EXCLUSIVE – Galing ng Sta. Cruz, Zambales ang lupang ginagamit ng China sa pagreclaim ng ilang teritoryo sa West Philippine Sea.
Ito ang ipinahayag ng ilang grupo ng minero at concerned citizens mula sa nabanggit na lugar.
Sa isang panayam sa programang Huntahan sa Radyo La Verdad, sinabi ni Rolly Luna, National Vice President ng Buklurang Manggagawang Pilipino, na mula mismo sa Sta. Cruz, Zambales ang lupang ipinangtatambak ng China para makapagtayo ng istruktura sa pinag-aagawang teritoryo sa Bajo de Masinloc sa West Philippines Sea.
Aniya, may nakuha silang satellite images mula mismo sa Department of Environment and Natural Resources na nagpapatunay na sa Zambales nga kumukuha ng lupang panambak ang China.
Ayon pa kay Luna, alam mismo ng alkalde ng Sta. Cruz na si Consolacion Marty ang naturang operasyon. Resulta nito ang pagkatuyo ng mga ilog sa lugar at bumaba ang kanilang ani ng 25 percent dahil sa kakulangan ng suplay ng tubig na manggagaling sana sa ilog.
Sa mga oras na ito ay kinukuha pa ng UNTV Radio ang panig ng Malakanyang, Armed Forces of the Philippines at DENR sa naturang isyu.(UNTV Radio)
METRO MANILA – Hindi na naiwasang magkasagian ang supply boat na kinontrata ng Armed Forces of the Philippines (AFP) at ang 1 barko ng China Coast Guard.
Ayon sa pahayag na inilabas ng National Task Force for the West Philippine Sea, nangyari ito alas-6 ng umaga ng Linggo, October 22, habang nagsasagawa ng panibagong rotation and resupply mission sa BRP Siera Madre na nasa Ayungin Shoal.
Kita sa mga video na kuha mula sa supply boat na Unaiza May 2 ang pagdikit ng barko ng China.
Sa isa pang video mula sa himpapawid, makikitang deretso ang takbo ng supply boat na hinahabol at sinusubukang harangan ng chinese vessel.
Sa isa pang video, kita namang bumangga ang Chinese maritime militia vessel sa port side ng ng BRP Cabra ng Philippine Coast Guard (PCG) habang ito ay nakahimpil may 6.4 nautical miles mula sa Ayungin Shoal.
Sa isang pahayag, mariing kinondena ng National Task Force for the West Philippine Sea ang mapanganib, iresponsable at iligal na gawain ng China Coast Guard at maritime militia na paglabag sa soberanya ng Pilipinas,
At tahasang pagbale-wala sa UNCLOS, Maritime Conventions para maiwasan ang banggaan sa karagatan at ng 2016 arbitral award.
Sa isang post sa social media ni United States Ambassador to the Philippines Marykay Carlson, sinabi nito na mariing kinokondena ng Estados Unidos ang pinabagong disruption ng China sa resupply mission ng Pilipinas sa Ayungin Shoal.
Naisapanganib aniya nito ang buhay ng mga Pilipinong sakay ng supply boat.
Naninindigan aniya sila kasama ng kanilang mga kaibigan, partners at kaalyado sa pagtatanggol sa soberanya ng Pilipinas.
Sa kabila naman ng panghaharang at pambu-bully ng China ay matagumpay pa ring naisagawa ang pinakabagong RORE mission ng AFP at PCG.
Tags: AFP, Chinese Coast Guard, PCG, West Philippine Sea
METRO MANILA – Kinumpirma ng Philippine Coast Guard (PCG) na walang nawawala sa 10 navigational buoy na kanilang inilagay sa West Philippine Sea.
Ayon kay PCG Commandant Admiral Artemio Abu, batay sa isinagawang aerial inspection kahapon (June 6) sa Palawan nananatili pa rin sa orihinal na posisyon ang 2 navigational buoys.
Nauna nang napaulat na nawawala ang mga naka-install na boya malapit sa Balagtas at Julian Felipe Reefs.
Tiniyak naman ni Admiral Abu, patuloy na babantayan ng PCG ang soberanya at karapatan ng Pilipinas sa pinag-aagawang teritoryo.
Tags: Buoy, PCG, West Philippine Sea
METRO MANILA – Suportado ng Estados Unidos ang Pilipinas matapos ang ulat ng umano’y pangha-harass ng Chinese navy sa mga barko ng Philippine Coast Guard (PCG).
Sa isang pahayag, sinabi ni US State Department Spokesperson Matthew Miller na isang paraang ng intimidation at harassment naging aksyon ng China matapos lumabas ang isang video noong nakaraang Linggo.
Isang Chinese Coast Guard ang muntikang nang tumama sa isang Philippine Patrol Vessel 105 nautical miles west ng Palawan noong April 23.
Nanawagan din ang opisyal sa Tsina na itigil na ang mga nasabing hakbang. Tiniyak din nito na patuloy din mino-monitor ng US ang stiwasyon.
Depensa ng China, ang nangyaring insidente ay dahil umano sa “Premeditated and Provocative Action.” ng Philippine patrol vessel .
Samantala, tiniyak anamn ng Department of Foreign Affairs (DFA) na muling maghahain ng karampatang diplomatic actions ukol dito.
Ayon kay DFA Spokesperson Ambassador Teresita Daza, hinihintay lang nila ang official report mula sa PCG patungkol sa insidente.
(Aileen Cerrudo | UNTV News)
Tags: China, PCG, US, West Philippine Sea
