Marami ang nadagdag sa mga sasakyan ng PNP Highway Patrol Group matapos ang APEC Summit.
Ito’y dahil ibinigay na sa kanila ang nasa 211 na motorsiklo at 108 na patrol cars na binili at ginamit noong APEC Summit.
Ayon kay HPG Director P/CSupt. Arnold Gunnacao, sa nasabing bilang 40 motorsiklo at 20 patrol cars ang mapupunta sa HPG headquarter sa Camp Crame upang gamitin sa kanilang mga operasyon kabilang na ang pagmamando ng traffic sa Edsa.
Habang ipamamahagi naman ang natitirang bilang sa ibang HPG Regional Offices.(Lea Ylagan/UNTV Correspondent)
Tags: Highway Patrol Group, sasakyan
Suportado ng bagong hepe ng Highway Patrol Group o HPG ang pagtatanggal sa mga terminal ng bus sa kahabaan ng EDSA.
Naniniwala si HPG Director Senior Superintendent Antonio Gardiola Jr. na malaki ang mababawas sa mabigat na daloy ng mga sasakyan sa EDSA kung mawawala ang mga naglalakihang provincial buses.
Maliban dito, nakadaragdag din aniya ng pagsisikip ng trapiko sa EDSA ang mga taxi na nakapila sa bungad ng mga bus terminal para magsakay at magbaba ng mga pasaherong galing at papuntang probinsiya.
Gayunman, ipinauubaya na ni Gardiola sa mga nakatataas na ahensya ng gobyerno ang mungkahing tanggalin sa EDSA ang bus terminal.
(UNTV RADIO)
Tags: Highway Patrol Group, HPG Director Senior Superintendent Antonio Gardiola Jr.
Patay ang isang lalake matapos masagasaan ng closed van kanina sa EDSA-Caloocan.
Tinangka pang tumakas ng suspek subalit nahuli din ito ng mga tauhan ng Highway Patrol Group.
Aminado ang driver ng closed van na matulin ito sa pagpatakbo kaya di nito napansin ang biktima.
Bahagya naman nagdulot ng pagsisikip ng daloy ng sasakyan ang naturang insidente.
Sa ngayon patuloy pa rin iniimbestigahan
(UNTV RADIO)
Kasabay ng pagpapalit ng taon, isang lalake ang tinulungan ng UNTV News and Rescue Team Bacolod na makalabas sa ilalim ng isang Toyota Sedan, nang ito’y tumilapon matapos mabangga ng isang pang suv sa Brgy. Estefania, Bacolod City.
Nagtamo ng mga gasgas sa ibat-ibang bahagi ng katawan at may posibleng injury sa ulo ang lalake.
Ayon sa driver suv, nagkasalubong sila ng biktima matapos syang mag overtake sa isa pang sasakyan kaya nito nabangga ang motorsiklo.
Samantala dali-dali namang isinugod sa ospital ng chamber rescue volunteer ang motorcycle rider na walang anomang pagkakakilanlan.
(UNTV News Bacolod)
Tags: Motorcycle driver, sasakyan, UNTV News and Rescue Team Bacolod
