METRO MANILA – Nagdesisyon ang Inter-Agency Task Force for the Management of Emerging Infectious Diseases na isailalim na rin sa Modified Enhanced Community Quarantine (MGCQ) ang Iloilo City simula May 23-May 31, 2021.
Kasunod ito ng apela ng lokal na pamahalaan dahil sa COVID-19 surge sa lungsod.
Samantala, mananatili din hanggang sa katapusan ng Mayo ang ipinatutupad na MECQ sa mga probinsya ng Apayao, Benguet at Cagayan.
Unang isinailalim sa MECQ ang 3 probinsya noong May 10 hanggang May 23, ngunit pinalawig pa ito dahil sa patuloy na pagtaas ng bilang ng naitatalang kaso ng COVID-19.
Bukod sa mga ito, nasa ilalim din ng MECQ hanggang May 31 ang Santiago City-Isabela, Quirino, Ifugao at Zamboanga City.
Habang nasa General Community Quarantine with heightened restrictions naman ang National Capital Region, Rizal, Laguna, Cavite, at Bulacan.
As of May 23, 2021, pumalo na sa 1.17 Million ang total Covid-19 cases sa bansa, 1.1 Million na ang gumaling samantalang higit na sa 19,900 ang nasawi sa sakit.
(Rosalie Coz | UNTV News)
Tags: Iloilo City, MECQ
METRO MANILA – Bawal pa rin ang indoor at al-fresco dine-in services, personal care services kabilang ang beauty salons, beauty parlors at nail spas sa Metro Manila ngayong araw (Sept. 8).
Ito ay dahil pinalawig muna ng Inter-Agency Task Force for the Management of Emerging Infectious Diseases (IATF) ang pagpapairal sa Modified Enhanced Community Quarantine (MECQ) sa kapitolyo hanggang September 15.
Ipinagpaliban din ang pilot implementation ng bagong sistema ng granular lockdowns sa Metro Manila.
Dapat GCQ na sa NCR ngayong araw dahil planong umpisahan ng pamahalaan ang pagpapairal ng localized lockdowns sa halip na community-wide restrictions.
Ginawa ng IATF ang desisyon matapos magpulong muli kahapon subalit walang pang paliwanag ang palasyo kung bakit nagbago ng desisyon ang pamahalaan.
Samantala, mananatili ring online ang religious services sa NCR.
Bagaman pinahihintulutan ang non-covid neurological services, burol, inurnment at funerals, limitado lamang ito sa immediate family members at kailangang magpresenta ng pruweba ng relationship sa namayapa at dapat sundin ang minimum public health standards.
Sa mga nakalipas na araw, di naglabas ng detalyadong panuntunan ang palasyo kaugnay ng pilot implementation ng granular lockdowns sa NCR dahil inaayos pa ng IATF ang mga polisiyang ipatutupad.
Kasabay ito ng patuloy na mabilis na pagtaas ng COVID-19 cases sa bansa na ilang araw ding pumalo sa mahigit 20,000 ang kaso.
(Rosalie Coz | UNTV News)
METRO MANILA – Mananatili pa rin sa ilalim ng Modified Enhanced Community Quarantine (MECQ) with added restrictions ang Metro Manila, Laguna, at Bataan hanggang September 7, 2021.
Ibig sabihin mas mahigpit na MECQ pa rin ang iiral sa mga lugar na ito hanggang sa susunod na Martes.
Bawal pa rin ang dine-in services, personal care services at mananatiling virtual ang religious gatherings.
Samantala, MECQ rin sa Apayao, Ilocos Norte, Bulacan, Cavite, Lucena, Rizal, Aklan, Iloilo Province, at lima pang ibang lugar.
“Ang NCR, Bataan at Laguna ay may added restrictions sa dine-in, personal care services at religious activities, bawal pa po ito bagaman nasa mecq na po tayo.” ani Presidential Spokesperson Sec. Harry Roque.
Samantala, General Community Quarantine with heightened restrictions naman hanggang September 7 ang Ilocos Sur, Cagayan, Quezon, Batangas, Naga City.
Gayundin ang Antique, Bacolod City, Capiz, Cebu Province, Negros Oriental sa Visayas
At Zamboanga Del Sur, Misamis Oriental, Davao City, Davao del Norte, Davao Occidental, Davao de Oro at butuan city sa mindanao.
Mananatili rin sa general community quarantine hanggang sa susunod na martes ang baguio city, santiago city, quirino, isabela, nueva vizcaya, tarlac, puerto princesa, negros occidental,
Zamboanga Sibugay, Davao Oriental , Davao del Sur, General Santos City, Sultan Kudarat, Sarangani at 11 pang lugar.
Habang nasa MGCQ status naman ang nalalabing bahagi ng bansa.
(Rosalie Coz | UNTV News)
METRO MANILA – Hindi pa rin magluluwag ng inspeksyon sa mga checkpoint ang mga pulis kahit na ibinaba na sa Modified ECQ ang quarantine status sa Metro Manila.
Ayon kay PNP Chief PGen. Guillermo Eleazar, nananatili ang banta ng COVID-19 at ang mga mas nakahahawang variant nito kayat mahigpit pa rin ang gagawin nilang pagbabantay.
Lalo na at nadagdagan pa ang mga Authorized Persons Outside of Residence (APOR) na papasok sa kani kanilang trabaho
“Ngayon ay nadagdagan ng mga permitted industries na nag ooperate, ibig sabihin non nadagdagan ang mga worker apor na papasok sa kanilang mga trabaho, subalit sa mga consumer APOR na bibili at mag aavail nito pareho pa rin po, isa lang or every household na magdadala ng quarantine pass, lalabas lang sila during non curfew hours at doon lamang sila sa loob ng kanilang mga cities sa loob ng Metro Manila, tiny bubbles pa rin po ang konsepto natin dito” ani PNP Chief, PGen. Guillermo Eleazar.
Sinabi pa ni Eleazar na mas mahigpit ang pagpapatupad nila ng MECQ Ngayon kumpara noong nakaraang taon.
“kung dati po ay merong Al Fresco Dining o yung outdoor dining services ngayong MECQ ay hindi po allowed yun at kung dati ay merong religious activity na ang venue capacity ay hanggang 10% o pwedeng ma extend depende sa lgu ngayon po ay wala, online services ang ating religious gathering”ani PNP Chief, PGen. Guillermo Eleazar.
Samantala, magtatalaga din ang PNP ng mga tauhan upang magbantay sa mga lugar na isasailalim sa granular lockdown.
(Lea Ylagan | UNTV News)
