang nagiging epekto nito. Nilagdaan ito bilang batas noong 2001.
Ukol naman sa foreign policy ng president-elect, ayon sa kaniya tuloy ang pagpapatatag ng bilateral relations ng Pilipinas sa China.
Sa kabila nito, handa ang president elect na ipagtanggol ang soberanya ng Pilipinas sa pamamagitan na rin ng patuloy na pakikipag-usap sa China.
Ayon pa kay Marcos hindi niya isasantabi ang arbitral ruling. Ang arbitration ruling ay naipanalo ng Pilipinas noong 2016 sa Permanent Court of Arbitration na nagsasaad na walang basehan ang pag-aangkin ng China sa halos kabuuan ng South China sea.
Tungkol naman sa agrikultura, ayon kay Marcos Junior kailangang tulungan ng pamahalaan ang mga maliliit na magsasaka sa pamamagitan na rin ng paggamit ng mga makabagong teknolohiya at istratehiya.
Ayon pa kay Marcos Junior, muli nilang pag-aaralan ang pagpapatupad ng Rice Tarrification Law kung saan dapat aniyang matiyak na hindi masasapawan ang mga local farmer dahil sa pag-aangkat ng bigas.
(Nel Maribojoc | UNTV News)
METRO MANILA – Hindi pinagbigyan ng International Criminal Court (ICC) appeals chamber ang hiling ng Pilipinas na huwag nang ituloy ang imbestigasyon sa war on drugs at ang isyu ng Davao death squad ng nakaraang Duterte administration.
Tatlong huwes ng ICC appeal chamber ang bumuto pabor at 2 naman ang dissenting o tutol.
Ayon pa sa ICC appeals chamber, hindi isyu ng hurisdiksyon ang naging basehan sa desisyon kundi walang mali sa naging desiyon ng kanilang pre-trial chamber na payagan ang prosecutor na ituloy ang imbestigasyon.
Kabilang sa mga dahilan o ground bakit gusto sana na pamahalaan na huwag ituloy ang pag-iimbestiga ng ICC ay dahil wala itong hurisdiksyon sa Pilipinas matapos tayong kumalas noong 2019.
Ayon naman sa grupong human rights watch, ang desisyon ng ICC judges ay susunod na hakbang para mga biktima ng war on drugs.
Dapat din aniyang patunayan ng Marcos administration ang commitment sa pagtataguyod ng human rights at makipagtulungan sa imbestigasyon.
Tags: ICC, war on drugs
METRO MANILA – Natanong ni Senator Christopher Bong Go, kung makatutulong ba kung sakaling gawing Drug Czar si Dating Pangulong Rodrigo Duterte upang masugpo ang pagkakasangkot ng mga pulis sa iligal na droga.
Natanong ito ng senador sa pagdinig ng Senate Committee on Public Order and Dangerous Drugs nitong Martes, sa P6.7 Billion drug haul na kinasangkutan ng ilang pulis.
Ayon kay Go, sayang naman ang war on drugs campaign ni Dating Pangulong Duterte, kung babalik ang paglaganap ng iligal na droga.
Para naman kay Philippine National Police (PNP) Chief Police General Benjamin Acorda. Jr., susuportahan niya ang anomang kampanya ng pamahalaan laban sa iligal na droga.
Tags: PNP, war on drugs
METRO MANILA – Iaapela ng pamahalaan ng Pilipinas ang desisyon ng International Criminal Court (ICC) na muling ituloy ang imbestigasyon sa war on drus ng nagdaang administrasyon.
Sa 5 pahinang notice na ifinile ngayong Pebrero, sa pangunguna ni Solicitor General Menardo Guevarra, ipinahayag ng pamahalaan ng Pilipinas sa ICC appeals chamber ang pagnanais na i-apela ang ruling.
Muli namang iginiit ng abogado ni dating Pangulong Rodrigo Duterte na si Atty. Harry Roque na walang hurisdiksyon ang ICC sa Pilipinas at tanging sa domestic courts lamang nito haharapin ang anomang kasong isasampa laban sa kanya.
Tags: ICC, war on drugs
