Sa panahon ngayon na fast-paced na ang buhay sa mundo, hindi na rin masyado uso ang pagpapadala ng liham sa pamamagitan koreo na dinanadala ng mga kartero, ngunit may mangilan-ngilan pa rin na ginagamit ang paraang ito tulad ng ating tampok na kwento ngayon.
Mahigit kalahating tonelada ng mga sulat, bills, bank statements at electoral pamphlets ang nasamsam ng Italian police sa Nothern town of Vicenza sa isang kartero o postman na hindi nagdadala ng mga sulat sa loob ng mahigit pitong taon.
Nahuli ang postman nang maglinis ang ilang emplayado ng isang recycling plant sa garahe nito at dito nakita ang kwarenta y tres na malalaking plastic containers na puno ng mga sulat.
Ayon sa mga pulis, ito ang pinakamalaking bilang ng mga sulat na hindi naipadala na na-encounter nila sa kanilang bansa.
Ipinangako naman ng Vicenza Postal Service na ipapadala nila ang lahat ng mga sulat sa kabila ng maraming taon na ang lumipas.
Tags: arestado, Italian postman, sulat
Nahuli ng mga tauhan ng Manila Police District (MPD) ang apat na lalaki sa isinagawang buy bust operation sa Paras Street, Pandacan, Manila bandang alas nuebe kagabi.
Target ng operasyon ang isang hinihinalang tulak ng shabu na kinilala sa pangalang Reynaldo Punzalan, disi otso anyos at residente sa lugar. Nagpanggap na buyer ng shabu ang isang pulis at nang magkabayaran na ay inaresto na ang suspek. Kasama rin sa naaresto ang tatlo pang lalaking hinihinalang parokyano ng suspek.
Nasabat sa mga suspek ang labingdalawang sachet ng hinihinalang shabu. Aminado naman si Punzalan sa pagtutulak nito ng shabu. Pinagkukuhanan umano nito ng shabu sina alyas Obet at alyas Orlan na parehong taga-Mandaluyong.
Nagsasagawa na ng follow-up operation ang mga otoridad upang tugisin ang iba pang posibleng kasama ni Punzalan sa operasyon nito.
Kasalukuyan nang nasa kustodiya ng MPD Station 10 ang mga suspek na mahaharap sa kasong paglabag sa Republic Act 9165 o ang Comprehensive Dangerous Drugs Act of 2002.
( Asher Cadapan Jr. / UNTV Correspondent )
Tags: arestado, buy bust operation, drug suspect
Naaresto ng mga tauhan ng Eastern Police District ang isa pang miyembro umano ng buratong drug syndicate sa isinagawang buy bust operation sa Pineda Pasig City kagabi. Kinilala ang suspek na si Antonio Intalan alyas Anthony.
Ayon sa Eastern Police District, si Intalan ay kabilang sa kanilang top 10 high value target.
Ayon sa pulisya, ang grupo ni Intalan ay kasama sa mga nagpapatakbo sa nabuwag na shabu tiangge malapit sa Pasig City Hall noong 2006. Nasabat sa suspek ang tatlumpu’t tatlong sachet ng suspected shabu na nagkakahalaga ng 1.2 milyong piso.
Samantala, sa diagram na prenisinta ni NCRPO Police Chief Superintendent Guillermo Eleazar, galing sa kulungan ang utak sa pagpapakalat ng droga at galamay lamang ang kumikilos sa labas. Todo tanggi naman ang suspek na sa kanya ang mga nasabat na shabu.
Kahapon isang miyembro rin ng buratong drug syndicate ang naaresto ng mga pulis at nahulihan ng mahigit isang milyong pisong halaga ng hinihinalang shabu.
( Victor Cosare / UNTV Correspondent )
Naaresto ng mga tauhan ng QCPD Drug Enforcement Group ang dalawang tulak ng droga sa C. Victorino St. Villa Alfonso, Barangay Bambang.
Kinilala ang mga ito na sina Julius Cesar Ilagan at Jayson Proda. Aabot sa walong kilo ng pinatuyong dahon ng marijuana na nagkakahalaga ng 300 libong piso ang nasabat sa mga suspek.
Ayon sa mga otoridad, mga estudyante ang karaniwang kustomer ng mga suspek. Naaresto ang dalawang suspek matapos ituro ng mga pusher na unang nahuli ng mga pulis sa Cubao, Quezon City.
Sa Taguig City naman, mag-aalas onse kagabi ng maaresto ng mga pulis si Princess Cordero dahil sa pagbebenta ng marijuana sa Barangay Tipas.
Ayon kay Southern Police District Director Police Chief Superintendent Tomas Apolinario, mga estudyante ang binibentahan ng marijuana ni Cordero.
Isinagawa ng mga pulis ang buy bust operation matapos makatanggap ng impormasyon sa kanilang asset hinggil sa iligal na aktibidad ng 18 anyos na suspek.
Isang daan at walumpung sachet ng marijuana na nagkakahalaga ng labing walong libong piso ang nakuha ng mga otoridad kay Cordero.
Mahaharap ang mga suspek sa kasong paglabag sa Comprehensive Dangerous Drugs Act of 2002.
( Asher Cadapan Jr. / UNTV Correspondent )
Tags: arestado, estudyante, iligal na droga
