METRO MANILA – Dismayado ang transport group na Piston sa naging desisyon ni Pangulong Ferdinand Marcos Junior, na tuloy na sa darating na December 31 ang deadline ng franchise consolidation ng mga tradisyunal na jeep.
Sa post ni PBBM sa social media platform na X, sinabi nito na nakausap na niya ang mga transport office officials at napagdesisyunan na hindi na palalawigin pa ang deadline.
Ayon sa pangulo, 70% na ng mga operator ang tumugon sa Public Utility Vehicle Modernization Program (PUVMP).
Para kay PBBM, hindi na dapat pang maantala ang programa dahil mayora naman ng mga operator, bangko, financial institutions, maging ang publiko ay sang-ayon dito.
Ayon naman kay Piston National President Mody Floranda, nangangahulugan lamang ito na talagang hindi nakikinig ang gobyerno sa kanilang mga hinaing kahit pa magdudulot ito ng transport crisis.
Sa 30% aniyang naiiwan na mga unconsolidated franchise, karamihan sa mga ito ay mga tradisyunal na jeep na bumibyahe sa National Capital Region (NCR).
Kaya naman kung tuluyan silang mawawalan ng karapatang bumiyahe, libo-libong mga tsuper aniya ang mawawalan ng trabaho at libo-libong mga pasahero rin ang mawawalan ng masasakyan.
Dahil dito, hindi na magpapaawat ang grupo, at itutuloy na ang 2 araw na nationwide transport strike na gagawin sa December 14 at 15.
Samantala, para naman sa United Transport Consolidated Entities of the Philippines, sangayon sila na hindi na ma-extend pa ang deadline lalo’t 2017 pa nasimulan ang programa at ilang ulit na rin itong pinalawig.
Dapat na anilang magkaroon ng pagbabago sa mga pampublikong transportasyon upang makapaghatid ng maayos at mas komportableng biyahe sa mga pasahero.
(JP Nunez | UNTV News)
METRO MANILA – Inaprubahan ni Pangulong Ferdinand Marcos Junior ang panukala ng Department of Social Welfare and Development (DSWD) na nagpapalawak sa saklaw ng Pantawid Pamilyang Pilipino Program (4Ps).
Nakasaad sa panukala, na kasama na sa cash grants ng 4Ps ang mga buntis at nagpapasusuong ina upang matiyak ang kalusugan ng kanilang mga anak sa unang isang lingong araw nito.
Inatasan ng pangulo ang DSWD at NEDA sa pagsasapinal ng numero at kinakailangang adjustment sa pamamahagi ng cash grants.
Ang nasabing adjustment ay magpapataas ng purchasing power ng mga benepisyaryo at makakapagbigay ng insentibo para mapabuti ang kanilang pagsunod sa mga kondisyon ng programa na makakaiwas sa malnutrisyon at stunting.
Tags: Cash Grant, DSWD, PBBM
METRO MANILA – Ganap nang batas ang “Kabalikat sa Pagtuturo Act”. Ito ay matapos lagdaan kahapon (June 3) ni Pangulong Ferdinand Marcos Junior ang naturang batas na layong doblehin ang tinatanggap na techning supplies allowance o chalk allowance ng mga guro.
Mula sa P5,000 ay itataas na ito sa P10,000 kada taon. Sisimulan ang pamamahagi ng dobleng teacher’s allowance sa School Year 2025-2026.
Matagal na ring idinadaing ng mga guro ang kakulangan ng supplies allowance na pambili ng chalk, erasers, forms at iba pang classroom supplies dahilan upang kuhanin na ang pampuno sa gastos sa mismong personal na pera ng mga guro.
Ayon kay Pangulong Marcos responsibilidad ng estado na tulungan ang mga guro na nagsasakripisyo.
Tags: PBBM, Teacher's Allowance
METRO MANILA – Binigyang-diin ni Pangulong Ferdinand Marcos Junior malapit sa aksyon ng giyera at red line nang maituturing kung masasawi ang 1 Pilipino dahil sa anomang insidente o aksyon ng China Coast Guard (CCG) sa West Philippine Sea (WPS).
Ito ang sagot ni pbbm nang tanungin sa isyu sa ginanap na 21st International Institute for Strategic Studies (IISS) Shangrila Dialogue sa Singapore nitong Biyernes (May 31).
Naniniwala ang pangulo na susuportahan ng treaty partners ang Pilipinas sa ganitong tumitinding sitwasyon sa WPS.
Iginiit din ng punong ehekutibo na gagawin ng Pilipinas ang lahat upang protektahan ang soberanya ng bansa kasabay ang commitment sa pagpapanatili ng kapayapaan at pagtugon sa mga isyu sa pamamagitan ng dayalogo at diplomasya.
