Binigyang pagkilala ng Philippine Military Academy Foundation Incorporated o PMAFI ang mga faculty members ng akademya na nagpakita ng ibayong kahusayan sa kanilang pagtuturo sa taong ito.
Ayon sa chairman ng PMAFI na si Retired Police Director Anselmo Avenido Jr., taon-taon ay ginagawa nila ito upang tulungan ang PMA upang lalo pang palakasin ang kakayahan ng mga guro sa paghubog sa mga kadete, kabilang na dito ang character building ng mga ito.
Layon din nitong maipakita sa mga guro na hindi nakakalimutan ang kanilang mga sakripisyo at dedikasyon sa trabaho. Bukod sa parangal, nakatanggap din ng cash incentives ang bawat awardee mula sa sampung departamento, 1 group award at outstanding faculty member award.
Pinipili ang mga awardee sa pamamagitan ng evaluation mula sa kadete o estudyante, mula sa mga kasamahan nila sa trabaho at sa kanilang immidiate superior.
Nagdonate din ang PMAFI sa akademya ng worth 5 million pesos na ilalagay sa iba’t-ibang proyekto gaya ng professional chair, scholarship grants at improvements ng mga training facilities.
( Grace Doctolero / UNTV Correspondent )
Tags: binigyan ng pagkilala, faculty member, PMA
MANILA, Philippines – Kinumpirma ni Senator Ronald “Bato” Dela Rosa na totoong nangyayari ang hazing sa loob ng Philippine Military Academy (PMA).
Ayon sa dating hepe ng Philippine National Police (PNP), kahit siya ay nakaranas din ng hazing noong kadete pa ito ng PMA.
“Mayroon bakit wala..During out time mas grabe pa nung panahon namin.” ani Sen Ronald “Bato” Dela Rosa.
Pero ayon sa senador hindi
dapat matakot ang mga nagnanais na pumasok sa PMA dahil isolated case naman
ito.
Ikinalungkot naman ng mambabatas ang pagkamatay ni Cadet Darwin Dormitorio dahil
sa hazing.
(Grace Casin | UNTV News)
Isa na namang military official ang tinanggal sa pwesto ni Pangulong Rodrigo Duterte bunsod ng umano’y katiwalian.
Ayon sa Pangulo, labinlimang milyong pisong cadet allowance umano ang nilustay ni Hector Maraña, dating comptroller ng Philippine Military Academy (PMA).
Nito lamang Lunes, sinibak din ng Pangulo ang pamunuan ng AFP Health Service Command at V. Luna Medical Center dahil sa ghost deliveries at kwestyonableng procurement ng medical equipment at supplies.
Samantala, tila napapagod na ang Pangulo sa paghabol sa mga tiwaling opisyal ng pamahalaan kaya pinag-iisipan na niyang bumaba sa pwesto.
Aniya, tila nabigo niya ang taumbayan sa pangakong lilinisin sa korapsyon at droga ang bansa.
Sinabi ng Pangulo na masyado nang malalim at malawak ang katiwalian sa Pilipinas at tila bahagi ng kultura ng mga transaksyon sa mga bawat ahensya ng pamahalaan.
( Rosalie Coz / UNTV Correspondent )
Higit isang libo at walong daan ang dumalo sa annual Philippine Military Academy Alumni Homecoming sa Baguio City noong Sabado ng umaga. Highlight ng event ang parade ng mga Cavalier sa Borromeo Field Gregorio del Pilar Baguio City.
Naka-grupo ayon sa kanilang batch ang alumni at makikilala sa kanilang suot na uniporme. Ang classmates ni Defense Secretary Delfin Lorenzana, nakasuot ng amerikana at pulang sombrero.
Ang mga “Mistah” naman ni Interior and Local Government officer-in-charge Eduardo Año ay nakasuot ng navy blue jacket na may 83 patch sa kanang bahagi ng kanilang dibdib. Naroon din ang matataas na opisyal ng Philippine National Police at Armed Forces of the Philippines.
Samantala, agaw eksena naman sa pagtitipon ang 92 year old na PMA Cavalier. Si Cavalier Delfin Castro ng PMA Class of 1951, ang syang pinakamatandang dumalo sa alumni homecoming. Habang ang pinakabata naman ay si 2nd Lieutenant Dice Anne Leopoldo na ipinanganak noong March 21, 1996.
( Grace Doctolero / UNTV Correspondent )
Tags: Baguio City, Cavaliers, PMA
