Walang kumpirmasyong natatanggap si DILG Sec. Mel Senen Sarmiento mula kay Davao city Mayor Rodrigo Duterte hinggil sa napaulat na development kaugnay ng Samal kidnapping incident.

Gayunman, sinabi ni Sarmiento na mayroon na silang hawak na detalye bago pa ang naging statement ni Mayor Duterte hinggil sa pagkakahuli ng 2 suspek sa Samal kidnapping.

Subalit tumanggi ito na magbigay ng ano mang impormasyon dahil isinasaalang- alang nila ang kaligtasan ng mga bihag.

Naaresto ang dalawang suspek sa operasyon ng CIDG Task Force Tugis noong gabi ng October 4 at nakuha sa kanila ang ilang kalibre ng baril at mga pampasabog.

Isa sa kanila ay may existing warrant of arrest sa kasong kidnapping, serious illegal detention at murder kaya iniimbestigahan na rin ng mga otoridad kung posibleng sangkot sila sa samal abduction.

Tags: Davao City Mayor Rodrigo Duterte, DILG Sec. Mel Senen Sarmiento, Samal kidnapping incident